2025 大圍小館餐廳推薦 (於 4 月更新)

米芝蓮推介的大圍小館週末晚市不難預約，晚市做2輪，分別是6點和8點，有琥珀合桃同醃涼瓜做前菜。 招牌菜勾魂叉燒（5件） $188，選用大大件上等豚肉，半肥瘦叉燒抹上秘制陳皮醬，再用火槍燒，外皮焦香，陳皮醬好開胃同脆米有減膩作用，值得一試！ 蒜香無骨魚$138，一串一條，酥香鬆化，魚香味濃，外脆内嫩。 椒鹽鮮魷$158 ，非常新鮮入味，外脆內軟，吃不停口。 無花果肉排＄188，肉香不膩，果香味足，兩者完美配 搭，必食推介！ 翠塘豆腐$188，非常嫩滑，大人和小朋友最愛！ 啫啫唐生菜沙煲＄138，沒有雞，勝在惹味又爽口，送飯一流！ 吃飽還有糖水送，65歲以上長者免茶位，人均二百多，CP值，可以一試～ #foodie #shawnsplanet #香港好去處 #大圍美食 #大圍小館 #美食推介 #叉燒 #夏日搵食推介 #香港美食 #hkfoodie

大圍小館一直以來口啤唔錯，更入選米芝蓮指南2022，絕對係必食之一。晚市只有18:00或20:00兩輪，唔預約基本上好難有機會食到。 1️⃣ 勾魂叉燒（$188） 店員先為叉燒掃上陳皮勾魂燒汁，再用火槍將叉燒外層燒至微燶焦脆，之後連同奪命脆米一齊食；燒過嘅醬汁完全滲入叉燒當中，香氣更濃，另每件叉燒都好大件，肉質又腍又嫩，成功將食客勾魂。 2️⃣ 蜑家鴛鴦魷（$208） 呢款係水上人家名菜，鴛鴦魷即係土魷及鮮魷，前者爽而不韌，後者味清但鮮嫩，兩款魷魚均味香，互相輝映而且鑊氣十足。 3️⃣ 原曬豆豉雞煲（$208） 雞煲選用大孖原曬豆豉，爆香左嘅豆豉非常香，而且唔會好油；雞件係新鮮雞，雞味濃郁，肉質彈牙細嫩，豆豉味亦唔會蓋過鮮雞味，食材講究又高質。 4️⃣ 金沙鮮魷（$158） 看似平凡，但食得出廚師嘅用心，有別於平時食開嘅椒鹽／黃金鮮魷。外層咬落超鬆脆，肉質超嫩彈牙，名乎其實外脆內嫩，一啲都唔韌；鹹蛋黃亦好均勻，唔會一啖濃一啖淡，推薦。 5️⃣ 薑汁芥蘭（$128） 簡單嘅芥蘭亦見用心烹調，芥蘭已削去外皮，既鮮嫩又清甜爽脆，完全無草青味，另薑汁味亦突出，但唔會過濃或過辣。 6️⃣ 砂煲蝦頭膏炒飯（$188） 若果用名車去比喻炒飯， 呢款炒飯一定係勞斯萊斯，實而不華且注重細節，非常有內涵，炒飯粒粒分明，蝦頭膏香氣十足，蝦肉爽口彈牙，與葱粒一齊拌勻，油而不腻，濃郁又帶點清新，好食到停唔到口。 最後，餐廳送上椰汁西米露及椰汁馬豆糕，兩款甜品都椰香十足，呢一餐確實相當滿足。 大圍小館 📍大圍積福街92號 #foodie #夏日搵食推介 #hkfoodie #hkfood #香港美食

大圍小館開業4️⃣年，終於係今年榮登米芝蓮必比登推介，所謂必比登推介就係性價比高既平民美食，唔使好似奪星餐廳咁動輒花上數百元才能飽腹一頓🤑 登上米芝蓮後大圍小館變得一位難求，今次為屋企人慶生預早一個月book定檯就啱啱好了😙黎到就見到門面裝修古色古香，觀感上已經有唔錯分數 晚飯時間準時6點先開門入座，晚市做2輪，分別是6點和8點，兩個鐘頭用餐時間都算綽綽有餘👌餐牌設計簡約，列咗幾樣大項例如海產、自家燒味、翅羹湯和懷舊失傳菜等，只有幾款特別招牌的手工菜有另外圖片單張📒 🫑前菜 | 8/10 有琥珀合桃同醃涼瓜，合桃外層加上芝麻，更加香口惹味微甜，涼瓜醃制後帶點酸味夠開胃 🐙豉油皇魷魚鬚 | $58 | 8/10 點菜後旋即上到呢款小食，豉油皇入面帶點麻油同葱香，魷魚鬚幾鮮嫩彈牙，一口一條咬咬下就等到主菜上檯 🧆一口金磚 | $68 | 7/10 平時見既一口金磚都係椒鹽豆腐，但呢度好特別係用鹹蛋黃醬去整炸漿包住蘿蔔糕😍金沙味道唔會過度濃味，啱啱好香口，入面蘿蔔糕都幾香有咬口，Size幾大起碼食兩口 🦢明爐脆皮燒鵝 | $268 | 8/10 半隻燒鵝一上到檯就見到油光閃爍，雖然好邪惡但非常味美，即刻將隻燒鵝脾交比壽星先🍗之後就食肥瘦均勻既鵝肉，燒得好靚既位已經將鵝油燒哂入肉到，一口脆皮之後就係嫩肉爆汁，滿足感爆燈 🥓無花果肉排 | $188 | 8/10 比較少見既組合，但調配出黎就咁酸酸甜甜既汁，好適合撈飯食，肉排軟滑多汁，同京都肉排有幾分相像，但無花果肉都可以食埋😋有淡淡既果香，層次感更豐富 🦆荔蓉香酥鴨 | $288 | 9/10 今日既重頭戲，屬於需要三天前預訂既懷舊手工菜🤪所謂荔蓉即係將來自廣西既高質荔浦芋頭蒸熟後壓成蓉再鋪上去骨鴨肉，然後放滾油一炸而成🔥 上檯後可見切成八件，外層的荔蓉炸荔酥，入口酥脆甘香，不會覺得過份油膩👍再咬就是綿密的芋蓉，芋香十足，最底就是嫩滑的鴨肉，鹹味解膩成功 🦐腐乳蝦球炒西蘭花 | $188 | 8.5/10 推薦菜式之一，腐乳醬調味適中，不會出現過鹹情況，蝦球大大隻爽滑彈牙，西蘭花沾上腐乳的鹹香更覺爽脆清甜🥦 🥬甜梅菜蒸菜心 | $148 | 7.5/10 簡單的一道菜，單以材料說話，梅菜粒在蒸的途中將鹹甜味傳落菜心內❣️每條菜心都飽飲梅菜的味道，一吃便覺清中帶甜夠健康 🦀籠仔蒸蟹飯 | $288 | 8.5/10 香港人主鍾意晚飯就要有D米氣先夠圓滿，今晚都唔例外，大蟹騎住哂個飯，下面個飯已經有哂蟹黃蟹膏極入味，加上有唔少葱蒜，令人忍唔住一碗接一碗🍚蟹腳蟹鉗一應俱全，食落都好有鮮味，蟹肉都係一梳梳好易食 最後就有奉送糖水，味道都唔會太甜幾啱清熱，我地自備蛋糕都好好幫我地雪住先同埋提供叉同碟🎂仲要唔使收切餅費 #夏日搵食推介 #本地遊 #香港好去處

餐廳：大圍小館 (大圍) 地址：大圍積福街92號地舖 相信鍾意食嘅你一定聽過呢間開咗接近四年嘅大圍小館 @taiwaidining ，喺2022年佢哋仲成為咗米芝蓮級數餐廳🎖，佢哋嘅叉燒被米芝蓮推薦為香港必食叉燒😍 大圍小館人氣非常旺盛🔥，差唔多每一晚都full Booking，晚市分6點同8點兩輪，我去嗰日喺平日，兩輪都坐滿晒人，book咗8點想早啲入座都唔得，去食飯嘅人記得提前book位喇📞 佢哋以中式粵菜為主🥢，招牌名菜有第一叉、煲仔菜式同其他出面好少人會整而且工序繁複嘅手工菜等。老闆對食材要求好高，即使成本高都堅持用最新鮮食材，隔夜、冰鮮嘅一律唔用，醬料喺用本地出名品牌：余均益、大孖醬園等，海味都喺嚟自本地嘅老字號海味店，用料咁上乘相信質素都唔會差😎 8點入座，先嚟咗兩碟前菜，有四大名菌之一嘅珍貴鹿茸菌🍄，食落帶有陣陣麻油香，另外仲有話梅苦瓜 ✝️勾魂叉燒(5件) $188 基本上喺每枱客人都必叫嘅食物，所用嘅叉燒喺上等梅頭肉，仲要喺「第一刀」，即喺豬背向天🐖，起骨後第一刀切出嚟嘅部位🔪，喺屬於梅頭中嘅上肉，每隻豬得半斤重，肉質最腍，所以價錢相對較貴。先喺叉燒上面掃咗一層麥芽糖，上枱後再喺客人面前搽上第二層陳皮燒汁，然後用火槍燒到微燶焦脆，燒過嘅醬汁更能滲入叉燒當中，撈埋底下嘅金拱脆米一齊食，真喺「愈食愈有米」🤣！唔好睇佢好厚好大舊，食落超級腍，仲無加任何鬆肉粉，Juicy甜蜜蜜帶有陣陣陳皮香，肥瘦均勻，果然稱得上喺米芝蓮級🏅，唔試真喺對唔住自己🤩。第一次食嘅客人一定要堂食，唔比外賣㗎，廢事影響食物質素嘛😗 ✝️豉油皇鮮鵝腸 $188 太生嘅鵝腸會好韌，太熟又會縮晒水，火候嘅掌握要控制得非常好先整到一碟好食嘅爽口鵝腸👍。豉油皇鵝腸鹹香得嚟食到鵝腸嘅鮮味，一啲腥臭味都無，連埋芽菜一齊口感更豐富，份量仲要唔少😌 ✝️金沙鮮魷 $158 暫時喺我食過最好食嘅炸鮮魷🦑，有別於用椒鹽去炒，用鹹蛋黃(金沙)去炒同樣好食，一啲都唔厚粉嘅外層咬落超鬆脆，薄薄一層咬穿就好似空氣咁勁airy，鮮魷新鮮易咬開一啲都唔韌，最重要喺食好多舊都唔油膩🤤 ✝️蘿蔔糕炒蟹 $438 蘿蔔糕喺餐廳師傅自己整嘅，先切成正方粒粒，輕輕炸過去定型，再用花蟹嘅肉汁同膏🦀，配上秘製醬汁去炒，蘿蔔糕食落一啲都唔削，亦唔會食到有渣。花蟹原隻斬件上，蟹肉都幾多，用手將逐隻蟹腳放入口連埋啲汁一齊吮先喺最正嘅食法😋 ✝️沙薑鮮雞(半隻) $248 用咗本地嘅新鮮農場雞去整🐓，雞肉鮮嫩得嚟滑而唔嚡，雞味濃郁，連埋內臟伴碟，加上沙薑、蒜蓉粒同香蔥等配料去蒸煮，夠晒辛香惹味，真喺成隻都食得落😝 最後送上甜品：椰汁西米露同椰汁馬豆糕，呢餐真喺好滿足🥰 #性價比酒店 #主題公園指南 #香港camping #foodie #本地遊 #境外遊 #星級作家6月vlog

今年聖誕聚會冇得食生野，聽過「大圍小館」 嘅大名好耐，爸媽食過幾次元朗分店都話唔錯，呢晚一家人就提早慶祝☺️ 📍鮮山葵海蜇頭($98) 海蜇頭大隻又爽脆，加上新鮮即磨嘅山葵點綴，既帶岀辛口嘅味道，又能作岀提鮮嘅功用🌶️ 📍猴頭菇鯊魚骨玉竹沙參瘦肉湯($238) 約分到6碗左右，味道鮮甜，真材實料😗 📍茶燻雞(半隻$268) 必試！需要預早預訂，店員介紹用上元朗農場嘅新鮮本地雞，雞肉嫩滑緊緻仲非常入味，食到淡淡嘅茶燻香氣，雞皮都滑溜有彈性☺️好正🫖 📍馬拉盞蝦乾肉末生啫芥蘭煲($168) 芥蘭炒得有穫氣又唔老，加佐馬拉盞同蝦乾，香口又惹味，好送飯🤗 📍蟶子皇陳村粉($368) 蟶子皇新鮮無沙，彈牙厚肉，陳村粉都好滑，如果粉嘅份量再多返少少會冇咁重味🤔 📍芝麻卷 每次見到芝麻卷都一定會點黎食，因為手工太繁複，唔係好多地方有得食，而呢度嘅芝麻卷係勁有驚喜，好食到encore多一碟😂芝麻卷口感軟糯緊緻得黎又唔會太淋，帶煙韌口感，芝麻香味亦非常突出！店員話芝麻都係師傅自己炒香磨漿，唔係溝粉整，難怪咁香👍🏻 最後仲有糖水送，滿足！ 整體價錢唔算平，但食物好高質，仲有比較多岀面較少見嘅手工懷舊菜👍🏻店員服務都好細心☺️ 泊車都好易 🚗 絕對有下次！ #聖誕好去處

地址－大圍小館 (大圍) 大圍積福街92號地舖 想著打風天去應該不用排隊，8號風球也等了一小時，由於只有二人，不能試太多款式 馳名叉燒值得一試，肉質十分香嫩，但份量超多，只吃了一點需打包 還點了奶皇包，燒賣，避風塘蘿蔔糕，都十分好 👍🏻 環境／設施－⭐️⭐️⭐️ 人均價格－$200 早市 評分－⭐️⭐️⭐️⭐️

大圍出名的大圍小館在元朗開業了! 看到介紹說有荷花酥即刻衝去吃(笑) 看Youtube就會知道荷花酥/ 牡丹酥之類的甜點的做法很麻煩又要落鑊油炸，在家自製勁麻煩，大部分酒樓也不肯整。 餐廳其實是可以訂位的，不過要６位以上，而且Lunch的last order好似是2:45pm (如沒記錯)，兩個人吃就要門口拎飛等位。 我們等了大約25分鐘，雖然要搭枱但都幾闊落，而且有隔板。 茶款有玫瑰花馬上選了！茶錢每位$10 - 宮廷荷花酥（特點） 不油膩的炸甜品，內餡是類似新年吃到的糖蓮子那類的少少煙韌黏牙。未吃過所以感覺很新穎！顏值很高😍 - 千層糕（小點） 很多蛋黃，不甜的～ - 花茹金腿鮮肉燒賣（兩粒）$25 內餡是新鮮豬肉及天白花時茹，大大粒很足料的燒賣。 - 三色腸（頂點） 咩款都可以試下很貼心，兩個人點這款就對了～ - 炸春卷 很多蝦肉又香口，推薦！ 雖然想點叉燒但要$15X（五件）又有少少卻步，如果多點朋友來可以一人一件淺嚐就好~ 餐牌會常常轉的，之前IG見到的點心有機會沒有，不過常常轉款就有理由可以再去~ #親子好去處#本地遊#香港好去處#cafe#夏日搵食推介#hkfoodie#香港美食#hkfood#hkfoodblogger

位於大圍的大圍小館 期望越大失望越大 雞子戈渣 可能不懂欣賞 就是有薑味有蛋味的麵粉 腐乳炸蝦丸 銷魂第一刀叉燒 兩者都只是合格分數 所以整體性價比不高 不會回頭

大圍小館的第一叉真厲害，師傅每日用上脢頭肉精心製作，數量有限，非常矜貴。 叫了食蟹膏爆棚飯，有超濃蒜香配上蟹膏，真令我不停地食。 一邊欣賞門口的大紅燈籠，室內的裝修和桌上的乳豬令我不得不叫了一瓶酒與朋友暢飲一番，真開心。

地址－大圍積福街92號 環境／設施－環境舒適好坐又唔嘈，但係輪候時間長，建議預早個半月book位 特色－一班同學仔號召去試懷舊菜，呢間鋪一早已經想試好耐，礙於每次Walk in過去都冇位，預約仲要超過三個禮拜前打去，果然不負所望。 咸魚三鮮牛骨髓煲、勾魂叉燒、川辣爆豬心，薑米蒜香籠仔蒸蟹飯、老娘拆肉泥孟粥，呢幾款都極度推介，蒸飯香，有趙口，泥孟粥有濃厚的果皮味，又冇骨，十分鮮甜，勾魂叉燒必試，臨上枱先再上15年醬汁，再以火槍炙燒，面頭焦香之餘，味道似食金沙骨，叉燒啖啖肉又唔覺肥膩，加上米通卜卜脆好得意，唯獨不足之處，我哋食晚上8點果場，焗魚腸一早賣晒。 人均價格－$280 評分－85#本地遊 #foodie #香港美食

奔着叉燒去的❤️ 排了一個多小時的隊，主打老式點心🫖🥢 叉燒厚切入口即化，絕了絕了 之後吃不到怎麼辦 ⚠️午市的才好吃 #香港生活 #美食日常

呢間位於大圍米芝蓮餐廳「大圍小館」一直都好想試下，經常爆場所以就一早打電話book位！ 餐廳門外掛滿紅色一盞盞燈籠長達50米，門牌以木製配搭紅色磚牆，很有古色古香嘅味道，餐廳入面以七彩繽紛的塗鴉牆，天花亦有掛上紅色燈籠🏮好難得中式餐廳都有咁多好靚嘅打卡位😍 餐牌上有好多菜式都好吸引好想試，店員就為我們推介幾款比較受歡迎菜式😋在等候食物上枱之前店員為我們捧上兩碟小食，雜菌和涼瓜，涼瓜加入了話梅汁酸酸地好開胃！ 勾魂叉燒 一碟有五件，店員先把叉燒搽上十五年陳皮秘製醬料然後再用火燒就食得，簡直色香味俱全，叉燒沾上米通入口外皮香脆，淡淡的陳皮味道很甘香，肉質好鮮嫩，連米通一齊食口感不錯👍值得推介！ 香濃腐乳炒蝦球配西蘭花🥦 蝦球大大隻好爽口，西蘭花亦好新鮮，加入腐乳做醬汁，好惹味！ 豆豉雞煲 雞煲用瓦煲裝住熱辣辣香噴噴，調味適中，雞肉煮得好入味，入口好滑，味道不錯👍 薑米蒜香籠仔蒸蟹飯 一打開蒸籠蓋賣相不錯，飯粒好乾爽粒粒分明，用荷葉包住食到淡淡荷葉清香，肉蟹蟹肉結實鮮甜，啖啖肉帶點蟹膏嘅香味，基本上見到每一枱都必點的菜式！ 馬豆糕（甜品） 馬豆糕好滑好香，每一啖都煙煙韌韌，好滿足！ 大圍小館 (大圍) 大圍積福街92號地舖 #本地遊#香港好去處 #打卡餐廳 #人氣餐廳 #foodie

大圍小館 好近大圍站嘅中菜館，門口裝修好有中國特色，吊住唔少燈籠，行過一定認得出。 。 一入到去就會有人幫你開茶，同拎前菜 琥珀核桃，來自雲南既菇菌。核桃香脆帶甜，菇菌比想像爽口。 。 意大利黑醋牛仔柳 $188 黑醋整成嘅醬汁酸酸甜甜 ，消除肉嘅油膩感又開胃。牛仔柳已去骨方便食用，肉質嫩滑冇筋，仲有少量蘆筍作配菜 。 天下第一叉 $118 似乎係呢個嘅招牌菜，超級厚切嘅叉燒，外面燒後比較乾身同脆，內裏肉質軟又多汁，再加埋蜜汁，仲要今次呢份既肥瘦比例適當，十分惹味。 。 香濃腐乳炒蝦球伴西蘭花 $168 蝦球好新鮮，爽口彈牙，冇諗過配腐乳係咁夾，味道來講都唔錯 。 三馫籠仔蒸飯 $188 分量超級多，應該夠三至四人食，有好多嘅魷魚蝦乾，凡係粒粒分明，食落好有口感。 。 職員服務態度好好，食物質素都好，價錢略貴，但都值得一試！ 。 📍 大圍小館 (大圍) 大圍積福街92號地舖