日本北陸最美Starbucks

#cafe #100種旅行方式 #富山 富岩運河環水公園入面嘅天門橋展望台，由最近嘅運河，到綠草如茵嘅公園，再遠少少係富山市矮小嘅房屋，最遠就係被白雪掩蓋嘅立山黑部。呢一個畫面真係好似畫一樣，令人百看不厭，印象深刻。若然喺黃昏時間前來，望向東方嘅立山黑部，夕陽嘅光線照射白雪上，令到雪山顯得金黃，又係另一番可遇不可求嘅景象。 位於富岩運河環水公園入面嘅星巴克咖啡，被譽為北陸地區最靚嘅星巴克。坐喺戶外嘅地方，遠眺立山黑部，近看環水公園，春天更加有櫻花陪伴，真係非常寫意。要注意呢一間星巴克概念店經常大排長龍，大家要有心理準備啊！ 🕰️營業時間：08:00～22:30 🏖️環境／設施：極力推薦大家在戶外地方享用。另外可以去到遠處富岩運河橋上望向Starbucks 方向，打卡更佳 📍地址：富山縣富山市入船町港區 富岩運河環水公園 💰人均消費：JPY 1000 💞推薦原因：北陸最美Starbucks，天氣良好時可以看到遠處的立山黑部，櫻花季更有櫻花在旁。 🗓️行程安排:可以安排從金澤出發的一日遊前往富山，新幹線只需約20分鐘車程