2025 二世祖攻略推薦 (於 6 月更新)

大角咀有唔少特色隱世美食，呢間Easy Joe就係其中之一。餐廳嘅嘢食同嘢飲都好有水準，價錢合理，環境亦都好適合約埋朋友嚟gathering。 原個水牛芝士波鮮茄黑醋汁藜麥沙律 $118 水牛芝士香滑軟熟，配埋新鮮蕃茄片、藜麥沙律同酸甜黑醋汁，清新得嚟又非常開胃。 白酒活藍青口配法包 $88 新鮮藍青口食落真係特別嫩滑鮮甜，青口肉亦都吸收哂白酒忌廉汁濃郁嘅香味。法包烘到脆卜卜，拎嚟點個白酒忌廉汁食真係冇得輸。 慢煮加拿大豬鞍架配特色酸梅蛋黃醬 $208 主菜叫咗份加拿大豬鞍架，豬鞍架非常有份量，仲有大量烤蔬菜同幼滑薯蓉做配菜。厚切嘅豬鞍以慢煮嘅放式炮製，可以鎖住肉汁，個酸梅蛋黃醬亦都好有特色。 阿祖朱古力心太軟配雪糕 $88 甜品就叫咗朱古力心太軟，朱古力蛋糕焗到外脆內軟，一切開就見到朱古力流心餡料。配埋冰凍豆腐味雪糕，真係甜到入心。 牛油果奶昔/原粒青蘋果沙冰 $52@ 飲品方面，朋友就叫咗杯牛油果奶昔，口感好滑溜而且仲好香牛油果味。我就叫咗杯青蘋果沙冰，青蘋果好香濃而且仲會食到粒粒青蘋果肉，冰涼透心。 。 。 二世祖 (大角咀) 大角咀福全街18號地鋪 。 。#香港美食 #親子好去處 #香港好去處 #大角咀美食 #大角咀 #大角咀餐廳 #香港 #香港打卡 #香港美食指南

🍽️ 二世祖 📍大角咀福全街18號地舖 - 約咗朋友仔做完gym之後食好西🤭🤭揀咗呢間gym room對面嘅人氣café 🥰🥰 💫避風塘魷魚鬚（ $78 ） 魷魚鬚炸得酥脆甘香，惹味得來毫不油膩😍😍避風塘口味真係冇得輸！😚😚😚 💫檸檬牛油蜆（ $98 ） 好好味！🤤🤤蜆肉大大隻🤩🤩每一隻都飽滿鮮甜，完全冇沙👍🏻👍🏻檸檬牛油汁香濃，有鹹香又帶點微酸🤤🤤超級開胃 💫原條鰻魚蛋包飯（日本無菌蛋）（$158） 一上枱已經俾佢嚇親，超級大碟😅😅兩個女仔真係食唔晒🥹🥹鰻魚好大條，蛋又滑又多，好好送飯😍😍😍 💫二世祖招牌窩夫配雪糕（$88） 份量又係超多🤣🤣我哋揀咗豆腐雪糕，覺得佢似cream cheese既質感，不過帶有豆腐香味🥰🥰配埋鬆脆輕盈嘅窩夫😋😋😋不得了🤩🤩另外仲有士多啤梨吉士醬同埋抹茶蛋黃醬，由於抹茶醬味道真係好濃，個人比較鍾意士多啤梨吉士醬，酸得來好開胃！ 💫二世祖特濃朱古力 （$48） 呢個我見佢好出名！一定要試吓！味道真係超香濃，濃厚得來又唔會有澀味🤩🤩都有啲飽肚🤣🤣用一個玻璃樽裝住嘅特濃朱古力，原來可以裝到6小杯😍😍😍同朋友share真係唔錯！ 💫牛油果奶昔（ $52 ） 呢個又係超超超濃郁！感覺好清新！飲得出係一個牛油果新鮮打出嚟😍😍😍唔會太甜，唯一缺點就係太足料所以好飽肚🤣 - 🌟晚市六點開始， 6:15已經爆滿，真係超人氣Cafe😍😍😍 🌟環境舒服，座位夠寬敞👍🏻👍🏻 🌟牆上有唔少畫作裝飾☺️☺️打卡一流 推薦指數：5/5 抵食指數：4/5 #foodloverin852 #852 #foodie #hongkong#大角咀 #TaiKokTsui #大角咀必食 #大角咀好去處 #二世祖 #EasyJoe

餐廳人氣十足 晚餐時段滿座 排隊客亦不少 想食建議預先book位😳店舖的主食同甜品都令人感驚喜 既新穎又好吃🫶🏻 ▫️大啡菇黑松露牛肝菌意大利飯 ($138) 牛肝菌汁好足 啖啖食落都好creamy! 飯粒軟硬適中 中間有好多雜菇😍面頭有粒大啡菇 大大粒 切開有菇汁 好juicy ▪️檸檬牛油蜆 ($98) 加入檸檬絲煮蜆 令蜆既味道增添Fresh感 蜆好新鮮無沙 牛油味香濃 但又唔會蓋過咗蜆既鮮香 ▫️薯蓉黑松露菇薄餅 ($98) 有海量既菇🫣呢個配搭幾新穎 啖啖香菇 薄餅比較薄身 邊位好脆 好香口 ▪️薯條三兄弟 ($78) 薯條香脆 醬汁一次過有齊明太子、青瓜同黑松露醬😍黑松露醬好濃郁 青瓜醬有驚喜 幾清新 ▫️提拉米祖 ($108) 比想像中大個 份量好足 口感豐富🥰有2層手指餅 中間夾住mascarpone芝士 咖啡同酒味濃度適中 唔會太濃 亦都唔會太淡 ▪️凍二世祖特濃朱古力 ($48) 店鋪招牌飲品 用樽仔入既朱古力 十分香濃 建議同朋友分享飲用 因為自己飲一支都幾飽😳 ▫️檸檬茶沙冰 ($48) 檸檬茶沙冰好大杯！飲極都仲有🤣甜度適中 好解渴 🏷 二世祖 (大角咀) 大角咀福全街18號地舖 ##香港美食 ##報名酒店試睡員

今日再訪依間人氣爆登嘅特色cafe🤭 裡面裝修依舊五彩繽紛勁靚靚😎 納入了好多趣味十足嘅卡通元素作點綴，置身其中已經好開心😚 今次聽職員推薦，㨂咗以下幾樣前菜主食同甜品🤗 前菜試咗白酒活藍青口👍 超級大盆勁抵食😚 青口全部新鮮又飽滿，用白酒汁調味，令青口嘅鮮味更出眾😍 配埋法包一齊食滋味更加正🤤 主食先黎一客份量十足嘅熱溶芝士燒烤醬豬肋骨😎 唔使二百蚊有兩大條豬肋骨真心抵食🤤 豬肋骨肉質軟腍柔嫩，食落肉味濃香😋 燒烤醬同埋熱溶芝士邪惡又惹味😈 ，令人食唔停口咁正🥰 再選了一份明太子櫻花蝦配青瓜絲三文魚籽扁意粉😚 造型簡約精緻，每一條意粉上，都掛滿濃香嘅明太子醬，食落濃稠醇香，奶油滋味出眾，好正👍 甜品點了必食嘅朱古力心太軟🤭 特登加對眼仔俾心太軟好搞鬼😝 擺盤好用心👍 心太軟外層脆香，一切開內裡朱古力流心傾瀉而出🤤 超級誘惑人😈 食落醇香馥郁，可可滋味出眾，甜而不膩超級正😘 飲品㨂咗玫瑰鮮奶同埋蝶荳花蜜糖青檸梳打🤭 玫瑰鮮奶上潵滿唯美嘅玫瑰花瓣🥰 少女心滿滿❤️ 飲落順滑甜美，淡淡嘅玫瑰幽香令人迷戀萬分☺️ 梳打特意分開蝶荳花汁另上，讓客人自行加入，慢慢欣賞其漸層色彩，十分有心😍 梳打入口清爽醒神，酸酸甜甜好開胃😚 值得一試👍 🐥🐥🐥🐥🐥🐥🐥🐥🐥🐥🐥 餐廳名稱：二世祖 餐廳地址：大角咀福全街18號地舖 #二世祖 #easyjoe #西餐 #大角咀美食 #香港美食 #hkfood #hkfoodie #foodie #foodiehk #吃貨 #食好西 #香港探店 #food #foodporn #foodphotography #相機食先 #正能量企鵝 #コウペンちゃん

位於大角咀的人氣多國菜「Easy Joe 二世祖 」開業多年，依然大受歡迎，餐廳裝潢簡約，但擺設玩味十足，菜式特別又有創意，沙律、小食、漢堡、pizza、意粉、意大利粉、All day Breakfast、主食樣樣齊，絕不能錯過係佢哋嘅甜品和飲品，賣相、味道和創意都一流👍 ▪️鮮牛油果山葵蟹肉三文魚籽多士3件 $ 88 開胃餐前小食，牛油果山葵配上橄欖油非常香滑，上蟹肉和三文魚籽，入口鮮味無窮，換上熱辣辣香脆多士一齊食，口感豐富 ▪️原個水牛芝士波鮮茄黑醋汁藜麥沙律 $ 118 健康之選，水牛芝士和蕃茄新鮮配上黑醋汁味道是絕配，再加上新鮮蔬菜沙律、藜麥和炸羽衣甘藍，意想不到所有食材夾埋一起，清新又好食 ▪️鮮藍青口蝦頭油燴飯 $ 198 必食推介，鮮藍青口雖然細細粒，但係肉質清甜鮮味十足，最正係蝦頭油燴飯，米飯軟硬適中，吸收晒蝦頭油和其他調味的味道，香口又惹味 ▪️二世祖特色雞翼（蜜糖）$ 78 雞翼即叫即焗，外層香脆焦香充滿蜜糖味道，肉質嫩滑，味道甜甜蜜蜜好入味，超級好食，五隻實在唔夠喉 ▪️阿祖朱古力心太軟配雪糕 $ 88 賣相可愛，心太軟實屬高質，熱辣辣出場，蛋糕外層焗至焦脆口感軟熟，繼而最重要嘅環節，濃郁的朱古力醬蜂擁而出，配上清新嘅豆腐雪糕、蜜糖和新鮮藍莓，好味得再上encore多一個 ▪️二世祖特濃朱古力$ 52 店舖人氣飲品，朱古力漿濃度達72.5%！朱古力味道更香濃，口感更順滑。熱朱古質感稠身又滑溜，而且飲品上有精緻拉花及配有朱古力碎，真係好濃郁好好飲 ▪️原粒青蘋果沙冰 $ 52 新鮮即打，夠晒冰凍，整杯就是青蘋果的味道，唔太甜，清甜好飲 🏠Easy Joe 二世祖 (大角咀) 📍大角咀福全街18號地舖 #easyjoe #二世祖 #人氣餐廳 #特濃朱古力 #心太軟 #大角咀美食 #大角咀必食 #大角咀 #kol #koc #foodkol #foodlovers #blogger #foodblogger #foodkol #food #foodie #foodlover #foodforfoodies #hkfood #hkfoodblogger #香港美食 #相機食先 #每天也要吃好的系列 #孤獨的美食家 #平民中女美食系列

細佬係超級朱古力迷，無論咩飲品、甜品都一定指定要朱古力味。聽聞大角咀有間人氣高質Cafe有款飲品叫「特濃朱古力」好掂，所以今日專登去試吓🥰 果然無令佢失望，佢超鐘意，重要其他食物都好有水準添👍 Cafe名好特別，名為Easy Joe~二世祖。做得二世祖，食嘅點會差？今次試咗以下幾款🤭 🌟EASYJOE 全日早餐 $148 (9/10) (黑松露炒蛋•煙三文魚•煙肉 •英式腸．炒什菌 ．牛油粟米．烤蕃茄． 沙律菜．法包配自家製士多啤梨忌廉芝士醬) 小朋友就最鍾意All day Breakfast，因為有炒蛋、粟米、腸仔同佢最愛的包包。😉最特別係佢有自家製嘅士多啤梨忌廉芝士醬，配法包好好食🤤 🌟檸檬牛油蜆 $98 (9/10) 呢個新品好鮮甜，有牛油、洋蔥、檸檬同玫瑰的味道，小朋友都鐘意。 🌟原條鰻魚蛋包飯(日本無菌蛋） $158 (9/10) 賣相已經💯，鰻魚好長好大條，煎到好香口，加上日本炒蛋包住個有飯素的飯，重有木魚絲飄飄下，令人好有食慾。 🌟阿祖朱古力心太軟配雪糕 $88 (9.6/10) 呢個心太軟十分出色，真係外面脆，入面流心的，因為好多餐廳嘅心太軟都未必真係流心嘅，但係呢個係好流心😋😋😋必叫！不過下次我會試埋小山園抹茶心太軟配雪糕🍦今次雪糕揀左豆腐味。 🌟二世祖特濃朱古力 $48 (9.7/10) 呢個朱古力真係冇得彈，不過怪得係人氣之選，咁多人慕名而來。因為真係超級香濃幼滑。重要裝朱古力個樽好似酒樽咁好有特色。 🌟提拉米蘇鮮奶咖啡 $48 (9/10) （朱古力、咖啡、百利甜酒） 呢個咖啡都好特別，味道好似Tiramisu但係佢係咖啡嚟嘅，好少餐廳有得飲。 Easy Joe 二世祖 📍大角咀福全街18號地舖 #easyjoe #大角咀 #大角咀美食 #二世祖 #特濃朱古力 #心太軟 #鰻魚蛋包飯 #香港美食 #打卡餐廳 #打卡cafe #foodie #alldaybreakfast #咖啡 #蜆

📍#大角咀 Easy Joe #羊羊在大角咀 #羊羊在九龍 之前看到店家做優惠，一直都想吃他們的提拉米蘇，就給藉口去了😄 餐廳點評：主食正常，甜點好吃😋餐廳貼心，座位上有掛鉤放包包🪝 🍝明太籽櫻花蝦配青瓜絲扁意粉 $138 挺健康的意粉，很多青瓜絲，有點像沙律🥗明太子醬配意粉很香又不會太鹹，加上青瓜絲就更清爽☺️ 🦀原隻軟殼蟹龍蝦汁蟹肉海鮮意大利飯 $198 份量比較少，但很足料，能吃出下了不少海鮮🦐店員預先告知燴飯的米飯比較硬，可以調軟一點👍🏻 🐟原條鰻魚蛋包飯 $158 真的很厚實一條鰻魚，還有很多醬汁💦有驚喜，蛋包飯裡的飯加了飯素😜 ☕️提拉米祖 $108 很大一個，吃下去很香咖啡味，還有一點酒味🤏芝士糊部分偏實，多吃有點膩，配咖啡/茶較好🍵店員很體貼，問是否用作慶祝，生日會附上生日牌跟蠟燭🎂 總價錢－$555 (含10%服務費) 評分－回頭草指數（🍀🍀🍀🍀🍀滿分） 食物：🍀🍀🍀🍀 環境：🍀🍀🍀🍀 服務：🍀🍀🍀🍀🍀 想知多啲吃喝玩樂資訊就快啲follow我ig!!! IG: sik6me1hou3 #hkfoodie #吃喝玩樂 #原相直出 #大角咀美食 #九龍美食 #美食推介 #西餐 #tiramisu #文青 #朋友聚餐 #家庭聚餐 #打卡餐廳 #甜品 #團年飯 #香港美食指南 #香港美食 #香港 #香港好去處 #香港餐廳 #香港旅遊 #香港必食 #美食日記 #流量密碼 #每月27日會員日免費換貴賓室

真的相隔了好耐無黎，仍然心心念這裏的炸雞窩夫。 飲品這裏一直保持水準，好飲之餘，價錢亦實惠，大大杯。士多啤梨奶昔香甜帶酸，口感夠濃厚，好開胃。百利甜酒朱古力，酒味夠，亦不搶朱古力味，透心涼又醒神。 檸檬牛油蜆 肥美而且無沙，每日新鮮採購，保證品質。煮出黎的湯市鮮味非常。 自家製冬陰功虎蝦闊麵 份量真的很多，虎蝦大大隻，肉質爽彈。闊麵口感彈牙。和冬陰功醬簡直完美配搭，微辣又惹味，令人追住食。 自家製芥末洋蔥醬炸雞窩夫 首推當然係呢個招牌，以前有間外國出名的鴨腿窩夫，但已經結業。又或又甜的窩夫，唔係咁多地方有得食！但Easy Joe的炸雞窩夫，真係好出色！雞炸得香脆而不油膩，淋上楓糖漿，係咸甜的混合，又異常合襯！窩夫又鬆軟，大大碟，真係抵食又好食，真係每次黎都要食佢！！ 食完仲有靚靚嘅狗狗揮春可以拎，真係開心又滿足！ #美食打卡 #香港探店 #foodphotography #美食指南 #西餐 #美食之旅 #like #大角咀美食 #香港美食 #大角咀餐廳 #甜品 #咖啡 二世祖 (大角咀) 大角咀福全街18號地舖

朱古力飲得多🙈有冇飲過甘濃厚 飲完會重想飲嘅 朱古力你飲過未🙈🙈 @easyjoe_hk 嘅 凍二世祖特濃朱古力係必點 💰48 佢好飲嘅程度 10分 入面有9分 🙈🙈 飲完之後 係會係個口回味幾濃厚🙈 今次叫左佢嘅 墨汁芝士軟殼蟹燒煙三文魚海鮮薄餅 💰158 如果鍾意薄脆批🙈 呢款好岩你 脆嘅程度適合 如果隻軟殼蟹幫手平分係6塊上面甘就重好啦🙈🙈 大蒜絲自家烤乳豬意大利飯💰198 如果你係好似我同朋友開心Share 攪拌嘅時候要小心唔係 嘅話 攪到成枱蒜絲🙈🙈 重有就係如果想飯軟身 要落order嘅時候要講定🙈 佢嘅意大利飯 加埋少少汁 再一啖乳豬🙈 其實夾得黎又唔會覺得油膩 食完主食🙈 叫左 抹茶心太軟配雪糕 💰88 好鍾意佢地嘅心太軟 就算我切開一半嘅同時 唔會唔見曬 🙈d 抹茶🙈 心太軟兜得住抹茶 當然要用豆腐雪糕點落 抹茶到 🙈🙈 又係另一種享受🙈🙈 重有最重要嘅野唔記得講 由於我地眼大睇過龍🙈 原來店舖做緊優惠 叫4款 食物 第4款 俾1蚊就得 （當然 計最平個一款） 今次我地享用唔到 🙈唯有下次🙈🙈🙈 #karlee90s #foodie #foodiehk #hkfoodie #easyjoe #easyjoecafe #easyjoehk #hkblogger #bloogerhk #ighk #hkig #凍二世祖特濃朱古力

呢排都係喺屋企附近覓食😋一來懶唔想郩，二來都想趁搬屋前食多d大角咀美食😂 久違地重訪Easy Joe ，人氣依舊，食物依然高質👍🏻 🍳 原條鰻魚蛋包飯（$158） 鰻魚足足有成隻碟咁長😍肉質厚實嫩滑😙 蛋包飯都好岀色，滑蛋炒得恰到好處，炒得滑溜，用上日本無菌蛋，蛋香十足🤩面頭再灑上大量木魚絲，更添風味 🇯🇵 🐽 大蒜絲自家烤乳豬意大利飯（$198） 乳豬皮脆肉嫩，甚有水準😝面頭嘅大蒜絲完全係畫龍點睛，食嘅時候將佢撈勻去意大利飯，令飯粒增添蒜香之餘，仲多咗香脆嘅口感 🧄 呢度服務都非常貼心，知有d香港人可能唔習慣意大利飯太硬，所以都有主動問使唔使煮淋d。我自己就鍾意較有咬口，呢個意大利飯嘅生熟度掌握得好好，口感creamy😚！ 🍋 檸檬牛油蜆($98) 將蜆拼砌成玫瑰花型，賣相好靚🌹蜆好新鮮，所以簡單用檸檬牛油調味已經帶出鮮味😎 #萬聖節2023

因可愛的甜品已慕名而來這間玩味十足的cafe西餐廳，個人建議提前預先book位，因為好full。 🐖慢煮加拿大豬鞍架配特色酸梅蛋黃醬 $198 豬鞍架大塊厚身，以慢煮方式鎖住肉汁，配酸梅蛋黃醬，帶微微果酸，味道不錯。 🍰Tiramisu 提拉米祖 $108 Tiramisu 份量有大約有3-4吋，4個人share都可以。咖啡味香濃，蛋糕不算濕潤。 🍫二世祖特濃朱古力 $48 味道像朱古力奶，質感濃稠。 🍹水蜜桃果粒茶 $58 果茶甜度適中，入面有好多果粒和花。 💯好食指數: ❤️❤️❤️❤️ 📍地址：大角咀福全街18號地舖 #hkfoodie #foodiehk #大角咀美食 #西餐廳 #Cafe #萬聖節2023 #報名酒店試睡員

自家製芥末洋蔥醬炸雞窩夫 $148 大蒜絲自家烤乳豬意大利飯 $198 特濃宇治抹茶白朱古力奶 $48 提拉米祖 $108 蝶豆花蜜糖青檸梳打 $42 好味指數：😋😋😋😋😋 抵食指數：💲💲💲💲💲 環境舒適：😌😌😌😌 環境衛生：🧹🧹🧹🧹🧹 服務質素：💁🏼‍♀️💁🏼‍♀️💁🏼‍♀️💁🏼‍♀️ 推介原因： 星期五放工不想煮飯，想外出用膳，去了朋友推介的cafe。星期五cafe 座無虛席，慶幸有訂位！喜歡cafe 牆上畫了畫，又廢物利用，用方形紙皮畫了幾幅畫，值得欣賞👍🏻二人點了2份主菜、2款飲品及1款甜品🍮。 自家製芥末洋蔥醬炸雞窩夫🧇擺碟好看。底部放了窩夫、炸雞🍗，淋上自家製醬汁，上面再放了煎蛋🍳，灑了花瓣及花生🥜碎。窩夫外脆內軟糯。炸雞大大件，無骨，啖啖肉，方便懶人食用。 大蒜絲自家烤乳豬意大利飯是新品，好creamy，意大利飯軟硬度適中。乳豬juicy不乾身。豬皮頗脆。 提拉米祖即tiramisu。有驚喜！原本覺得這甜品有點貴，但上桌時嚇了一跳，應該有半磅，足夠4個人一起分享，馬上覺得價錢超抵。tiramisu 夠濕潤，但又不會過濕。有咖啡香味，又有芝士味。 蝶豆花蜜糖青檸梳打解渴夠refreshing。將蝶豆花梳打倒入蜜糖青檸梳打，看著杯中飲品慢慢變色，感覺好治癒。 特濃宇治抹茶白朱古力奶果然超濃郁，簡直像一樽溶掉了的抹茶雪糕！ --------- 二世祖 大角咀福全街18號地舖 #炸雞窩夫 #烤乳豬意大利飯 #特濃宇治抹茶白朱古力奶 #tiramisu #蝶豆花蜜糖青檸梳打 #easyjoe

📍大角咀人氣二世祖 自己唔係住開大角咀，原來住附近嘅朋友好多都食過Easy Joe。餐廳坐位唔多，好彩我早入坐可以坐到門口吧枱窗口位，餐廳牆身畫上食物和浮世繪嘅牆畫，睇得出餐廳想主打休閑舒適風格。 芥末洋蔥醬炸雞窩夫 $148 第一次見將主菜整到甜品咁靚，窩夫上面灑上花生碎和玫瑰花瓣，再倒上楓糖醬。窩夫外皮好香脆又鬆軟，炸雞用左薄薄炸皮加入芥末洋蔥醬，雞肉嫩滑又多汁，好有驚喜。 明太子櫻花蝦配青瓜絲扁意粉 $138 店員介紹食之前可以將青瓜絲和意大利粉攪拌，可以中和一下明太子嘅咸香，又可以帶番少少清新。講番意大利粉，用左忌廉白汁去煮，意大利粉好容易掛汁，櫻花蝦又有海鮮獨有嘅咸味，層次相當豐富。 凍二世祖特濃朱古力 $48 人氣飲品之一，用左長扁身嘅玻璃樽。打開樽蓋緩緩地倒入旁邊嘅小玻璃杯，其實都幾好玩。朱古力口感幼滑又味道香濃，值得一試。 抹茶心太軟配雪糕 $88 綠色嘅心太軟上面加入兩隻眼仔，好得意呀。切開心太軟會見到綠色嘅流心抹茶醬，茶香又順滑，配埋凍冰冰嘅雪糕就啱哂喇。 二世祖 (大角咀) 大角咀福全街18號地舖 #親子好去處 #香港好去處 #本地遊 #cafe #hkfoodie #hkfood #夏日搵食推介 #香港