由布院性價比高温泉酒店🇯🇵一泊兩食

今次方訂嘅溫泉酒店位於由布院嘅山上，一泊兩食，兩個人¥58,800，酒店擁有比較少數溫泉旅館有嘅藍湯(青湯) 溫泉，係有美肌嘅功效，浸完之後皮膚會光滑柔潤 \房間/ 呢間酒店只有28間房，而當中只有其中19間和式房係有自己嘅私人溫泉 今次book嘅房型係獨立房(和式房+露天風呂)，設有私人露天溫泉，房間風格係日式傳統風，客廳喺晚上會變成睡房，員工會喺我哋食晚餐嘅時候鋪榻榻米。而私人溫泉唔係非常大，旁邊有個日式庭園 酒店包括嘅早餐同晚餐份量偏多，味道中上，每一枱都有一個獨立包廂，私隱度高，服務都好好 \服務/ 由於酒店喺山上，比較偏僻，酒店每日3-5pm設有免費接駁車，喺由布院車站上車，要預先email酒店book車。 酒店員工服務周到，有懂得普通話同英文嘅員工，一到達酒店可以先休息同會提供茶點，而行李會由員工帶到房間入面 \設施/ 酒店設有2個公眾溫泉，室內比較細，室外比較大，環境靚好多，酒店大堂亦都有免費飲品同酒可以拎 酒店正門亦都有免費足湯可以享用，呢個位景觀望出去就係山下 🏨 湯布院泰葉 🗺️ 大分縣由布市湯布院町大字川上1270-48 #福岡酒店 #日本 #福岡 #日本美食 #福岡美食 #福岡好去處 #福岡住宿 #由布院 #由布院住宿 #由布院酒店