2025 香港荃灣絲麗飯店飯店推薦 (於 5 月更新)

再次入住此位於葵涌和宜合道119號的荃灣絲麗酒店。酒店位於葵盛工廠區內，鄰近也有住宅，地點交通不太方便，還好酒店有穿梭小巴安排到葵興地鐵站，但要半小時才有一班，而且沒有明確標示，所以並不好找！酒店應有所改善！ 酒店樓下有一間7-11，方便買些小食及日用品。酒店接待處於一樓大堂，大堂尚算寬敞，入住手續也簡單，填簡單個人資料再交$500按金便可取匙卡上房。 房間空間不算大，但一個人住算足夠，基本設備齊全，房間電掣插蘇位足夠，而且有USB充電插頭，值得加分！ 洗手間及淋浴間空間不大，但有玻璃門分隔，乾濕分離，衛生狀況良好！梳洗用具及大小毛巾齊備。 整體住宿感覺也不錯，這酒店還有露天花園及健身室設施，麻雀雖小，五臟俱全。只是地區比較隔洩同埋交通不算方便。但價錢合理，可以一住。 #荃灣酒店 #抵玩酒店 #性價比酒店 #駐站作家 #工廠區

荃灣絲麗酒店 地址：葵涌和宜合道119號 房型：標準客房 入住時間：1400-1200 優點： 💕 裝修新，間房都好乾淨企理 💕 房入門有部空氣清新機，感覺乾淨啲 房間設備&用品： ✅二合一洗頭水、免費水、牙膏牙刷、雪櫃、免費Wi-Fi 今次去呢間酒店係位於葵涌，附近都多野食😛 酒店外面望落雖然舊舊地，但一上去酒店大堂又幾新淨幾靚😯 間房雖然唔大，但張床兩個人訓都唔會好逼，同埋都有位放野，住落都幾舒服😂 呢間平時幾百蚊都book到，算幾平，有興趣可以去下😬 #平價酒店

剛過去嘅聖誕節三日兩夜都選擇入住荃灣絲麗酒店，由於太遲先訂房，CI時未有訂房編號拎唔到房間，前檯職員Him好好, 叫我稍等一陣有編號盡快幫忙安排上房，謝謝您的協助。 房間比想像中細，但房內基本設備齊全，而且紅假大床房已沒有了，上到房間才知道是兩張單人床拍床而成， 樓下已經是便利店，附近亦有餐廳有cafe可供選擇，搵食絕對唔困難的，雖然酒店唔近地鐵站，但有接駁小巴往返鐵路至酒店都算方便。 酒店之前是十點鐘check out的，但現在已改到中午十二點才CO, 是值得一讚的地方👍🏻👍🏻亦可以加錢延遲到下午六點才退房，但要到前台詢問價錢，因為房價每日不同，以酒店作準的。

酒店設備： ⭐️⭐️⭐️⭐️⭐️ 一切都幾好 原本以為咁平啲嘢會好舊 結果所有嘢都幾新淨 燈都好多 可以有好多combination - 酒店位置：⭐️⭐️⭐️⭐️ 確實偏遠 但book之前睇過comment 意料之中嘅事 所有冇問題 而且樓下條街意外地夜晚都幾多嘢食 仲有件7仔 其實除咗距離地鐵站有啲遠之外完全冇問題 - 浴室設備：⭐️⭐️⭐️ 幾乾淨企理 但就得牙刷 杯同皂only 連放皂個碟/盤都冇 用完個皂唯有放返係個牙刷盒上面 而且個杯有牙血漬 不過都好minor 因為唔用就得 同埋 水温係足夠嘅 但就水力都幾差 教到最大水都係勁細水 就要沖耐少少 - 特別備注：⚠️ 1️⃣ Book個陣request咗雙人床 入到房先發現係2張單人床拍埋 有少少失望 不過算啦 都叫細有心 特登幫我哋調走張枱 拍埋張床 都真係算係咁 2️⃣ check in + check out 都等超超超超級耐！ 個日check in 等咗20分鐘… 買咗嘢食上去食 結果都等到凍曬… 主要排隊排咗勁勁勁耐 然後排隊嘅人越來越多 然後大家一pair pair咁 你眼望我眼都幾尷尬 心排到我個下 啲手續又搞好耐 check out如是 應該係我住過check in / check out搞最耐嘅酒店 ‼️雖然但是‼️ 價錢：$330 (扣埋啲coin先$300) 入住時間： 星期六日 CP值：⭐️⭐️⭐️⭐️⭐️ 由於好平好平 假日300蚊嘅酒店 而且設施幾好 應該會再次入住！ #staycation #本地遊 #香港好去處

首先這家酒店有非常好的設計感，可見酒店方的品位很不錯。其次酒店的硬件設施和軟件設施都很好，水龍頭淋浴頭都是配了不錯的品牌，甚至還配了箭牌的按摩馬桶。洗頭水沐浴露這些都是相當不錯。還有產品也很好，床墊的軟硬程度相當合適，而且配了羽絨枕和棉花枕兩種枕頭供客戶選擇，完全是五星級的水平 唯獨被隔離房嘈到不能睡！！！

非常之好，乾淨，安心住宿，喜出望外。 呢個價錢極超值。 位置雖然在石梨貝，其實好易去，在葵芳地鐵站坐31M就到。

Hello～朋友們！👋今天，我要帶你們一同探訪香港的一處隱藏瑰寶——荃灣絲麗酒店，這是一個將繁華與寧靜完美結合的奢華綠洲，讓我們一起來揭開它的神秘面紗吧！🔍🏙️🌳💖 🏩💫荃灣絲麗酒店：寵愛生活的美好空間💫🏩 香港荃灣絲麗酒店坐落在繁華的城市中心，猶如一顆璀璨的明珠，令人著迷。酒店的室內設計巧妙地融入了大自然元素，讓你在盡享城市繁華之時，也能感受到大自然的溫馨和寧靜。🌳💖 🛏️🌟酒店的客房設計精美，將舒適與雅致完美結合。每個房間都配有優質的設施和豪華的裝飾，配上溫馨的燈光和寬敞的空間，無論是商務出差還是休閒度假，都能為你提供一個溫馨舒適的休息環境。🛏️🌟 🍽️💫酒店的餐飲服務別具一格。無論是早餐、午餐還是晚餐，你都能在這裡品嚐到美味的粵菜和各種國際美食。每一道菜品都是由酒店的專業廚師精心烹製，滿足你對美食的一切幻想。🍽️💫 💆‍♀️✨酒店的水療中心為你提供了一系列的舒緩療程，你可以在這裡釋放壓力，讓身心得到深層的放鬆和滋養。在這個寧靜的空間裡，你會感受到身心的焕然一新，重新獲得活力。💆‍♀️✨ 🔍🏙️荃灣絲麗酒店的地理位置十分優越，周邊有眾多的購物中心、餐廳和娛樂設施。從酒店步行就能到達荃灣廣場、荃灣公園和荃灣海濱長廊，無論是購物、美食還是休閒，你都能在這裡找到滿足。🏙️🔍 💖🌳荃灣絲麗酒店融合了城市的繁華與大自然的寧靜，為你提供了一個理想的休息和放鬆的地方。在這裡，你不僅能享受到一流的服務和設施，更能感受到生活的美好和快樂。🌳💖 無論是旅行、度假還是商務出差，荃灣絲麗酒店都是你在香港的理想住處。在這裡，你能盡享奢華和舒適，讓你的香港之行變得更加難忘。期待你的光臨，讓荃灣絲麗酒店成為你在香港的美好記憶！🏩🎉

第一次和家人入住荃灣絲麗酒店，前台的服務員態度好好，很耐心解答我哋嘅問題，仲幫我哋免費升級房間，之後，仲送咗小食同汽水俾我哋，特別多謝前台既Charles and Raymond 👍🏻👍🏻

港島絲麗酒店規模不大，價格便宜，附近有商場，交通方便

第一次入住此酒店，酒店位於葵涌圳邊街15-19號，於工廠區內。葵興地鐵站每半小時有穿梭小巴往返酒店及地鐵站，但停車位置沒有清晰標示，遊客未必容易找到，這點酒店應加以改善。 附近還有荃灣絲麗酒店、悅品酒店荃灣及同系的旭逸雅捷酒店荃灣等。 酒店大堂在upper ground地下上層，大堂及酒店各層都有一些古董相機、懷舊物品及皮箱等特色擺設。這酒店不用交按金，填寫簡單資料就可以取匙卡上房，所以check in out都非常方便！大堂側有兩部升降機可供上落，而升降機是需要拍匙卡才可上房，保安設施不錯。 房間空間與附近同級酒店相對比較寬敞，每個房間當中都有一個開放式洗手盆，是此酒店一大特色。基本設備如樽裝水、茶包及茶杯套裝、電熱水壺、迷你雪櫃、風筒、保險箱等應有則有。還有一張超長辦公枱，上面放了一部座枱大電視，電視頻道也有很多選擇。房間沒有衣櫃，門邊卻有一個掛衣架。房內的電掣插蘇足夠，床邊及辦公枱都有，但沒有USB充電插頭，未夠update方便！ 洗手間及淋浴間完全分隔兩個房，確保乾濕分離，梳洗用具及大小毛巾都在開放式洗手盆旁邊及下邊。 酒店整體算舒適，酒店一樓有間西餐廳，品質也不錯！只是位於工廠區，沒有景觀及交通不太方便，而酒店及葵興地鐵站都沒有清晰的標記及時間表。但因為價錢合理，性價比高！ #抵玩酒店 #性價比酒店 #荃灣酒店 #旭逸系酒店 #旭逸酒店荃灣

第一次入住，酒店位於和宜合道119號，於葵涌工廠區內，交通不很方便，葵興地鐵站要行大概10-12分鐘到，行經附近的巴士或小巴也不多，還好酒店有穿梭小巴往返荃灣西站。附近還有旭逸酒店荃灣及同係絲麗系列的荃灣遠東絲麗酒店。 酒店在工廠區邊緣，附近只有小數工廠食堂及住宅區有小數小店，飲食選擇不多，還好酒店地下隔鄰有一間7仔。 酒店接待處於酒店1樓大堂，大堂空間算寬敞，但我check in時間已經是大約晚上十時，竟然也要等兩三個人排隊check in，不知為何已有三個接待員在工作，但仍然處理十分緩慢，我足足等了10分鐘才輪到我，而我的處理時間也差不多要8分鐘，再交$500按金才可取匙上房，希望酒店於check in的手續安排上有所改善。 房間空間比較細，一張小雙人床於窗邊，沒有放枱椅的空間，基本設備尚算齊全，但沒有衣櫃。電掣插蘇也不多，但有USB充電插頭，值得一讚！ 洗手間及淋浴間有玻璃門分隔，乾濕分離，但花灑水力非常弱，而梳洗用品及大小毛巾基本齊全。 酒店基本可以，只值3星，但地點偏僻，如非有穿梭小巴，相信很難吸引遊客入住，所以價錢尚算合理。 #抵玩酒店 #香港好去處 #性價比酒店 #staycation #葵涌 #酒店穿梭巴士 #荃灣絲麗酒店

雖然已經住過絲麗酒店好幾次，但今次都想再多謝前枱職員幫忙同分享返第一次入住四人房間。 今次入住時間係凌晨三點多，原先walk in嗰間酒店已經full house 後，我哋就即刻打電話去絲麗，職員非常好可以幫我哋hold房三十分鐘，三點半之前我哋上到去就已經有房間啦，仲第一次係四人房，職員好好已經幫我哋叫房務員拍好床👍🏻👍🏻 特別鳴謝16號凌晨時分當值嘅兩位職員，謝謝你哋嘅幫忙，我同朋友喺半夜三更先至搵到房間入住，感謝。 整體都好滿意 ，房間同浴室比之前住嘅都大，但係唯一一個缺點就係房間無論個size大細，電視機依然都係比較細部。希望可稍作改善。

#平價酒店 #荃灣絲麗酒店 最近剛入住了荃灣絲麗酒店 🏨，位置在葵興附近，不是屬太近地鐵🚇站，所以行去大概需時15分鐘 ，但是周直末這裡自成一角的感覺都不錯👍，酒店環境都不錯， 有健身房和小花園。房間裝潢舒適，價格合理，性價比都好，平價酒店之選！

地址－路德圍 環境／設施－多人流多選擇 特色－ 人均價格－50-100 評分－5 酒店一落樓附近就有好多嘢食，選擇多，唔洗擔心夜晚冇嘢食買

地址－荃灣和宜合道 環境／設施－幾新淨，設施都齊全 特色－ 人均價格－2個人人均150 評分－4／10 原因：呢間酒店既設施真心唔錯，但係酒店職員態度極差，職員好似未瞓醒咁，經理勁串嘴，想受氣既可以黎， 總結係位置有d遠，地鐵站行20分鐘先到，不過設施還好，但係職員態度極差，無下次！#酒店

100蚊一晚的酒店是怎樣？ 位於荃灣千色店附近 絲麗酒店 位置方便 本身350一晚 每次連book 2晚700元 再減左500賞你住(保證3點CO) 之後就大概100元一晚 😂 房間大約百幾二百尺 光猛 整潔 早餐買劵40元－set 有午餐肉通粉、煎雙蛋、腸仔、火腿、多士及一杯飲品 即叫即做 熱啦啦！佢話好正好啱食 結果日日都買劵 嘆埋個早餐先瞓💤

荃灣麗絲酒店 房間好大塵 冷氣機好大聲 其他設施都幾好 但係request咗雙人床，結果得兩張床part埋

四年一度世界盃開鑼，唔係唔睇呀嘛！ 撞啱星期五大賽就梗係約埋朋友一齊睇波一齊為愛隊加油。 揀左係葵涌既絲麗酒店，係朋友推薦話行5分鐘就買到馳名的石籬粉仔，仲有地道串燒王，啱晒一路睇波一路食野。兩個麻甩佬一齊隊啤一齊話當年仲一齊撐愛隊，係青春啊！ 埋單所有食物同埋房錢每人都係300幾，去邊度搵？ 睇完波瞓醒返工，酒店又有接駁車去鐵路站，十分方便，8強果時都要睇下再黎先得！

是次是工作需要所以住宿幾天，酒店雖然位於馬路邊，但房內卻非常寜靜，隔音做得很好，很適合我在房內工作👍🏻房內設計新淨，雖然房間比較細，但應有的日用品都充足，如需補給，致電房務也很快把物資送到，員工亦細心有禮💁🏻‍♀️💁🏻‍♂️，非常抵讚💯 周邊也有很多食店，中西韓食也有，三餐也多選揀😋 唯酒店設施欠缺，增加酒店設施更佳！ 🔸酒店環境：🌟🌟🌟🌟 🔸酒店設施：🌟🌟 🔸酒店員工：🌟🌟🌟🌟 #staycation #酒店住宿 #荃灣絲麗酒店