【布吉批發】布吉島大佛打彩彈|騎大象|ATV越野車|飛索

今次揀咗叢林飛躍15站、ATV 30分鐘和蔘觀山頂大佛，坐共乘車去不到1小時便到達場地，登記後便開始第一個活動叢林飛躍，教練和職員會同大家講解安全守則和玩樂過程，幫大家穿上安全套裝便出發，所有個人物品放到locker不能攜帶，可以交低一部電話俾教練，佢會負責幫我哋影相拍片。我個group有五個人，一個family和我們，每去到一個部教練都會同我哋講解和做第一個示範怎樣飛，初初都有啲驚，之後大家都好放膽盡情玩。兩位教練非常專業，亦都知道咩位置咩角度幫我哋影到靚相，完全唔使擔心。玩完叢林飛躍，再去玩ATV，識玩嘅可以自己揸，唔識嘅會有職員陪同一齊揸，亦都有中文講解，過程刺激，建議大家唔好著淺色衫去同埋要著長褲，因爲泥地和泥水都比較污糟，揸車都會濺到身上。玩完之後再去蔘觀大佛，時間大概30分鐘，如果你係著短褲或者係冇袖嘅衫，就要喺現場買衫或裙遮蓋，落車後行大概三四分鐘去睇大佛，好壯觀宏偉，風景亦都非常優美，居高臨下看著整個布吉島。完成大半日的玩樂行程，坐返車返酒店，整個行程非常愉快和方便！