🧸🌞｜最期待佢既麻糬窩夫🧇

#櫻花2024 ☆★☆★ 🍽️：荔枝角 ➼ 𝕄𝕒𝕜𝕦𝕞𝕒 轉角遇到⋯好野食😌 係D2轉個彎到後面 就會見到呢間日式食店🍱 用上簡約既木系設計 入門口會見到一個小bar枱 內裡播放住既係比較輕快既音樂 氣氛都唔錯 幾輕鬆🥰 晚市既選擇主要係以兩個唔同既二人前為主 想散叫都冇問題 不過如果見到個二人前 都係會忍唔住叫🫢 ➷ 🪐 幕間鍋物二人前 ▸ 前菜·沙律 由前菜已經可以睇得出 食店係有心機去做出品👍🏼 爽口鴨胸肉配上凍豆腐加柚子汁 非常開胃🤤 沙律上有北寄貝同特大赤蝦🦐鮮味十足 大有睇頭 § ▸ 小食·唐揚拼盤 吉列蠔｜唐揚炸雞｜玉子燒｜芝麻雞翼 呢個小食拼盤同樣都好唔話得 份量豐盛 有成4款炸物🤩 每款炸物都炸到索索聲脆卜卜 炸粉份量都控制得好好 一次過可以食齊經典日式炸物🍗食完都開始飽咁😆 炸蠔唔會食到腥味 炸雞又唔會乾身 樣樣都可以發揮到水準👍🏼 § ▸ 幕間鍋物·壽喜燒·USDA極佳級肩胛牛小排 終於黎到主菜喇 我地揀咗食鍋物 貪佢自由度大🤪 由湯底到配菜都可以自己選擇 咁又幾開心仔🥳 因為我地想食牛 所以就揀咗壽喜燒湯底😋夠晒襯喇 牛小排肉味夠突出 油脂唔算好豐富 但肉質軟腍 加上同壽喜燒係絕配🤤完完全全吸收晒啲精華 配料有超過15款既選擇 而類別都係適合日式火鍋 亦都可以揀啲吸湯既配料 咁就真係可以食盡佢😆 最後緊係要配埋主食烏冬喇🥢啖啖都變得濃味👍🏼 § ▸ 朱古力麻糬窩夫 呢個麻糬窩夫應該係出晒名😍成塊麻糬當被襟咁🫢 🧸話佢見到呢個應該係最開心 特登一定要留肚食 的確如果你係好鍾意食麻糬的話 係唔能夠錯過 煙煙韌韌既麻糬 朱古力香濃而不膩既窩夫🧇滿足喇🥰 佢既窩夫做到外脆內軟 難怪係咁令人期待😋 § ▸ 白桃乳酸梳打 ▸ 櫻尾 喜歡飲酒既 可以試吓佢地既酒品🍶 除咗酒之外 當然都仲有其他飲品俾大家選擇 放心喇😉 本身個餐都有跟兩杯無酒精飲品 或者指定酒品 所以佢既自由度真係幾大😆 ➷ 一間我地覺得都可以encore既食店 下次會想食埋佢另一個二人前 同埋抹茶窩夫🧇 ➷ 🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指數 👉🏼👉🏼9️⃣🌟 係邊度？係呢度👇🏼 📍荔枝角長義街9號D2 Place ONE 地下G03號舖 #cookingbear #美食指南 #西餐 #美食之旅 #香港美食