KKristy Family這次宜蘭礁溪之旅,揀咗地理位置超方便的「山形閣」,真心推薦俾想Chill住慢活,享受溫泉嘅朋友。依間酒店本身喺礁溪火車站附近,落車行兩三分鐘就到,無論自駕或搭火車嚟都唔駛煩,周遭食肆同便利店又一大堆,生活配套超方便!
服務方面,酒店職員專業熱情,每一位都主動同你打招呼、解答問題,好有親切感,入住時嘅細心講解令我無論去泡溫泉定搵設施都超順利。
房間設施要重點讚,全間房好寬敞、打掃得非常乾淨,大牀及枕頭軟硬度適中。我家最愛绝對係房內私人溫泉,瞓醒開門就可以慢慢浸,理想的放空模式!床舒服之餘隔音都好足,完全唔怕夜晚俾外面聲音打擾;Mini Bar飲品都係免費,每一個細緻位都處理得非常好。
溫泉設施方面,選擇多,大眾泡湯區或者房間私人溫泉應有盡有,帶住屋企人或者朋友一齊嚟都非常適合,啱曬做親子行程。除咗有温泉,仲有手工藝DIY班、遊戲室(玩switch)、健身設施等,我們一家4口便參加了下午的親子手工藝DIY班免費製作了小鎖匙扣作家庭紀念品。
山形閣絕對係一間我家十分推介,品質服務一流的五星級酒店。我家1行人連老人家入住兩晚兩間房都非常滿意。這樣一間有心思又有幸福感嘅温泉酒店,真心無選錯!
顯示更多