羅東夜市蛤蜊專賣店🤤

#台北景點 #台北美食 #台北美食推薦 #台北旅行 #台北旅遊 #台北自由行 #台灣美食 #台北美食之旅 #全球旅行 #羅東夜市 #羅東美食 #金莎蛤仔 #羅東親子遊 台灣幾乎唔同地方都有夜市，哩次去羅東，都專誠拜訪左羅東夜市，出發前做過功課，知道台中逢甲夜市創立既金莎蛤仔年頭係羅東開左唯一一間分店，對於仲意食甲殼類既我，當然唔會錯過哩個好機會啦🤣 哩間店其實只係距離羅東夜市大約5分鐘既路程，跟住google map行，好快就由我地住既民宿行到去轉角位既金像獎洋服，金莎蛤仔就係佢既門前😉 望住店鋪既裝修，感覺帶點日系之餘又有啲溫馨既感覺，車仔既一邊擺放左新鮮既蛤蜊同自製滷茶葉蛋，而另一邊就係佢地既餐牌，食材後方就係爐頭；店鋪有開放式枱櫈，望落有人手製作既logo係枱面上面，非常有質感，雖然座位唔太多，而且都唔係室內既，不過為左美食，即使天氣熱都要犧牲下架喇~ 佢地既蛤蜊有炒同湯兩種食法，有3款唔同口味，仲可以加配料添，我地試左一個蒜香炒招牌金莎蛤仔配絲瓜、私房蛤仔湯配金針菇同佢地自家制既滷茶葉蛋😍 兩款唔同煮法既蛤仔都好出色，每隻蛤蜊都非常肥美鮮甜，而且無沙👍🏿而前者雖然係炒既，但其實都有好多湯汁，絲瓜都好清甜；後者既蛤仔湯同樣都好鮮甜，不過比炒既清少少，金針菇都好嫩，唔會食到好痴牙😋滷茶葉蛋都好入味，不過忙住趁熱食就唔記得左留倩影🤣 雖然金莎蛤仔既座位唔算好舒適，甚至可能會食到身水身汗，但我覺得都係佢地既風味黎既，最緊要係野食好味🤤仲意食蛤蜊既朋友，有機會去台灣真係唔好錯過呀~ 📍金莎蛤仔-羅東店-可樂的私房燒 265台灣宜蘭縣羅東鎮中山路三段268號