2026懷阿拉旅遊攻略 | 景點、美食、住宿交通、旅客實拍

澳洲懷阿拉。那裡的海美極了,我拍了張照片。這裡以釣魚聞名,每年都有來自澳洲各地的人們來這裡抓螃蟹、釣魚、享受家庭度假,並與愛人共度浪漫時光。

繼續 Whyalla (SA) 之旅另一 breathtaking 景點,Point Lowly。 我好怕凍,死都唔敢喺 8 月落水睇 Whyalla 最出名嘅 cutterfish,朋友就停咗架車喺 Point Lowly 陪我哋睇日落(仲靜雞雞幫我哋影咗張最靚啲 couple 相)。 之前喺 IG 睇相都知哩度個 lighthouse 靚,但冇人影過個海灘位,去到先知係石灘,唔係穩陣嘅石,係好似蠔殼咁嘅石,又多水草,專心少一秒都會差錯腳。雖然係冬天,又接近傍晚先到,石灘上尤其有草果啲位依然有蜥蜴經過,大家可以想像下我行路時嘅聲效 🫣 原來喺石灘影相又係另一種感覺,老公一個人行到海邊果頭,加上大風,張相幾孤獨 😂 上返石屎路,原來就唔夠位喺 lighthouse 打卡,太大,個人入到鏡就影唔晒 lighthouse,但已經腳震,落唔返石灘,個夕陽落得好快,我哋跑住步咁喺石屎路果邊搵個可以避開工業區 skyline 去追影個夕陽,好彩都趕得上搵到。 Point Lowly 係個減肥好去處 😂 哩度雖然靚,但冇人嚟 camping,可能離 Whyalla 都好近,冇必要過夜。個夕陽唔喺海嘅 skyline,喺海嘅反方向,我哋差少少就 miss 咗。

Whyalla 位於 SA 入面一個小鎮,我估主要以 mining 為主,上哩架小飛機嘅大部分都係好工作 mode 啲大隻佬。 未去前,喺 IG 搵咗幾個地方想去,但到最後,因為天氣關係,老公又唔肯早起,去到嘅地方少咗。 第一站梗係要親親大自然!去到澳洲一定要去同動物接觸下。全個 Whyalla 得一個動物園,Whyalla fauna and reptile park,一般收留啲喺獸醫度醫好咗但主人唔見咗/冇主人但唔適合返去大自然嘅動物。 因為朋友係獸醫,開住診所嘅車去,個館嘅管理員一見到我哋就好驚,因為佢好怕蛇,而蛇就係好 common 被獸醫送去佢哋度嘅動物 😂 Anyway, 個館好細,動物種類好少,管理員仲話當日冇人去,所以免費俾啲餵食糧俾我哋入去餵下動物。 行咗 20 分鐘,仲以為自己行咗兩個鐘,去完廁所諗住走,突然見到有人帶咗條鱷魚 bb 出嚟。我第一時間衝去問下摸唔摸得,摸摸下,bb 好鐘意我,個 guard 就俾咗我抱 ❤️❤️❤️ 抱咗都有十幾分鐘,我開始手振,但佢唔想走。個 guard 要湊返佢時,佢發脾氣,又抓個 guard,又喺佢身上痾屎痾尿,個 guard 話 bb 好鐘意我,唔捨得轉手,要表現極度不滿。 由於開始落雨,我哋都要盡快上返車避雨,就走咗。 場雨來得快走得快,落咗唔夠 10 分鐘,我哋喺車未決定好去邊就已經停咗,我就口輕輕話不如去鹽田。 GPS 話 Olsson salt 喺附近,半個鐘到,朋友就心口掛住勇字,不惜一切鏟入叢林泥地去水渠去個鹽田,結果個幾鐘先到。我就鬼咁驚,荒山野嶺啱啱落完大雨,萬一車軚入咗泥 tum 上唔返嚟就大鑊。好彩冇事。 鹽田一個人都冇,連工廠喺邊都見唔到。只見到粉紅色嘅小湖,岸上面好多白色&粉色好似鹽嘅嘢。好正!果度好大風,吹咗 5 分鐘風已經唔係好舒服,所以快快打卡就上車開暖爐保返暖。 返到屋企果頭已經 6:45pm,原來果邊嘅餐廳未到 8pm 就會關,housemate 已經好擔心趕唔上(因為仲要搵車位,又要行),好彩喺 7pm 左右到,去到好似包場咁,因為我哋係最後一班客人,佢哋話遲多 5 分鐘就收舖 😮 我哋食咗餐好美味嘅印度餐。 完咗就去我最想去嘅 Whyalla foreshore 海灘。佢個海灘有個好大好大嘅淺灘。好大風,大風到開唔到車門,所以上咗山個 outlook,但都係太大風太凍,出咗車門都唔係好行到,而且係好黑,伸手不見五指,聽聞仲要行上山,我就縮返入車。希望下次夏天去。