性價比高二人餐 大推濃厚餐湯@Délifrance

Délifrance (愉景新城) (荃灣) 📍 荃灣青山公路荃灣段398號愉景新城1樓1051號舖 剛好在荃灣愉景新城溜娃，發現Delifrance重新裝潢，座位比以前闊落而且仲有送餐服務😍出眾的海軍藍LOGO，十分搶眼，盡顯高級感。 餐廳一如既往主打輕食和意粉🍝，其二人餐性價比高，包括頭盤+ 主菜+甜品🍮+飲品，比單點較為化算。 頭盤🥄： 選了餐湯、是火腿薯仔🥔湯，薯仔打至香軟細滑，加上忌廉面糊，整體質感濃稠，調味剛好不會過鹹，而且仲有厚切火腿條增加口感。配上外脆內軟的法包🥖多士，蘸上湯汁，不錯。 主菜🍲： 香蒜海鮮意粉：呈上桌已經充滿蒜蓉香，每條煙韌有口感的意粉掛滿了煎香的蒜蓉顆粒，配上新鮮洋蔥🧅和香草碎，加上毫不吝嗇的蜆肉和爽彈大蝦🍤，簡單但考功夫，加上適量辣椒仔增添香氣。 炸阿拉斯加魚柳配薯條：魚柳新鮮炸起熱辣辣，外脆內軟，魚柳肉一梳梳炸漿調味比較甜，可加檸檬汁解一解膩，薯條🍟略嫌唔夠脆身，但勝在大條而且提供蜜糖芥末醬和茄汁任君選擇，重點由羽衣甘藍沙律可以平衡下。 甜品🍮： 迷你雪糕牛角酥，牛角酥經過烘烤，特別酥脆，食得出好多層次而且呈蜂窩狀紋理，香滑雲呢拿雪糕配合熱辣辣牛角酥，冰火交融，仲有邪惡嘅朱古力醬係表面。 飲品🍸： 芒果熱情果梳打：芒果糖漿喺底部攪勻之後同熱情果嘅甜有加乘嘅作用，梳打的氣泡🫧與甜味融合，涼透心。 總結： 性價比極高的二人餐 頭盤+ 主菜+甜品🍮+飲品 #荃灣#愉景新城#delifrance#輕食#咖啡店#奶茶#二人餐#頭盤#主菜#西餐#甜品#飲品#性價比高#香蒜海鮮意粉#炸阿拉斯加鳕鱼🐟#芒果熱情果梳打 #délifrance