庶民天丼
今子半之助
大嶼山東涌東薈城名店倉1樓101A號舖
入去前先到最近迪士尼、兼最多食肆選擇的東涌醫肚，揀了「金子半之助」。
天婦羅講究食材新鮮、席前即炸。既有豪華版及選用高級食材的 omakase 天婦羅料理、也有中價檔次的天婦羅老店、及親民的天丼店。東京的天丼老店全部位於庶民聚居的下町地區，尤其集中在淺草一帶；當然也有後起之秀在其他地區創業，「金子半之助」就是其中之一。
醬汁源自創店人爺爺金子半之助老先生的秘方，標榜正宗江戶時代嘅天丼風味；所以，餐廳也以老先生名字為名。香港店用嘅食材、醬汁及天婦羅小麥粉來自與日本店相同嘅供應商，香港員工亦遠赴日本研習；力求盡量做到味道同日本總店一模一樣。
#上天丼（$118）的食材包括白身魚、蝦、小柱魷魚天婦羅餅、紫菜、小豌豆及溫泉玉子。除天丼外，還有一小份漬物（醋漬蘿蔔及酸薑片）及味噌湯。
日式紫菜作為小吃，原本已經香脆；加上油炸處理，口感更加鬆化，入口即化成碎片。
蝦天婦羅就等同天婦羅的代名詞，所以，天丼不可缺少蝦。天丼共有兩隻蝦，挾起蝦天婦羅，外層脆衣仍算鬆脆，脆衣包裏下的蝦肉鮮甜，但係未夠爽口；勝在有帶甜的天婦羅醬汁。之後再食白身魚。口感鬆脆，肉質較結實。
吃了一半食材，就要品嚐白飯。每啖白飯皆沾有秘製醬汁，味道香甜。食到一半，將半熟溫泉蛋戳穿 ⋯⋯將蛋黃液與白飯拌勻一齊進食，增添了一份蛋黃香。
另外試了 #迷你天丼及稻庭烏冬(凍)($118)。迷你天丼的食材包括菇菌、蝦、紫菜、南瓜、小豌豆及溫泉玉子。雖然話係迷你，但食材同樣豐富，只不過以蔬菜為主，更加健康。幼身的凍稻庭烏冬賣相地道，入口軟身、滑溜，又有少少彈性，質感正宗。
兩款天丼的食材一樣豐富，很飽肚；加上價錢合理、味道中上，值得追捧。
#foodie