順德公海鮮飯店

近日潘紹聰係佢個頻道介紹澳門順德菜館,無理由唔入去食飯。餐廳位於新馬路營地大街106號A地舖,好近新中央酒店。入到去見到係米芝蓮食肆推介既餐廳。點咗鯪魚球妃子笑、煎魚皮及螞蟻上樹粉絲煲。餐廳經理知道我係時尚博客專欄作家,還送上薑汁雙皮奶。總價$303。 碟小食係海菭花生。好耐無食到茶樓以前成日食到既海菭花生。煎魚皮好脆。加入鼓油,好美味。鯪魚球妃子笑賣相好似荔枝,其實係鯪魚球造餡。鯪魚球加薄荷醬,好美味。螞蟻上樹粉絲煲配白飯。個粉絲煲混入蝦米,用花椒油去炒。微辣帶點酸味。這種酸辣味,正正係春季食最開胃。問過職員,順德菜多數係酸辣味。唔同大馬菜用咖喱炒出嚟既辣味,有好大分別。 最後品嚐個薑汁雙皮奶,好重老薑汁味道。唔同超巿買到既薑汁味豆腐花。順德菜比較重辣味。愛辣者誠意推介。