酒店前台服務員態度極差,面對我一家四口Check in 時,表現得極不耐煩,在我面掟房咭。酒店樓高12層,客房樓層由4樓至12樓,而我預訂係高層房,佢最初俾左4樓我,我同佢講話我哋訂左高層房,幾經交涉後,佢哋安排左6樓房間。
房間設施殘舊,一開門竟然有一把用過嘅膠刀喺地下,房間座地燈唔著,諗住打去前枱叫人維修,無人接聽,再直接到前枱叫佢安排人維修,結果,到我check out 都無安排過人黎維修。
最後同酒店方面投訴,佢哋話會退返USD50入信用咭作補償,但過左兩星期後仲未收到。再email 俾酒店,佢哋回覆話無任何紀錄話會退USD50,要求我提供職員姓名,可惜我當時無抄低。
極不推介此酒店,價錢與服務不成正比。