由布院｜性價比高、位置方便、獨享私人風呂溫泉旅館

#由布院 #私人風呂 #溫泉旅館 #一泊兩食 Hoshifuruyado Seian 星降る宿 星庵 第一次同男朋友去由布院想揀間有私人溫泉嘅旅館、又想有一泊二食嘅，選擇唔係好多，因為旺季已經俾人book晒當時去嘅係大約四月份左右，但都比我搵到呢一間位於由布院的星庵。 一泊二食 個旅館係包一泊兩食嘅，第一晚個晚餐係日本和牛壽喜燒，啲和牛超多同埋超好食，非常之滿足！第二日個早餐係比較日式嘅料理，細細碟味道都OK但係唔係話好出色，見到啲靚碗碟望到都覺得開心。酒店其實係一日只會接待四組客人，大家食飯嘅時間都係固定嘅。 私人風呂 每間房間都會有自己嘅私人溫泉，佢係一個露天嘅風呂啦，啲溫泉水係藍色嘅。由於係露天啦，同埋係郊區地方都比較多蚊所以大家浸完之後都要快啲返入室內，但係個溫泉真係超舒服啊，又有私隱，好啱情侶入住，但浸嘅時候都會聽到隔離情侶講嘢嘅，但由於對方係韓國人，我哋都聽唔明。店主特別準備咗一個冰凍嘅燒酒喺雪櫃，大家飲浸溫泉嘅時候可以飲啦，或者浸完溫泉之後可以入房慢慢嘆。鍾意飲酒嘅男朋友覺得10分開心。浸完溫泉好爽、消除疲勞！ 位置方便 旅館係非常之近由布院商店街，咁無論你要去睇Miffy啦，或者想買嘢食呢都好方便嘅。另外，附近亦都有一間開二十四小時嘅Lawson便利店，都只係行大概5分鐘夜晚覺得肚餓可以去買吓啲雪條啊、杯麵啊返去再食過做宵夜。 因為呢一間酒店性價比比較高，所以我都會推薦大家去住，而且唔揸車嘅人都會比較容易去得到！能夠滿足大家各方面嘅需求，必住！ 但都提醒大家啦，因為由於係郊區嘅話呢昆蟲都比較多嘅咁都，會比較多蚊啦，我自己係吸蚊體質，記得準備好、噴好蚊怕水啦！ 另外因為係郊區比較多植物嘅地方，都有啲小昆蟲嘅，但係店家都會準備咗一啲殺蟲水喺酒店，所以唔駛擔心。