《放工後的串燒快樂》
放工都成10點，飯就食唔落，所以黎飲酒～ 一嚟到就有新鮮野菜條，配上微辣嘅麵豉醬，清潔一下味蕾，為串燒盛宴展開序幕。
嚟到居酒屋梗係要飲啤酒，黑啤白啤唔知點樣揀，我全部都要啊，就要一杯黑白啤啦，反正買一送一，點飲都得！
京姬梅子酒，香香嘅梅子酒仲有果肉，啱晒女仔呀。
先嚟嘅有珍珠番薯仔同埋新鮮蘆筍，師傅控制火候均勻，燒得來仍然保持住蔬菜入邊嘅水份。
雞油渣炒枝豆，又係呢間店嘅特色，佐酒一流。
煙燻鹿兒島豬腩，先試原味，然後沾酸汁再吃，享受截然不同的味道。
免治雞肉棒除咗新鮮雞肉，內裏加上雞軟骨，令到雞肉棒更有咬口，雞肉棒本身已經沾上特製醬油，再沾上橙紅色嘅月見，實在太好味，忍唔住一啖接一啖。
封門牛柳居然係夾住啲蔥一齊燒，一口牛又一口蔥，田園feel頗堪玩味。
食到咁上下一杯啤酒就梗係唔夠啦，唔該我要多杯三得利生啤。
明太子長芋，明太子厚揚絕對值得推介，喺其他串燒店都少見，鹹香嘅明太子搽上新鮮嘅蔬菜度，口感同味道都係一流。
鹽燒鵪鶉腿肉，皮脆肉嫩，肉質爽滑彈牙。雞下腿就好似脆卜卜炸雞一樣，啖啖肉，有咬口，一個字正呀。
燒雞翼，我鍾意食。雞全翼叉開好似一支槍咁樣，皮燒到金黃色，送啤酒一流。
牛舌煙靭有咬口，而且仲好Juicy添。
鹽燒白鱔，皮脆肉嫩，爽滑彈牙，唔該我想要多一串啦。
#尖沙咀美食 #飲酒 #小酌 #放工鬆一鬆 #放工好去處 #晚餐吃什麼 #晚餐推介 #串燒居酒屋 #酒吧餐廳 #酒精飲品 #尖沙咀探店 #尖沙咀好去處 #香港美食