又中了trip. com一次招。網上簡介及名稱係「酒店」,去到門牌係寫 「公寓」,以及感覺被照騙了。
一入房,見到房的陳設 同網上照片相近,先確認 係訂左呢間「酒店」。設施陳舊,用緊插卡取電,好處係用什卡都可取電;牆身多處有裂紋;浴室水漬斑斑,頂部亦有裂紋;沖涼水越洗越凍,可能係儲水式熱水爐;處於某村內,村內有數間公寓式酒店;前後不著店,新年只有一間便利店營業,村外是公路,無出租車,要自己用 app call車。幸好酒店有自家餐廳,而且好似少有名氣,有不少當地人慕名而來, 石橄欖土雞味道不錯;蠔肉厚大但無咩蠔味,亦不夠鮮;仲有新彊人烤的燒烤,宵夜不錯;店舖開到凌晨兩點半。
唯一亮點,那便利店,時值農曆新年,有炮竹煙花賣,可在酒店對出的球場,燒下煙火,應節。球場內有俾老人家鍛煉的健身設施,都可一邊運動下。 酒店內亦自設家庭式K房,按摩房,期望不高的 可試下,頗有 懷舊情懷。