以客為先盡善美，創意菜式有驚喜

餐廳：六如 (中環) 地址：中環皇后大道中139號The L. Place 5樓 喺中環開咗接近一年嘅三小漁以全新品牌——六如同大家見面🎊，今次改頭換面，無論環境定菜式都重新打造✨，同時希望繼續以「以客為先」嘅理念帶比大家更多創意fusion中式美食，真喺處處都喺驚喜😎，依家晚市訂座仲有9折優惠😍 餐廳致力喺食客角度出發，會按照每一枱客人叫嘅餸菜同要求去打造客製化嘅用餐體驗，甚至可以話喺以高級西餐廳嘅形成，比你品嘗井然有序嘅高質素中餐🍴。由頭盤、湯品、主食、伴菜、甜品逐碟上，唔會一次過起晒所有菜，確保食物放到入口仲喺新鮮熱辣辣🔥，亦唔會炒埋一碟令香甜苦辣嘅味道喺口入面大兜亂，真正食得到每一道菜嘅味道👏 ✝️前菜拼盤 $62 帶有絲絲煙燻香嘅糖心蛋、外鬆脆內嫩滑嘅竹炭黑金脆豆腐、微辣惹味嘅特式蒜汁青瓜白肉，第一道上枱嘅三款頭盤已經夠晒精緻有特色，甜鹹辣皆有，喺個好嘅開始🤩 ✝️養生足料燉湯 $78 是日燉湯喺無味精嘅舞茸菌烏雞螺頭湯，清甜暖胃，足料老火靚湯入面仲有唔少瑤柱、烏雞肉同瘦肉👍 ✝️鮮蘋果陳醋香煎安格斯牛粒 $268 估唔到喺中菜館都食到高質安格斯牛肉🥳，切成粒狀，煎香牛肉粒外層至微微焦脆，一咬落去多汁之餘極之軟嫩，牛羶香味四溢🐮，真心食唔停口；配埋香甜爽脆嘅艾菲蘋果同甜蜜多汁嘅地捫菠蘿🍎🍍，加埋陳醋嘅點綴，令牛肉粒更軟身得嚟仲大大中和咗油膩感 ✝️果木烟燻脆皮雞 $198 半隻份量已經好多，上枱先凝造煙霧效果💨，超香脆嘅雞皮同充滿陣陣果木香嘅雞肉帶嚟十足風味🍗，酥脆可口嘅滋味確實令人垂涎三尺🤤 ✝️豬油渣西蘭花苗 $38 依家愈嚟愈少喺坊間食到豬油渣，畢竟都幾唔健康好肥膩，不過少食多滋味，耐唔耐食返次都幾和味😆，脆卜卜嘅豬油渣香口而唔油膩，佢嘅脂香令本身普通嘅西蘭花苗變得格外好食😋 甜品有法式焦糖燉蛋($58)同芒果布丁🍮($16)，真心估唔到中菜館會有自家製仲要都幾出色嘅西式甜品🤪，除咗甜而不膩，前者仲加入咗中式元素——桃膠，令口感層次更豐富