帶你遊走法國菜

餐廳環境浪漫優雅 第一眼望到甜品櫃已經超吸引 款式好多 Brunch係每人可揀2款甜品 價錢真係好抵食‼️推介🫶🏻 食完我都想去翻轉法國🤭 ✨Standard Brunch Menu $388/pp✨ 呢個Brunch Menu非常豐富，包咗兩款前菜、一款主菜同兩款甜品，款式選擇非常多。 // Starters // Tartare de Boeuf 食法國菜又點可以唔食牛肉他他，呢到嘅牛肉他他有用秘製香料醃製過，非常入味。口感亦都好軟腍，食落完全無筋，配埋香脆嘅麵包一齊食口感更豐富。 Tataki de Thon Tuna他他四邊都有炙燒過，所以帶點焦香味。中間嘅魚肉仍然保持粉嫩，鮮味十足。伴碟仲有蘿蔔絲、青瓜絲同芒果莎莎醬，感覺好清新。 Les Huitres 生蠔即叫即炸，上菜時仲熱辣辣，外層炸到好酥脆，裡面嘅蠔肉鮮甜嫩滑，真係好好味。 Beignet de Crab 呢道係餐廳嘅招牌前菜，小饅頭炸到金黃香脆，配上蟹肉飛魚籽蛋黃醬食非常惹味。 // Mains // Entrecote 選用肉眼部位，可以自選熟度，我哋就揀咗五成熟，食落口感好juicy，牛味好香濃，油脂感亦都好豐富。喺牛肉上面鋪滿香脆嘅炸幼薯條，比平時食開嘅薯條更加脆，非常特別。 Bouillabaisse 海鮮湯嘅材料非常豐富，有蜆肉、青口、大蝦、魚肉等等。個湯飲落鮮味十足，味道濃厚非常鮮甜，每一樣海鮮都好入味，係必點嘅一道菜。 // Desserts // 甜品嘅款式有好多，餐廳有display 哂甜品嘅款式出嚟，顧客可以去到甜品櫃到選擇啱自己心水嘅甜品。今次我哋就揀咗Tiramisu、Oolong Tea Mille Feuille、Pistachio Eclair同埋Hazelnut Paris Brest。每一款都好精緻美味，為呢頓美味嘅大餐畫上完美句號。 // Drinks // Passion Fruit Sour Pomegranate Iced Tea 兩杯都係無酒精飲品，前者係以熱情果調製而成，酸酸甜甜好開胃！後者係以石榴汁調製而成，較前者甜。 #cablfoodreview_central 📍 La Brasserie 中環擺花街23-29號中環大廈地下D-E號舖 #hkfoodpic #foodstagram #foodiegram #hkfoodie #foodie #foodiepic #foodpic #foodphoto #foodshare #foodiehk #852food #吃貨人生 #食評分享 #餐廳 #食評 #中環美食 #美食日記 #相機食先 #中環食乜好