【2025 香港餐廳】南瀛水產旅遊指南 (於 6 月更新)

今日食完好野又要番去溫書 忙裡偷閒嘆完先講 好近B2出口行前少少行仔轉彎上樓就到 朋友話呢間有人燒埋啱晒我呢d等食既懶人 一出𨋢就係，裝修都幾別緻 蟹味噌甲鑼燒$68係必叫～ 蟹蓋滿滿既蟹膏、蟹肉、蟹籽～仲有鵪鶉蛋黃 店員會將4樣食材撈勻～燒起好香，食得出既鮮味，撈飯仲正 有人燒埋點可以唔叫海鮮盛盒$588 有兩隻鮑魚、蟹腳、4隻蜆、兩隻生蠔、兩隻好大既帆立貝 係店員燒緊期間，食住海鮮沙律$88先 唔同既雜菜、車厘茄、紫菜、三文魚，用料豐富，沙律菜爽脆。 飲品： 梅酒加冰$58～ 識我既都知我好鍾意飲梅酒～酸酸甜甜好好飲 乳酸梳打$58～唔錯幾濃夠汽 食日本野點可以唔叫我鍾意既海膽🤤海膽杯$168 兩大塊加拿大海膽～鮮甜又creamy 下層係帶子夾住吞拿魚蓉非常有層次 魚子既咸香係口爆開~每一口都食到鮮甜海水味 跟住蜆就燒好，粒粒都有清酒同蜆肉既汁，非常juicy 鮑魚爽口彈牙，加左七味粉更突出鮑魚既甜味 帆立貝超多湯汁～店員好貼心咁剪開方便食，帆立貝肉厚鮮甜，群邊剛剛好爽口唔un，膏個心仲係好滑，火喉剛剛好，我連湯汁都唔放過，飲左一大啖精華所在。 蟹腳～好多肉～d肉一梳梳 生蠔燒完都好大隻，勁肥美 黑松露鰻魚釜飯$228 上枱已經聞到黑松露既香味 店員就話等20分鐘會幫我地撈勻 正好就係食完超讚既海鮮就可以食佢 一打開見到排到滿滿既鰻魚～口水都流 撈勻後就每一口都有黑松露醬、鰻魚同埋飯焦，集軟糯香脆一身，層次分明，熱辣辣好食。 兩個人食左$1382～坐得舒服枱底有籃放袋，服務一流，呢個價錢超值。

暫時唔敢出遊🥺但好想食日本野呀... 好彩香港都有好多地道日本美食 呢間居酒屋主打日本地道浜燒海鮮料理🤩 仲有多款刺身、壽司、海鮮天婦羅、刺身丼、釜飯etc! ✈️每日由日本新鮮直送時令食材，夠晒新鮮！ 🦪《 活貝盛合 💲428 》🐚 嚟到一定要食磯燒海鮮❗️有生蠔、鮑魚、帆立貝同蛤蜊！職員會幫手燒及調味，所以火喉一定good👍🏻 海鮮本身已經鮮甜彈牙，入口仲有淡淡酒香，yumyum！ 🦀《 蚧味噌甲羅燒 💲78/隻 》 以蟹肉、蟹膏同蟹籽，配搭味噌、鵪鶉蛋同香蔥，職員同樣會幫手燒，蟹膏鮮味濃郁～～ 🧡《 雲丹刺身 💲288 》 海膽幼滑鮮甜～配上鮮脆紫菜同青瓜絲增口感～ 🦀🍚《 松葉蟹海膽釜飯 💲238 》 原鍋上用明火燜煮大約15分鐘⏱️一打開蓋見有松葉蟹肉、櫻花蝦同海膽舖面，好吸引🤩之後撈勻就食得，想有飯焦可以焗耐少少🤏🏻 每口飯都有濃香嘅鮮味，加埋少少飯焦好香口！ 🧈🍳《 南瀛玉子燒 💲88 》 口感軟熟富蛋甜，加埋少少醬油蘿蔔蓉好提味～ 📍南瀛水產 (尖沙咀) @naneisuisan 尖沙咀金馬倫道5號太興廣場5樓 #香港美食 #尖沙咀美食 #日本美食 #吃貨 #相機食先 #南瀛水產

南瀛水產主打食燒海鮮，餐廳位於尖沙咀地鐵站出口附近，地理位置非常方便，入到嚟感覺置身日式居酒屋，有提供多款日式料理，款式多樣化 🏮活貝盛合 $428 盛合有蠔、鮑魚、扇貝同蜆，全程有店員幫手燒，坐係度等食就可以！活鮑魚好生猛，又大隻又厚肉，燒完肉質爽口彈牙 ；兩隻蠔都好大隻，燒完食更添風味 🏮甲羅燒 $68 蟹蓋內有蟹肉、蟹膏、蟹籽同鵪鶉蛋，店員會幫手撈勻之後燒，燒完出嚟蟹膏充滿鮮香，夾雜住絲絲蟹肉，鮮味十足，令人回味無窮 🏮清酒煮蜆 $108 蜆肉大大隻，肉身飽滿，清酒加上蜆嘅鮮味，味道香濃 🏮松葉蟹海膽釜飯 $238 上枱後要焗多20分鐘，打開拌勻就食得！由滿滿嘅蟹肉、海膽、櫻花蝦同蔥花組成，食到底仲有少少飯焦添 🏮軟殻蟹沙律 $98 估唔到有咁大份，軟殻蟹即炸脆卜卜，配埋沙律菜清新又開胃 🏮炸八爪魚鬚 $78 八爪魚鬚炸到外酥內嫩，爽口彈牙，好多都大大件 🏮牛肉烏冬 $98 有幾片大塊牛肉，肉質嫩滑，烏冬偏幼身但好彈牙，口感十足 🍴南瀛水產 📍尖沙咀金馬倫道5號太興廣場5樓 #報名1月酒店試睡員2025

11月係姑媽既生日月 呢間之前食過覺得唔錯帶姑媽黎試下 沙律： 海鮮沙律$88 份量十足，魚生有三文魚、吞拿魚、八爪魚、油甘魚切角，雜菜、車厘茄用料豐富。 鮟鱇魚肝$138 賣相精緻、有4件，入口綿滑。 天婦羅： 紫菜海膽天婦羅$118 蝦、魚、雜菜天婦羅食得多，海膽就未試過，炸到香脆無比既紫菜包裹住半溶既海膽，口感特別。 燒海鮮今次揀左3款： 蟹味噌甲鑼燒$78 蟹蓋滿滿既蟹膏、蟹肉、蟹籽～仲有鵪鶉蛋黃 店員會將4樣食材撈勻～燒起好香，食得出既鮮甜 活鮑魚$78 鮑魚上到枱仲識郁，同手掌差不多大，店員燒既火喉剛剛好，軟腍口感、鮑魚肉厚、唔需要太多既調味，只係加左七味粉，已經鮮甜無比。 帆立貝$78 店員會落埋清酒一齊燒，更突出帆立貝既鮮味，湯汁都飲埋。 飲品： 梅酒加冰$58 識我既都知我好鍾意飲梅酒～酸酸甜甜好好飲 卷物： 雲丹蟹肉卷$228 擺盤吸引，面頭就係主角雲丹，份量大方，內裡蟹肉亦唔少，正呀！ 南瀛卷$288 呢款一上枱感受到澎湃兩個字 甜蝦慵懶咁攤係一張鋪滿海膽既貴妃椅望住對面既吞拿魚蓉卷 而海膽下層亦有海量既吞拿魚蓉魚籽 食落層次分明，creamy軟滑 魚子既咸香係口爆開~每一口都食到鮮甜海水味 兩個人食左$1267～坐得舒服枱底有籃放袋，服務一流，呢個價錢超值。

呢度真係好有用餐氣氛🇯🇵 先點咗杯青蘋果乳酸，翠綠色澤嘅冰蘋果，入口清脆，略帶酸甜，清新又開胃。 海膽杯 擺盤精緻，海膽鮮甜濃郁，鹹度適中，口感綿密細滑，份量都幾多！ 蟹味噌甲羅燒 蟹肉、蟹膏、蟹籽組成嘅甲羅燒，加上鵪鶉蛋，即燒即食，入口微鹹，充滿醇香，喉嚨餘韻悠長，入口滑嫩綿密，必食！ 黑松露鰻魚釜飯 熱氣騰騰，飯粒粘滑飽滿，松露香氣四溢，鰻魚大大件，好多汁，足足裝到五碗米飯，份量豐富。 東瀛五點盛 有牡丹蝦、三文角、油甘魚腩、拖羅、帶子，刺身色澤鮮艷，擺盤精緻美觀，款款都即切即上，入口凍冰冰，清新又新鮮，味道天然。 另外我哋都order咗熟食～野菜天婦羅和軟殼蟹沙律，份量豐富，尤其配搭嘅沙律醬汁，味道清爽可口，酸甜適中，解膩清新！ 是日人均消費: $500 南瀛水產 (尖沙咀) 📍尖沙咀金馬倫道5號太興廣場5樓