2025 薈景餐廳推薦 (於 5 月更新)

啱啱母親節去左灣仔會展薈景食自助午餐慶祝💗 揀呢間因為聽聞好食, 環境又好, 仲要6歲以下免費添!🤭 真係超級抵🤭 一入去, 落地大玻璃又望住大海景, 再加上超高樓底, 感覺真係好舒服!😇 野食同飲品種類都好多 🍷紅酒, 白酒, 啤酒, 可樂, 鮮榨橙汁, 咖啡茶.… 🍴凍蝦, 凍龍蝦, 青口, 海螺, 威靈頓牛, 豬腩肉刈包, 琵琶蝦, 壽司, 刺身, 芝士, 各款甜品都樣樣出色, 而且 refill 得好快! 因為節日, 每位媽媽仲送左個小小粉紅色既日式芝士蛋糕, 唔只靚, 仲好好食添!😋 地址 : 薈景 灣仔港灣道1號會展廣場6樓 評分 : 9/10 #foodie

#酒店自助餐#夏日搵食推介 #香港好去處 今次去左灣仔會展上面得薈景餐廳，環境非常正，擺食物地方好寬敞！ 種類：甜品好吸引（食左5少哈哈） 特色：提供清酒🍶 好似去左日本咁 （無限暢飲） 食物：有片皮鴨、海鮮有長腳蟹、龍蝦🦞（不過冰凍龍蝦真係一般般）、麵包蟹🦀️ 熟食也很豐富 價錢：折後都要700幾 都貴噶

地址－薈景：灣仔港灣道1號香港會議展覽中心4樓 港鐵灣仔站 A5 出口 環境／設施－乾淨，服務員有禮😊 特色－多種類食品供選擇，甜品有特色 精緻🤤 啱曬鐘意食甜品嘅你 人均價格－500 評分－7／10

今年嘅萬聖節， 啱啱係我Daddy 嘅農曆生日, 梗係要搵個地方慶祝下啦。 睇報紙見到會展有萬聖節自助晚餐， 穿著萬聖節服仲有八折優惠， 有小童價和長者家， 六歲或以下的小童是免費的， 所以唔洗諗就預訂咗喇。 餐廳佈置得好有萬聖節氣氛， 周圍都係裝飾物， 還有很多萬聖節甜品， 蛋糕和曲奇餅都有唔同嘅造型， 非常可愛😍👍🏻。 最驚喜既係每人送一隻大閘蟹， 呢個之前我哋係唔知嘅， 仲有估唔到佢哋有咁多嘢食， 中丶西丶日和印度食物都有， 食物質素好， 串燒豬腩肉的調味好正， 有鹽燒嘅味道， 肥瘦比例適中， 真係大滿足🌞😋。 評分：4.5/5 地址：灣仔港灣道1號香港會議展覽中心4樓 #cafe#景觀餐廳#浪漫約會餐廳#親子好去處#foodie#夏日搵食推介#自助餐攻略

#香港酒店自助餐在香港吃上能欣賞維港夜景的自助餐廳🥹 超chill環境根本約會聖地！好多情侶甜蜜打卡、家庭聚餐也超適合～而且6歲或以下小孩免費！服務細心又貼心，這氛圍感直接拉滿💯！ 幸運坐到靠窗位，一邊吃高質自助餐，一邊欣賞絢麗維港夜景，浪漫到心臟爆擊！！他們家菜品豐富到眼花撩亂，選擇困難症要發作啦～ 這次「環球海鮮滋味套裝自助餐」直接開吃世界級美味！ ✔熟食區中西合璧：燒美國特級牛肉香到流口水、鐵板大蝦鮮到彈牙，還有蒸海鮮、泰式咖喱、印度飛餅，每口都超驚喜！ ✔海鮮控瘋狂：即開生蠔、松葉蟹腿、加拿大波士頓龍蝦，鮮甜到停不下手！ ✔刺身控狂喜：帆立貝、三文魚厚切鋪滿盤，入口即化超滿足～ ✔甜品胃必衝：精緻小蛋糕、香港必吃雞蛋仔，甜而不膩超治癒！ 酒水飲品免費暢飲，紅酒配夜景簡直絕配～ 多位得獎大廚把關，食材新鮮高品質，在香港這價位能無限量任吃，性價比直接封神！快@你的自助餐搭子，一起衝「薈景HKCEC」，邊吃邊拍美照啦～ 🏠 薈景HKCEC 📍 香港灣仔港灣道1號香港會議展覽中心4樓

十二月，普天同慶的日子，也是我最喜歡的節日，總之就是要開懷吃喝，好好慶祝。 又，吃自助餐好像是必然事，至少筆者由細到大都會咁做，今年就來了會展的薈景食Buffet。 嘢食太多，簡單嚟講外面有既佢會有，出面無既佢都有，好誇張。照慣例，庸懶既我只會介紹些節日美食，與及重點項目。 冰鎮海鮮款式繁多，海蝦海螺青口呢啲係基本，長腳蟹鮮甜，開邊龍蝦多羔，又唔會韌得像吃擦字膠，難得仲有麵包蟹，滿足。 即開生蠔從來是最受歡迎項目，只不過家陣已經唔後生，無可能再一打半打咁狂吞，淺嚐一兩隻就好。 刺身壽司，平時或者略過的環節，但呢度水準佳，尤其厚身既帆立貝，同埋紅蝦刺身，最受大家擁戴。 印度咖喱都係一個亮點，有印籍師傅主理，保持出品正宗，各式咖喱都好吃，特別欣賞咖喱魚，魚肉質感贏晒，咖喱汁比坊間的偏辣一點點，不論配印度米飯，抑或薄餅，也很恰宜。 好想介紹下呢度既烤肉，非常之高質，記緊要留肚。 黑蒜香草羊排已經吸引，燒牛肉更加係必食，睇佢嫩紅既顏色已略知一二，入口嫩滑卻不失肉香，邊位還帶點脂香，在自助餐桌上吃到呢個水準，難能可貴。 聖誕佳節，更加會供應火雞以及燒蜜餞火腿，後者素來是我的心水美食，火雞亦做到不嚡口，慢煮的確係一個偉大發明。 期間限定會有入口溶化既鴨肝慕絲批，清爽的雞尾酒蝦，煙三文魚碟，同埋環球芝士碟等等，會比平日多一些選擇。 節日甜點當然誘人，做成聖誕帽的紅桑子開心果脆蛋糕，大小朋友見到都會好開心。馬卡龍的面頭也是加上了聖誕帽或雪人等裝飾，不難猜曲奇餅也會有唔同的聖誕人物/飾物係面，泡芙都係我既推介。 再者，今年的聖誕主題係寄信俾聖誕老人，所以甜品之中，有一款係聖試郵箱，說穿了其實是白朱古力併伯爵荼榛子卷，好有心思。 食力太有限，最後盡力吃些常設的甜品，如雞蛋仔、Movenpick雪糕等，肚皮差點先撐爆了。 餐廳資料: Congress Plus 灣仔港灣道1號會展廣場4樓 #香港好去處

就嚟到聖誕節呢啲環境最好梗係食自助餐啦！今次跟老婆大人約埋一班老友去食自助餐，仲試埋餐廳聖誕節嘅限定好嘢勁正呀喂。 喺2024年12月20日至2025年1月1日薈景會做Dear Santa佳節自助餐，最啱一家大細嚟慶祝。 呢日好開心可以先試聖誕節嘅限定美食！鹹食有雞尾酒蝦、鴨肝慕絲批、鐵板煎龍蝦、黑蒜香草焗羊排、燒聖誕火雞仲有燒蜜餞火腿。 甜品都唔執輸淨係嗰個郵局造型嘅薑餅屋已經夠晒打卡！其餘嘅仲有聖誕泡芙塔、桑子開心果脆蛋糕同埋白朱古力併伯爵茶榛子卷，件件都做得鬼咁靚好正啫。 影完靚相之後呢個時間梗係食咗先講啦！呢一碟有雞尾酒蝦同埋鴨肝慕絲批，蝦肉好爽口彈牙味道仲好清新添，至於嗰粒朱古力啊係鴨肝慕絲先真，食落去好香滑仲有濃濃嘅鴨肝甘香正呀喂。 跟住呢一碟係充滿野性嘅肉同海鮮！火雞做得好淋滑一啲都唔嚡口，火腿亦都夠鹹香好味，羊架整得好香淋唔會太過羶，最後仲有鮮爽彈牙嘅龍蝦，一碟可以滿足我幾個願望勁過出奇蛋啦。 甜品就用一封聖誕郵件上場！入面嘅甜點全部都用聖誕裝飾又靚又好味食得好開心。 跟住落嚟嘅我哋仲嘆埋環球海鮮滋味盛薈自助晚餐！一行入餐廳就見到好蠔啊！係即開嘅法國Fine de Claire，全部都係任食補身係時候喇。 凍海鮮呢晚有蝦、蟹腳、龍蝦、花螺同埋青口。 唔想煩自己切沙律呢啲現成嘅就最啱喇！吞拿魚尼哥斯沙律、意式意粉沙律、燒南瓜沙律同埋醃紅菜頭沙律，碟碟都整得好靚仔一於全部食晒佢。 跟住仲有沙律菜、配料、環球芝士、精選凍肉碟、紅菜頭醃三文魚仲有煙三文魚。 日本嘢就有壽司、卷物、蟹籽抹茶豆腐、水雲柚子醋，刺身就有三文魚、赤蝦、帶子、八爪魚仲有我最鍾意嘅油甘魚。 中式嘢就有糯米飯、蒜蓉粉絲蒸扇貝、翡翠炒海鮮、紅燒肉、蓮藕章魚花生眉豆煲唐排、清蒸大海斑、蒜蓉炒時蔬、燒鵝、叉燒同埋燒排骨，都幾多嘢揀唔使驚冇嘢啱食啦。 繼續行仲見到有爐端燒、鐵板煎大蝦、日式蟹粥、貢丸米線、汁煮大根牛肋肉同沖繩豚角煮。 西式嘢都有唔少好似香煎鱸魚配番茄沙沙醬、煙肉焗蠔、慢煮香草豬串骨、紅酒燴牛尾、香草牛油燒特級牛肋肉、香草羊扒、番茄芝士薄餅仲有甘筍忌廉湯。 跟住仲有泰式燒雞、泰式炒粉絲、泰式炒茄子豆腐、馬來咖喱魚柳同埋越式燴牛肉，呢幾款都係好惹味嘅菜式。 呢啲好似開party嘅小食啱晒細路仔！有洋蔥圈、韓式炸雞、迷你熱狗同埋迷你漢堡包。 印式咖喱羊肉、印式牛油燴雞、印式咖喱魚、印式素菜咖喱角、印度香飯同印式薄餅，全部都整得好正宗一定要留肚食呀。 至於甜品呢度肯定唔會弱啦！有生果、麵包布甸、木瓜雪耳糖水、曲奇、核桃撻，凍櫃入面有好多唔同款嘅甜點、蛋糕、Movenpick雪糕、雞蛋仔、糖果同埋朱古力噴泉。 呢度嘅飲品全部都係任飲唔嬲！有自助咖啡機、冷熱紅茶、橙汁、罐裝飲品、啤酒，最正係連紅、白酒都係無限任飲啱晒我呢啲酒鬼。 乜嘢都唔好講整返杯紅酒嘆吓先！任飲嚟講呢支紅酒嘅質素已經算唔錯，尤其是配今晚嘅靚牛肉簡直係一絕。 有老婆大人喺度我梗係可以食殘廢餐啦！佢攞乜我食乜呢碟前菜少少哋用嚟開胃啱啱好。 呢隻法國生蠔唔會好大隻，但係食落去都幾夠海水味仲有啲回甘添，一次可以攞三隻我都唔記得咗自己食咗幾多轉哈哈。 呢晚嘅刺身質素都好唔錯！帆立貝係首選仲有赤蝦都好香甜，不過我始終都係最鍾意食油甘魚。 食完啲生冷嘢整返碗老火湯飲暖吓個胃，跟住再繼續殺戮食場。 呢碟凍海鮮入面嘅香辣花螺真係好好食，另外龍蝦都好爽口同埋鮮甜質素好唔錯。 鍾意食粥嘅我唔怕飽隊咗碗日式蟹粥！個味都整得幾香濃好唔錯，如果唔係要食其他嘢真係想整多一碗。 中式嘢入面蒜蓉粉絲蒸扇貝整得幾好味，啲粉絲唔會乾巴巴扇貝都好鮮甜。 呢度嘅印度咖喱真係整得又香又惹味，薄餅係即刻整嘅用嚟點咖喱嚟食真係正到不得了。 不過呢晚令我為之瘋狂嘅係香草牛油燒特級牛肋肉！大家見唔見到牛肋肉幾咁粉嫩，食落去又香又軟牛肉味仲勁香濃爆好食。 最後食埋生果雪糕同甜品真係飽到行唔郁咁滯呀哈哈。 呢個環球海鮮滋味盛薈自助晚餐逢星期三及四喺官網預訂比錢會有8折優惠㗎！折咗連埋加一為返$682/位抵食好多。

我最愛的聖誕節🎄快到啦 每年聖誕節，我都好開心💕 有得收禮物🎁、有得聽聖誕歌🎵 還有最重要的～聖誕大餐!!! 每年都去會展的 【 薈景 @congressplus_hkcec 】 吃自助餐 今年𝟏𝟐月𝟐𝟎日至𝟏月𝟏日 開始供應「𝐃𝐞𝐚𝐫 𝐒𝐚𝐧𝐭𝐚」佳節自助餐✨ 午餐和晚餐都有聖誕氣氛 還有無敵維港景看呢～ ꔚ冷盤推介: 即開法國生蠔🦪、冰鎮長腳蟹🦀 加拿大波士頓龍蝦、紐西蘭青口、 海蝦 、麵包蟹 及 多款刺身 ꔚ熟食推介: 聖誕燒火雞、燒香草火雞卷 威靈頓牛柳、特級牛肉🥩、 蜜餞火腿、黑蒜香草焗紐西蘭羊排 鮑魚花膠螺頭、鐵板煎龍蝦🦞、香煎鴨肝 ꔚ聖誕主題甜品: 白朱古力伯爵茶榛子卷郵箱📪 聖誕帽紅桑子開心果脆蛋糕🎅🏻 聖誕樹泡芙塔、聖誕雪人榛子果仁蛋糕、 會展聖誕馬卡龍、聖誕曲奇🍪 ꔚ飲品: 無限添飲指定紅白餐酒、啤酒、橙汁、汽水 ꔚ優惠: ❶ 小朋友免費獲贈聖誕禮物包連明信片和糖果🍬 ❷ 即日至𝟏𝟐月𝟏𝟓日或之前預訂，可享𝟗 折早鳥優惠 ❸ 惠顧自助晚餐，可享 𝟖𝟓折信用卡優惠（除部分日子） ❹ 除夕當晚更有特別優惠，可以邊吃邊喝兼到觀賞區，近距離欣賞璀璨的除夕煙花匯演😍

還有一個月多點點便是普世歡騰的聖誕節！留港消費的朋友想好去哪兒慶祝了嗎？我覺得可以跟家人一起品嚐豐富的聖誕自助餐是事很開心的事情，所以今天就率先為大家介紹聖誕自助餐啦。 已有一段時間沒有去香港會議展覽中心的Congress Plus吃自助餐，今次除了嘆到恆常的自助餐外更可率先品嚐聖誕節特色的自助餐點，真的超級豐富好開心同好滿足呀。 由2024年12月20日至2025年1月1日Congress Plus會推出Dear Santa佳節自助餐，有多款傳統節慶美食分別於自助午餐及自助晚餐中輪流供應，餐廳特意增設郵箱、願望聖誕樹、許願牆及其他聖誕裝飾，讓人仿如置身於聖誕老人村的「郵局」中可以瘋狂地打卡拍照留念。 這天有幸率先欣賞及享受多款聖誕限定美食！包括有雞尾酒蝦、鴨肝慕絲批、鐵板煎龍蝦、黑蒜香草焗羊排、燒聖誕火雞及燒蜜餞火腿，款款也非常精美充滿節日氣氛。 聖誕節有怎會少得了甜品呢！郵局造型的薑餅屋非常宏偉絕對是打卡的首選。 聖誕泡芙塔、聖誕老人唔見帽紅～桑子開心果脆蛋糕、聖誕郵箱～白朱古力併伯爵茶榛子卷，色澤紅紅綠綠睇見好舒服。 這夜除了可以欣賞和打卡之外當然還可以品嚐！雞尾酒蝦鮮爽彈牙海鮮迷必愛。 鴨肝慕絲批以薄薄的朱古力外層包裹著邪惡的鴨肝慕絲，又脆又滑溜的口感非常惹嘴巴喜愛，加上甘香的鴨肝慕絲實在難以抵擋這滋味。 這可謂是聖誕幸福碟內裏包括有超軟熟可口的聖誕火雞，肉質紮實又鮮味的龍蝦及酥香滿盈的羊架，於一碟內可以嚐盡來自聖誕的幸福滋味太精彩了。 甜品收到聖誕老人寄給我的美味甜蜜信件！內裏盡是充滿聖誕氣氛的甜點，這封信實在甜美得令人動容。 如果大家聖誕節也想品嚐以上各種限定美食記得要預早訂座，詳情可按此就會睇到不同日子的收費。 一場來到當然要嘆埋環球海鮮滋味盛薈自助晚餐啦！打頭陣有蠔迷至愛任食即開生蠔，這天供應的是來自法國的Fine de Claire。 冰鎮海鮮有海蝦、蟹腳、龍蝦、香辣花螺及青口，我這個海鮮迷表示相當滿意。 現成沙律也有數款選擇包括燒南瓜沙律、醃紅菜頭沙律、意式意粉沙律及吞拿魚尼哥斯沙律。 日式美食當然少不了刺身！我們可以品嚐到新鮮的三文魚、赤蝦、帶子、八爪魚及油甘魚。 繼續有大量不同款式的壽司及卷物，還有蟹籽抹茶豆腐及水雲柚子醋。 前菜沙律區亦非常豐富包括有精選凍肉碟、紅菜頭醃三文魚、煙三文魚、環球芝士、各式沙律配料及新鮮沙律菜。 來到介紹熱辣辣的美食！率先帶大家看看印度Corner美食，有印式咖喱羊肉、印式牛油燴雞、印式咖喱魚、印式素菜咖喱角、印度香飯及印式薄餅。 緊接著是最受小朋友歡迎的派對美食！有洋蔥圈、韓式炸雞、迷你熱狗及迷你漢堡包。 緊接著有泰式燒雞、泰式炒粉絲、泰式炒茄子豆腐、馬來咖喱魚柳及越式燴牛肉等東南亞美食。 西式美食打頭陣有甘筍忌廉湯，番茄芝士薄餅、香草羊扒、香草牛油燒特級牛肋肉、紅酒燴牛尾、香煎鱸魚配番茄沙沙醬、煙肉焗蠔及慢煮香草豬串骨。 還有日式蟹粥、貢丸米線、汁煮大根牛肋肉、鐵板煎大蝦、沖繩豚角煮及爐端燒。 即場炮製的鐵板燒大蝦香氣撲鼻非常吸引。 中式美食也非常豐富先有燒鵝、叉燒及燒排骨可以選擇。 蓮藕章魚花生眉豆煲唐排、清蒸大海斑、蒜蓉炒時蔬、翡翠炒海鮮、紅燒肉、蒜蓉粉絲蒸扇貝及糯米飯。 自助飲品區非常多選擇！包括有自助咖啡機、冷熱紅茶、橙汁、罐裝飲品、罐裝啤酒及紅、白餐酒，全部可以無限任飲可以盡情享受。 來到甜品區先看見滿滿的新鮮水果，還有自助餐少有的人蔘果可以任食非常幸福。 自助餐老是常出現的麵包布甸、木瓜雪耳糖水、特色曲奇及核桃撻。 凍櫃內放滿了各式的甜點及蛋糕，款式十分多任君選擇甜品迷必定會非常開心。 雪糕是甜品迷非常著意的地方！這兒供應四款不同口味的Movenpick雪糕，還有近來的新貴椰子口味正啊。 還有香港人最喜歡吃的雞蛋仔，最後是受小朋友愛戴的糖果及朱古力噴泉。 終於介紹完畢到我開餐喇！什麼也不用說先來一杯紅酒開開胃。 第一碟先來些開胃前菜！當中最喜歡勁新鮮的紅菜頭沙律。 Fine de Claire品嚐起來有點榛果香氣相當高雅，入口盡是大海的鮮味好迷人啊。 刺身賣相閃亮亮非常養眼！大推柔軟的帆立貝和軟糯的赤蝦鮮味無窮。 冰鎮海鮮中多羔的龍蝦很爽甜，但那香辣花螺更加驚豔，浸得入味之餘口感香腍超好味。 蓮藕章魚花生眉豆煲唐排骨湯暖暖胃，湯頭非常濃郁味道好香濃好喝喔。 鐵板燒大蝦當然係主打，另外蒜蓉粉絲蒸扇貝也是不錯之物，不怕邪惡的話那紅燒肉也很值得品嚐。 日式蟹粥鮮味出色吃下去非常舒服。 泰式炒茄子豆腐好惹味茄子質感弄得恰到好處美味也。 咖喱的香氣非常有內涵令人欲罷不能。 香草牛油燒特級牛肋肉車爸爸連吃兩件眼也不眨。 雪糕及木瓜雪耳糖水另外加多碟新鮮水果已經夠我非常滿足了。

#酒店自助餐 #100種旅行方式 【 薈景帶你歎盡豐富美食 】 🎂老公生日當然要食餐好啦！我一早就係灣仔會展「Congress Plus 薈景」book咗食Dinner Buffet，無限時間可以俾小朋友慢慢食，6歲或以下小朋友仲係免費添！ 🦪薈景自助晚餐主題係「味遊美國」，有好多唔同款式的美國菜式，勁推介燒特級美國牛肋肉和焗美國珍寶蠔，我同老公都好鍾意食呀！仲有多款冰鎮海鮮，一定要食即開生蠔、長腳蟹、波士頓龍蝦同麵包蟹。 🍔哥哥就最鍾意食經典美式漢堡、炸魚餅漢堡和美式龍蝦包，佢竟然可以食晒3個呀！另外仲有多款熱葷、刺身和烤肉。 🍰媽媽我就最愛甜品，款式又多又靚，美式芝士餅、密西西比軟泥蛋糕、巴布卡蛋糕、山核桃批、美式檸檬批，諗番起都流口水呀！當中美國人氣街頭甜品棉花糖朱古力夾餅，2兄弟食到停唔到口呢！ 🍷餐廳環境寬敞舒服，有無敵靚海景，最正係可以無限暢飲指定美國啤酒、紅白餐酒、橙汁和汽水，我同老公可以嘆番杯靚酒慶祝下喇！ ⭐️最正嘅係！係推廣期間可享信用卡85折優惠，每位付費成人可攜同1位6歲或以下小童免費享用自助餐。快啲去訂座喇！ 💕晚市自助餐供應時間： 🔸2024年7月1日至9月29日 🔸星期三至日、公眾假期前夕及公眾假期 🔸晚上6時30分至9時30分 🎂生日優惠🎂 🔸四位或以上付費顧客凡惠顧自助晚餐，生日之星可免費獲贈生日蛋糕乙個 *生日蛋糕須於最少24小時前預訂 #薈景 #自助餐 #CongressPlus #buffe #dinnerbuffet #灣仔美食 #自助餐 #靚海景 #任飲 #甜品控 #生蠔 #海鮮 #親子blogger #親子日常 #全職媽媽 #親子KOL

#特色美食 #美食指南 #100種旅行方式 #親子好去處 灣仔會展中心·薈景 地址－香港灣仔港灣道一號香港會議展覽中心四樓 環境／設施－無敵維港海景自助餐‼️樓底高地方闊落～輕鬆拎嘢食！坐得勁舒服～日夜風景都咁靚✨而且食物質素超高質～😋5星環境同食物～超級推介呀‼️ 特色－冰鎮海鮮👉🏻超級新鮮‼️我食咗幾轉，refill得勁快👍🏻加拿大波士頓龍蝦、蟹鉗、即開生蠔、青口、長腳蟹 人均價格－重點⭐️6歲或以下免費🎉勁抵食囉🤤 平均$400/位 評分－5/5

吃朱古力可幫助提神 調適心情💖讓人感到幸福！ 所以BeautySearch 特別喜歡吃朱古力🍫 無論心情好與壞 都希望享受朱古力帶來快樂的感覺！ 最近發現灣仔會議展覽中心的《薈景》 推出環球海鮮滋味盛薈自助晚餐 除了備有多款國際美食 更特設期間限定的朱古力專區 ~ 「環球朱古力之旅」 無論是蛋糕、雪糕、朱古力噴泉、 甜點或原粒朱古力 均一應俱全 作為朱古力控，又怎可錯過？ 平常吃自助餐，BeautySearch 習慣由冷盤開始，但這裡的朱古力專區實在太吸引了，結果，未吃主食前，先來一轉「環球朱古力之旅」 ▫️法式甘納許 ~ 這種由朱古力和鮮奶油組成的一種柔滑的奶油，軟質固態的朱古力，營造出一種獨特而細膩的順滑口感，這次，我品嚐了當中的三種味道：黑朱古力香橙、焦糖牛奶朱古力及威士忌牛奶朱古力，各有特色，尤其威士忌牛奶朱古力，散發出酒香韻味而沒有威士忌的濃烈。 ▫️手工朱古力熱飲 ~人手沖泡，即時注入豐盈泡泡，不但朱古力味香濃，而且口感順滑豐盈，實在令人難以抗拒，一試難忘！ ▫️刺身~ 我揀選了當中的帶子、三文魚、吞拿魚、甜蝦及八爪魚刺身，每款都冰凍鮮味，而我最愛的當然是肥美的三文魚，還有鮮嫩的帶子，鮮味十足 ▫️海鮮冷盤~ 大大隻的波士頓龍蝦，開邊而上，還搭配肉厚的龍蝦鉗，相當滋味；再搭配長腳蟹及海蝦，鮮味滿載，令人大滿足！ ▫️海南雞飯~ 不但有肉質嫩滑的海南雞，還有鮮香的油飯及醬料，相當有風味，還有足料椰子雞湯，晶瑩剔透，清甜中帶有椰香的獨特風味，清涼解渴，相當味美 ▫️熱葷方面~ 特別推薦香蒜咸蛋茸配燒羊排，豐腴的肉汁及軟嫩的口感，搭配香蒜咸蛋，十分滋味；另外，菠菜芝士焗蠔，口感Creamy，芝味無窮，絕對不能錯過 ▫️海鮮方面~ 粉絲蒸扇貝，蒜蓉的香，搭配彈牙鮮甜的扇貝，還有吸盡精華的粉絲，入口啖啖鮮味 用餐後，繼續我的「環球朱古力之旅」，黑森林蛋糕，櫻桃和鮮奶油夾入朱古力蛋糕中，口感綿密，帶有傳統風味的黑森林蛋糕；鮮草莓戚風蛋糕，色澤漂亮，不會過甜、過膩，甜美可口。 還有多款不同濃度、形狀、產地、可可成份的黑朱古力及牛奶朱古力，散發出不同特徵及餘韻，食客可一次過盡情享受這獨特的朱古力嚐味體驗。 而這兩款手工製作的甜品，包括：黑朱古力石板街及牛奶朱古力石板街，以杏仁和棉花糖等炮製，不但外型精美，而且甜而不膩，又有口感，令我的甜品時間更見精彩，絕對值得一試！ • • • 📍薈景 香港灣仔港灣道一號香港會議展覽中心四樓 (或經會展廣場六樓進入) #薈景 #食在灣仔 #自助餐 #朱古力控 #朱古力 #環球朱古力之旅 #環球海鮮滋味盛薈自助晚餐 #BeautySearch #BeautySearchの日常 #gourmet #美味しい #香港美食 #search美食

尋晚去咗灣仔嘅薈景食自助晚餐，薈景位於會展中心內，由地鐵出口行到過嚟全程都係室內，位置十分方便唔洗日曬雨淋，因為我哋食嘅係30/12，所以主題係環宇盛宴節日自助餐✔️一入到去就好驚訝個空間可以大到咁，枱同枱之間嘅空間好闊落，坐得好舒服，外面嘅景色對住一片維多利亞港，如果坐正窗口位，一邊望住窗外景色，一邊歎美食真係人生一大樂事🔮 出面嘅飲食地帶一樣都好大～我都要行咗一陣先至行得完成個area😂而拎嘢食嘅空間亦好充足，唔會出現人迫人嘅情況。食物款式極多，有沙律、壽司、各款時令海鮮凍盤 (例如生蠔、蟹腳、龍蝦等)、刺身 (赤蝦、三文魚、吞拿魚、八爪魚等)、廚師秘製熱燻 (羊扒、牛扒、煎大蝦、串燒、炸物、各式咖哩等)、小朋友最愛嘅食物例如迷你漢堡、薄餅、炸薯條雞塊等，另外亦有即製意粉及是日粉麵（當日係豬肉湯米粉) 特色甜品嘅種類亦極多，有蛋糕、雪糕、撻類、曲奇、奶凍，仲有雞蛋仔同木瓜雪耳糖水，好有驚喜✨作為一個湯怪好中意佢哋嘅西湯同中湯，一樣咁好味🙆 當日嘅西湯係雜菜湯💯酸味較重入面有秋葵，好啱我胃口，飲完一碗即刻開胃番；而中湯好有老火感覺，我飲咗兩碗😋 個人覺得佢哋個飲品吧值得一讚，有各式罐裝飲品、咖啡、茶、果汁，仲有紅白餐酒都係免費無限暢飲🎉 另外好鍾意佢哋有一個專門嘅碟子擺放餐具，衛生乾淨又整齊。薈景俾我嘅印象就係食物款式係！極！多！不能盡錄，講真好少自助餐可食到尾都仲可以食緊一啲新嘅嘢，因為實在太多花款了😆薈景就比到呢種體驗我了！ 🥢薈景 #會展 #灣仔 #hkbuffet #buffet #buffethk #hkfoodig #hkfoodporn #hkfoodpost #hkfood #hkigfood #hkigfoodie #hkfoodlover #hkfoodblogger #hkfoodstagram #hkfoodpost #hkfoodlover #wanchai #hkfoodpic #hkfoodblog #hkfoodpics #自助餐 #相機食先 #hklike #buffethk #CongressPlus

記得荷花🪷BB展上年懷孕🤰🏻行到午飯都無食，今年帶住Hayden 梗係唔會甘chur😅行左2個鐘就出嚟食飯同餵奶🍼薈景自助晚餐就食得多，每次用餐體驗都幾好 🌟主菜 $178 （salad buffet 另+$70) 出面有咖啡☕️果汁🍹茶、餐包、餐湯、小份雞蛋仔同迷你蛋撻任食任飲 🌟白切走地雞配香䓤豉油&口水雞醬 雞份量好足，雞胸肉滑，感覺如果配反傳統薑䓤蓉會更佐飯 🌟紅咖哩鴨 咖哩好香，感覺用上多種不同嘅香料調配出嚟，鴨肉大大舊 迷你蛋撻必食，不過我掛住照顧Hayden 食咗先記得未影相😆再拎又食唔落 🔍搜尋 #金魚姬食在灣仔 🍴#薈景 📍灣仔港灣道1號會展廣場6樓 #金魚姬推薦親子用餐

自助晚餐(折實後$720/位） 👻穿著萬聖節相關服飾可享85折優惠🎃 主食🍔🍝🍲🍛🍣 種類：🐧🐧🐧🐧 賣相：🐧🐧🐧🐧 味道：🐧🐧🐧 主食有多國餐點，有中、西、日、泰、印式等等，選擇頗多。 當中，除了有常見的凍海鮮、冷盤、切扒類、湯粉麵、刺身等，亦有自助餐少見的食品，例如迷你漢堡、薄餅、炸薯條雞塊等，頗為特別。 食品未有刻意採用萬聖節常用菜品「南瓜」作主題，但裝飾極富萬聖節特色，尤其壽司擺盤十分精美。 味道方面，凍海鮮、冷盤、刺身新鮮度一般，不過不失。 熟食類推介即燒串燒豬肉、雞軟骨，外脆內嫩十分不錯。 扒類方面燒烤排骨十分不錯，調味足又不會過韌。 餐廳推薦的焦糖鵝肝燉蛋，表面焦糖香脆甜美，配搭內裡鹹味足肝味濃的鵝肝，十分新穎獨特。 唯獨鐵皮煎大蝦不推薦，蝦不新鮮有霉味，不理想。 甜品🍦🎂🍮🍧🍡 種類：🐧🐧🐧🐧 賣相：🐧🐧🐧🐧 味道：🐧🐧🐧🐧 甜品種類頗多，有蛋糕、雪糕、迷你撻類、奶凍、啫喱、燉蛋外，更有即製雞蛋仔和梳乎厘提供，十分不錯。 甜品配合萬聖節主題造型，個別有些恐怖度高，頗為可怕嚇人。 味道方面，高度推薦即製梳乎厘，鬆軟嫩滑，甜度適中，但注意拿取後務必盡快食用，否則會塌陷。 即製雞蛋仔亦十分不錯，外脆內軟，不會空心無餡，蛋味足，必試之選。 餐廳特意響鈴示意客人拿取的「眼球椰汁布甸」，杏霜味濃郁，布甸Q 彈有口感，甜度偏淡，配搭酸溜溜的士多啤梨汁，感覺不太合拍。 飲品：🐧🐧🐧🐧 餐廳設有自助飲品吧，有各式罐裝飲品、咖啡、茶、果汁提供外，更有免費紅酒白酒無限提供，十分不錯。 環境：🐧🐧🐧🐧🐧 酒店與會展相鄰，對出一片維多利亞港，窗口位置座位能盡覽維港美景。 餐廳座位之間間距寬闊，桌面座位闊落舒適。 餐廳以萬聖節作主題裝飾，氣氛十足。 服務：🐧 自助食物補充速度一般，間中會見空盤待填補。 服務員回收餐盤效率略為欠佳，有時餐盤堆積眾多，需要主動請服務員幫忙回收用後餐盤。 慶祝生日本來可獲贈芝士蛋糕乙個，但因為餐廳漏讀訂座信息，導致需要主動詢問了解，最後才獲安排補回。 了解期間，餐廳職員更一度誣衊本人未有留信息表示慶祝生日，需要whatsapp 對證，整個過程令人極度不愉快。 用餐時間：🐧🐧🐧🐧 用餐時間為1830至2130, 3小時的時間還好合適。 🐧❤️結語：食物質素不俗，可惜職員態度應對令人失望，不會再去。 🐥🐥🐥🐥🐥🐥🐥🐥🐥🐥 店舖名稱：薈景 店舖地址：灣仔港灣道1號會展廣場6樓 #自助餐 #buffet #生日 #birthday #萬聖節 #halloween #香港美食 #hkfood #灣仔美食 #wanchaifood #hkfoodie #foodiehk #foodie #吃貨 #食好西 #food #foodporn #foodphotography #相機食先 #角落生物 #角落小夥伴 #sumikkogurashi #すみっコぐらし