【 一次過帶你暢遊三大著名景點 】
#福岡景點
【 一次過帶你暢遊三大著名景點 】
🌸我哋行程其中一日join咗一天團，會去太宰府天滿宮，湯布院，別府海地獄＆灶地獄，仲會送温泉蛋一隻，一次過睇晒3個景點，行程豐富。
🚌呢個團由博多出發，集合地點係JR博多車站附近的便利商店門口，我哋係酒店行過去就得，好方便，等齊人就上車出發。
🍢第一個行程會先到「太宰府天滿宮」，佢係日本最重要的神社之一，神社及周邊環境幾靚，我哋買咗導遊推介嘅梅枝餅，係商店街買下嘢食下嘢。
🍧第二站會到「湯布院（由布院）」，係我呢個旅程最期待嘅景點之一。商店街「湯之坪街道」有好多好靚的甜品店和咖啡廳，可以打卡又可以品嘗唔同的美食。
🦉湯布院童話村真係好靚，影相打卡位好多，小朋友可以餵羊仔和鴨仔，仲有一間貓頭鷹館，可以摸摸貓頭鷹和餵松鼠，好得意又特別。
⛩️湯布院仲有一個最著名的「金鱗湖」，佢嘅特別之處係湖底西邊會湧出溫泉，東邊則是湧出清水，聽導遊講溫泉和清水的溫差只要令氣溫開始降低，水面就會起霧呈現一片霧茫茫的美麗秘境，有機會我都想親眼看看呢！
💦最後會去「別府地獄一海地獄」，係日本第一出水量嘅溫泉區，8所地獄中的「海地獄」係規模最大的別府地獄，周邊環境好舒服，可以浸下腳，隨團送嘅温泉蛋都好好味。
#日本旅遊 #福岡九州之旅 #親子好去處 #福岡九州親子遊 #日本 #福岡好去處 #旅遊 #福岡 #九州 #太宰府天滿宮 #別府地獄 #湯布院 #美好回憶