🏨台中火車站附近現代時尚旅館🏨

#9月好去處2025 #台中住宿 #台中住宿推介 #台中酒店推介 #台中自由行 #台中旅遊 #台中旅行 #台中住宿推薦 #雀客旅館台中中山 #中區 #台中 小妹雖然去過好多次台灣，但黎黎去去都係集中係台北，今次為左善用啲時間，所以係台北落機後就直接包車落台中，車程都幾快，我地揀左一間係夜市附近既酒店入住，方便check in後可以直接去夜市食晚餐😉 今次我地入住台中火車站附近既雀客旅館-台中中山店，佢位於台中既舊城區，前身係朗舍行館，酒店保留左由留美建築師同故宮南院設計師既設計；酒店雖然係巷仔內，但夜晚點燈後，就好似舊城區入面既一盞指路燈，靜靜為旅客們照亮街道💡 步入酒店，門口右邊既等候區有一個木夾造型既座位，十分有玩味感😎旁邊仲有啲高腳櫈供旅客休息。酒店提供自助check in機，如果櫃台咁岩無人係度的話，都可以自行辦理入住，旁邊仲有仙草茶供旅客飲用👍🏿 Check in完就返房擺低行李，今次我地被安排入住高層既房間，房內空間好闊落，乾淨又企理，床頭上面有幅湖水綠既牆面，一入到房就非常吸睛，床既兩旁都有張枱仔可以放私人物品同充電，而且仲有床頭燈；床既牆邊有張長枱提供左置物空間，有熱水壺、茶包同咖啡包，另外仲提供左兩樽礦泉水。房內用左一道矮牆作分隔浴室同訓覺區域，浴室同廁所分別係兩個獨立空間，係一個唔錯既設計😍房內有個細細既窗，不過睇唔到街外既景色🤣 整體而言，哩間酒店雖然唔係超級大，但房內空間都足夠打開兩個24吋既喼，而且所提供既設施都好充足，距離一中街夜市都只係15分鐘既路程，附近都仲有唔少觀光點，所以位置真係相當便利😺 📍雀客旅館 - 台中中山 400台灣台中市中區市府路66號