🧳Staycation🧳 🏨 尖沙咀The Salisbury YMCA港青酒店🏨

#必去staycation YMCA真係平套之中嘅戰鬥機🛩️，每次嘅限量搶免費升級海景套房都爭崩頭，之前住過兩次，分享下少少相，同埋景觀嘅分別。 💠特色 ✅平價海景套房 ✅性價比高 ✅可以睇幻彩詠香江🌌 💠酒店及客房裝潢 裝修唔係新穎豪華，但係佢勝在保養得好，房間都好雅緻，唔會覺得又殘又舊。酒店分咗兩個坐向，近碼頭嗰邊嘅景觀就好少少，當然樓層都有關係，高啲就睇得多啲海，但我覺得望住文化中心個頂有啲怪😅，好似望1881仲好少少，1881夜晚著曬燈好靚💖。夜晚睇幻彩詠香江，佢書枱其實有張紙教你點樣裝返個app開番個音樂，有返啲氣氛😆。生日入住會送毛巾蛋糕，都幾QQ😆。 💠酒店餐飲 晚餐真係誠意之作，有質素兼水準穩定，環境安靜，侍應主動招呼又親切有禮，會主動關心小朋友嘅需要，抵讚👍🏻。不過個芝士火鍋🧀真係麻麻地，因為要加酒精稀釋，所以都幾重酒精味，唔係個個接受到，下次都係食返普通西餐算🤪。 早餐再臨閣似減量版嘅jw，貴精不貴多，各類飽點🥐都好精緻，員工服務態度又係好好。最鍾意佢一排落地玻璃，坐窗邊睇到少少海，望住藍天白雲食早餐，人都心情靚啲🥰。 💠總括評語 絕對係尖沙咀海套性價比之王，打邊尖沙咀無敵手，訂房app長期bookmark之選😆。 🏨參考房型：海景套房 🚶🏻‍♂️地址：香港九龍尖沙咀梳士巴利道41號 #鴕鳥媽自肥日常 #親子出遊 #staycation #海景酒店 #套房 #海景套房 #thesalisbury #ymca #港青酒店 #幻彩詠香江 #性價比高酒店 #再臨閣 #抵玩酒店 #familytravel