位置理想,近東大門夜市,附近又有超市,7-11,重有路邊攤有水果賣,夜晚10點都重有開,朝早如果想睇日出,10分鐘步程直達太平洋公園,非常方便。有景觀,因係附近唯一高樓,可以望到太平洋,入住時撞正新年特準放煙花期,所以太平洋公園夜晚會有人放煙花,起房間都可以望到,特準放煙花係可至凌晨1點,早睡既人可能受影響。房間大,有浴缸,免治馬桶,整潔舒適,隔音就可能爭少少,入住期間遇到附近有家庭客,真係唔明點解朝早唔可以好好關門,而係大大力閂門。另外,浴缸熱水開開下會變溫水,但花灑果邊係完全無問題。住房附有早餐,是簡餐類,咖啡,茶,豆漿,粥,多士麵包饅頭,腸蛋之類,都不錯既。整體而言,係一間我好喜歡既飯店,下次如果再到花蓮,都會係我飯店首選。