澳門索菲特酒店

今次到澳門，選擇咗住十六浦索菲特酒店，好多謝酒店升級房間到總統套房，樓層在11樓。 到房間門口一開門，就見到一個好大空間嘅廳，廳的角落有一個洗手間，再行入啲有張六座位的餐枱，餐枱旁有咖啡機等等，當然可以享用mini bar。 再入大床房間，空間好大，對住大電視，晚上喺床上睇電視真係好舒服，另外仲有一部VCD機可供欣賞。 再入浴室先有一個供吹頭及化妝嘅空間，仲貼心咁供應埋瑜珈毯及輕重量啞呤，再入去浴室有一個大嘅按摩浴缸，仲有供應浴鹽，沖涼間水壓好大，沖涼非常舒服。 呢間套房總共有4部電視，分別喺客廳，睡房，按摩浴缸及馬桶位置，連上廁所都可以睇住電視😬😬 整體嚟講非常滿意今次嘅住宿，下次嚟澳門都會再次考慮入住十六浦索菲特酒店。