極力推薦和牛盛合｜和牛煲仔飯 太吸引🥹

《三郎。燒肉》 位於尖沙咀H Zentre，以木系為裝潢嘅主調，環境非常乾淨舒適。 ✨烤和牛肩他他凱薩沙律 和牛肩肉烤到半熟，顏色粉嫩，口感軟腍。配上凱薩沙律，係個開胃嘅前菜。 ✨特選和牛盛合 一共有五款，包括牛肋條、牛冧、下腹肉、西冷同肉眼上蓋。望住都已經覺得好吸引，粉嫩嘅顏色同豐富嘅中大理紋，睇見都已經流哂口水🤤 每張枱都設有一張卡介紹牛不同嘅部位，可以一邊燒一邊增加認知。 每片牛每邊燒幾十秒就可以，口脂香味迫哂出黎🤤個人最最最喜歡和牛西冷，肉質非常柔軟，油脂極豐富，入口即溶。 ✨季節刺身盛合 今晚嘅時令刺身有左口魚、左口魚邊、油甘魚、金目鯛同帶子，全部都非常新鮮。 最吸引我嘅係左右魚邊同帶子，前者有炙燒過，充滿煙燻同油脂香；後者應該係我食過最鮮甜嘅帶子之一🫶🏻🫶🏻 ✨和牛煲仔飯 當和牛遇上煲仔飯，我兩種超愛嘅食物走埋一齊⋯☺️☺️再將蛋汁跟飯同和牛粒拌勻，omgggg🥰 和牛粒柔嫩多汁，飯粒滲出香濃和牛同蛋香，仲要有少少飯焦，滿分🥹 ✨帆立貝/阿波味雞翼/豬肉 再加左以上三種燒物。必點帆立貝！超級鮮甜美味，再加上非常香濃嘅蒜香牛油醬汁，係帆立貝嘅天花板，好味到連汁都飲埋🥹 ✨香辣炸雞翼 金黃香脆嘅單骨雞翼，帶微辣，加少少檸檬汁或蘸上他他醬都好味🙆🏻♀️ ✨柚子雪芭 最後來一個清新香甜嘅柚子雪芭，滿足🥰 😋味道：9.3/10 💲抵食：8.0/10（約$2000/2人） ✨環境：9.3/10 🌈服務：9.3/10 🫶🏻推薦：9.0/10 📍地址：尖沙咀中間道15號H Zentre地下3號舖 #三郎燒肉 #廚師發板 #日本料理 #三郎 #和牛 #燒肉 #尖沙咀美食 #omakase #香港美食 #foodiehk #相機食先 #美食推薦 #吃貨 #hkfoodie #hkkol #hkinfluencer #好物分享#foodstagram #hklifestyle #majushare_food #報名5月酒店試睡員