喺機場4號巴士站直接搭車喺酒店門口落超正, 我哋係最普通嘅床房間有啲啲舊,但係晚餐同早餐性價比真係好高咁嘅價錢,絕對收貨。
溫泉大浴場好大,裏邊有三個泡湯匙室外有兩個泡湯匙,其中有一個有啲好得意嘅鴨仔, 玩完一日疲勞盡消。
第二天一早上去金刀比羅宮之後,再去整烏冬
超近酒店出嚟直行10分鐘就開始到表參道開始一日嘅行程。
好多樓梯好高,盡量行上去啦已經,行唔晒上去,但係都睇咗好多嘢,落返嚟去咖啡店飲咗杯好正嘅朱古力,跟住再去食一個日式嘅西餐,喺店裏面嗌咗兩個set , 買埋包咖啡都係4000幾Yen, 跟住去前面嘅烏冬學校$80港紙可以整烏冬自己帶走好開心,整完烏仔嗰度shopping,食雪糕飲蜂蜜, 再返酒店攞行李去火車站搭車出高松市, 喺酒店行出去火車站5分鐘,超級方便,火車出高速每個鐘兩班42分及零6分有車,大家都嚟玩啦!