台北旅遊景點‼️台北魚市「上引水產」

嚟到台北，點都會去台北魚市嘅「上引水產」，係新鮮海產聖地，我個人就搭的士去，由忠孝新生站去就台幣190車費，上引海產市場分幾個部份，一入去就要噴酒精搓手液，行到入去就會見到活體海產區，賣新鮮未經處理的海鮮，例如長腳蟹、皇帝蟹、龍蝦等，遊人可以即揀即買，仲有代客烹煮服務，現場見到唔少台灣當地人買海鮮，亦都見到唔少海鮮有餐廳訂咗 經過活體海鮮區，就會係超市，賣壽司、刺身、海膽、處理好又切哂件長腳蟹、皇帝蟹、龍蝦等，可以即買即食，門口食嘢既人，多數都係依度選購 另一個受歡迎區就係立呑美食，好多人都派籌等位入去慢慢食刺身、壽司，不過入到去都係企位，同有人招呼 最後既區域就係立食海鮮區，會有唔少海鮮揀，綜合拼盤套餐有刺身、海膽、龍蝦、蟹、蝦、蠔等，另送湯及三文魚沙律 我就買左盒三文魚籽壽司六件(台幣$340)同埋燒銀鱈魚(台幣$200)，壽司偏硬，但係三文魚籽夠晒多，銀鱈魚雖然唔係好熱，但係都整得夠滑，個人覺得如果嚟開台北嘅話，又未去過上引水產，都值得過嚟行吓 #台北景點 #台北自由行 #台北上引水產 #台北魚市場 #上引水產 #立食壽司 #台北旅行 #台北好去處 #台北吃到飽