尖沙咀高質人氣法國菜

位於尖沙咀the one地點非常就腳方便，餐廳環境氣氛都唔錯，同friend兩個人嚟叫咗佢哋嘅2人晚市套餐，有餐湯、自選兩款小碟同兩款主菜，$538起for 2，算係高質之選。 是日餐湯係薯仔湯，味道香濃幼滑。餐包口感唔錯，非常軟熟。兩款小碟可以揀頭盤或者甜品，我哋就揀咗每樣一款。 法式點心拼盤 (+$30) 拼盤有成5款法式點心，款款都好有特色，好似菠菜芝士蛋餅、蟹肉莎莎撻、炸松露球、煙三文魚蓉多士同西班牙火腿。其中嘅蟹肉撻就做得最出色，鮮甜蟹肉配埋莎莎醬同脆撻底，口感味道層次都好豐富。 原隻烤龍蝦 (+$135) 主菜加錢叫咗烤龍蝦，用嘅係原隻新鮮龍蝦以芝士忌廉烤焗，龍蝦肉質結實爽彈，味道鮮甜，仲有好多蝦膏。配埋個龍蝦蕃茄醬汁，食起上嚟就冇咁膩。 阿根廷安格斯牛脊肉 (+$55) 另一款主菜叫咗5成熟嘅牛脊肉，牛脊肉中心keep到粉嫩，肉質都算腍嫩，點少少鵝肝白蘭地醬汁，就更加帶出到香濃嘅肉味。 蘋果肉桂可麗餅 可麗餅上面鋪咗滿滿嘅蘋果蓉同焦糖醬，味道香甜可口，加埋個雲呢拿雪糕，超滿足。 Frozen Tripocolada / Punch Fruite (原價$65) 2人晚市套餐跟餐叫飲品仲有8折，所以我哋都叫咗兩杯mocktail。Frozen Tripocolada係用菠蘿、香蕉同椰奶調配沙冰，果味香甜而且好有熱帶風情。Punch Fruite就用薑味汽水做底，加入菠蘿、西柚同小紅莓汁，味道清新。 。 。 Odelice! (The ONE) (尖沙咀) 尖沙咀彌敦道100號The ONE 4樓L407號舖 。 。#親子好去處 ：#香港好去處 #香港 #香港打卡 #香港美食指南 #香港美食 #法國菜 #尖沙咀美食 #尖沙咀 #theone #全球旅行 #foodphotography #hkfoodblogger #hk #hkfoodblogger #hkfoodies #hkfood #french #odelice #odelicehongkong #情侶好去處