由巴士站行去只需5分鐘(沒有call車接送服務),裝修靚(2022年開),我地係住自帶地藏溫泉房型,間房靚又大(價錢係少貴既,我地臨近新年年30晚住,不過真係值得住1晚),房內溫泉水會24小時不停流動,套訓覺睡衣仲好舒服,黎呢到可以乜都唔使帶,只帶套內衣就ok,有晒沖涼要用既野,差電可用usb,佢房內仲有套可出街既衫著(唔記得叫咩😅),食飯同出街去買野都可以著,我地去既時候大約幾度到,佢recep.位近門口有掛住d厚d既褸可借黎著出街。
公衆溫泉都ok大,有室外室內2個(女),門口有雪條任食,一泊2食,晚餐OK(因為睇過幾個影片通常都話d溫泉一泊2食麻麻地)*有相睇下,早餐就麻麻(個3文魚太咸喇),但所有擺盤都好精美,去中心地帶都只係5至6分鐘路程,好近。
*只附上晚餐同雪條照片(其他有人就不便喇)😆
*我睇佢房地圖自帶地藏溫泉房好似只有一間(每層),我地住3樓
我係4個月前book