JIKKA是日文実家じっか意思「父母的家」🏠

#香港本地遊 #香港好去處 #100種旅行方式 #報名10月酒店試睡員 海光街呢頭都好多食肆🍜，有間新開食燒雞🍗，店面唔係好大，不過裝潢都算係四四正正🪑。 叫咗隻原味燒雞全隻招牌菜🐓，皮脆肉嫩，香味十足🧄，雖然睇到比較油，但係啲肉質幾滑，推薦👍。另外配咗蘑菇🍄同薯蓉🥔，雖然唔知點樣合埋一齊食，不過係幾豐富。 佢有個小食叫做魔鬼之柱🌭，雞皮包住厚切午餐肉一齊油炸🍗，雞皮口感酥脆，午餐肉炸完更香，推薦👍。原來仲有熱狗嘅選擇🌭，熱狗可配唔同嘅材料🌶️，我就食一個配上蟹肉嘅🦀，啲蟹肉份量都算多，不過食起上嚟就有啲麻煩，因為佢唔會黐喺熱狗上，所以食落去分開咗，個包就普通，不過條腸好食🌭。 另外有兩個意粉🍝，一個係海鮮香蒜橄欖油🦐，佢有三隻蝦同三隻青口🦪，蝦就唔算大隻，不過青口都OK，幾鍾意佢嘅橄欖油味🫒；另一個肉醬意粉🍖，我哋額外加咗牛舌👅，三塊牛舌大大塊，好軟熟又有口感，意粉幾有芝士味🧀。不過兩個意粉可惜嘅係醬汁唔夠多，例如個肉醬意粉🍝，我會期待啲意粉可以同啲肉醬掛埋一齊🍝。 仲有兩杯飲品☕就叫咗熱嘅白蘭茶🍵同另一個蘇格蘭威士忌茶就只有凍飲🍹，聽講佢係冇酒精卻可以飲到酒味🍸，但我飲落去就感受唔到威士忌嘅味道🥃，不過茶味係幾香🍵。 整體嚟講係不過不失👨🍳，燒雞同小食都係好嘅選擇👌。 餐單如下： 🔸 原味燒雞全隻 $248 🔸 海鮮香蒜橄欖油意粉 $148 🔸 肉醬意粉 $108 配牛舌 +$40 🔸 蟹霸狗 $98 🔸 魔鬼之柱 $68 🔸 熱白蘭茶 $40 凍蘇格蘭威士忌茶 $44 📍 JIKKA燒雞 鰂魚涌海光街22號地下