2025 cafe TOO攻略推薦 (於 6 月更新)

Cafe too 位於港島香格里拉酒店，它的食物種類有多款選擇，而且食物質素有保證，加上員工服務有禮，所以已多次惠顧。 自助餐今期的主題是「港式丶港食」，餐廳與四家人氣食府合作：一樂燒鵝丶安利魚蛋粉丶妹記生滾粥品及檀島冰室，所以食客除了可以品嚐平時供應的國際美食，例如刺身丶 壽司丶燒牛丶燒雞丶凍海鮮等美食之外，也可以無限品嚐香港的人氣地道美食，例如魚蛋粉丶雲吞麵丶咖哩魚蛋丶脆皮燒鵝丶 酥皮蛋撻等。留意用有些信用卡付款是有折扣優惠的，可直接向餐廳查詢。 評分: 環境 4.5/5 食物 4.5/5 服務 4.5/5 抵食 4.5/5 地址：金鐘道88號太古廣場二座港島香格里拉酒店7樓 #酒店自助餐 #cafetoo #islandshangrilahongkong #港島香格里拉酒店

位於廣島香格里拉酒店7樓 用餐時間為十一點半到兩點 $435/ 位 有多個國食品供選擇 最欣賞係泰國食品有：青木瓜沙律，泰式雞翼， 芋頭西米露呢個最正 仲有一個泰式海鮮粉絲，冬陰功，泰式牛肉沙律 有壽司枱食物新鮮 也有提供不同種類蔬菜嘅沙律， 有好多選擇...... 是那個鍋貼係即包，入口嘅時候有湯噴出 也有印度食品 凍嘅海鮮蝦、麵包蟹、青口等 燉湯同熱葷分也很出色 甜品做得出色精緻小巧 平日都差不多坐滿人 #性價比酒店 #升級作交五月有驚喜

#香港酒店自助餐 Café TOO 是港島香格里拉大酒店的招牌自助餐餐廳，以極高水準的料理與優雅環境而著稱。餐廳空間寬敞，設計摩登中帶點奢華感。自助餐涵蓋中、日、印、泰、西式等多元菜式，特別是海鮮部分種類豐富，包括即開生蠔、雪蟹腳、鮑魚沙律、刺身拼盤等。熱食方面則有招牌海南雞飯、燒牛排、羊架、燉湯與即煮意粉等。中式點心如蝦餃、燒賣也做得相當出色。甜品區更是吸引，提供數十款中西甜品，包括芒果拿破崙、焦糖燉蛋、手工雪糕與朱古力噴泉。服務方面一如香格里拉的五星級標準，職員細心、禮貌且對菜式認識豐富。整體體驗極為高級，是適合紀念日或慶祝場合的理想自助餐選擇。

被這家老牌五星狠狠拿捏 港島香格里拉入住體驗 [Love]來香港旅遊，這次選了老牌的港島香格里拉，體驗感可說是既有驚喜也有小遺憾，分享給大家參考～ 位置與交通 [Love]就在金鐘太古廣場上，一出地鐵金鐘站就能看到，交通樞紐的優勢讓出行超便利。不論是去銅鑼灣購物還是去中環打卡，坐地鐵幾站就到。 酒店環境 一進大堂就被震撼到，16層樓高的《大好河山》壁畫太壯觀，滿滿的藝術氛圍。公共區域寬敞大氣，裝飾很有格調，融合了東方傳統與歐式優雅，隨處可見的藝術品，感覺像在逛小型藝術展。 房間設施 [Love]我住的是豪華客房，空間寬敞，床很舒服，能好好睡個好覺。浴室乾濕分離，還有電視可以邊泡澡邊看節目。不過作為老牌酒店，設施雖齊全但難免有些歲月痕跡，和新酒店比起來少了點科技感，但整體維護得還算不錯。 餐飲體驗 這家餐廳真的很能打！夏宮的粵菜超正宗，點心精緻又美味；café TOO 的自助餐必須誇，海鮮新鮮，甜點的種類多到挑花眼。大堂酒廊的下午茶氛圍感十足，三層塔一上桌，儀式感拉滿，和朋友閒聊一下午超寫意。 服務質素 服務真的沒得說，從辦理入住到退房，工作人員都熱情又專業，有甚麼需求都能及時滿足。對帶小孩的家庭也特別友好，提供兒童洗漱用品、小拖鞋，超貼心。 性價比 價格不算低，畢竟是五星酒店，但考慮到位置、服務和配套設施，也算物有所值。如果能碰上促銷活動，性價比就更高啦。 [Love]總體來說，港島香格里拉的入住體驗還是很不錯的，適合對酒店品質有要求、追求便利位置和優質服務的朋友們～下次來香港，我應該還會選這裡。

向來熱愛日本料理嘅我，今晚去咗港島香格里拉酒店 café TOO，全新推出東瀛風味自助餐，無限供應三文魚籽、新鮮現切吞拿魚、和牛壽喜燒、冰鎮海鮮、新鮮蒸龍蝦、豐富甜品等，食得我滿心歡喜！ 🔹無限三文魚籽 自助餐其中一大亮點就係無限供應嘅三文魚籽，食客可以隨意搭配蒸白飯，自製獨特三文魚籽丼，有得食又有得玩，每一碗都可以根據自己嘅喜好來調配，感受日本料理獨特嘅濃郁風味。 🔹新鮮現切吞拿魚 廚師以精湛技術現場切割新鮮吞拿魚，從大拖羅到中拖羅，再到赤身，配合辣吞拿魚沙律，味道更加昇華，真係一場視覺同味覺嘅雙重享受。 🔹新鮮出爐麵包Corner 無論係軟麵包捲、硬麵包捲定係法國長棍麵包、芝士蒜蓉麵包或者皮塔餅，款款新鮮出爐，香氣四溢，麵包控如我超滿足。 🔹奢華和牛鐵板燒 鐘意濃郁風味嘅朋友，一定要試和牛壽喜燒同和牛鐵板燒，味道醇厚，肉質滑嫩，配上各式日式串燒如燒雞肉串、鯖魚、鯛魚等，真係令人回味無窮。 🔹新鮮壽司 壽司櫃有多款新鮮魚生，金槍魚、三文魚、鰤魚等各種選擇應有盡有，更有每日新鮮空運到港嘅獨特日本魚種！壽司方面，有吞拿魚、蟹棒、多汁和牛等，盡情滿足味蕾。 🔹特色招牌菜 café TOO 仲有幾道特色招牌菜值得一試，例如鰻魚茶碗蒸，加入海苔同毛豆，口感獨特。而玉子燒則配上北寄貝沙拉、海藻同芝士，絕對係一個味覺盛宴。 🔹西式頭盤 選擇相當豐富，包括煙三文魚、凍火腿同風乾火腿等，仲有多款芝士可供選擇，無論係芝士迷定係肉類愛好者，都可以搵到自己嘅心水美食。 🔹冰鎮海鮮 絕對係食客最期待嘅環節，花蟹、海蝦、半殼青口等新鮮海鮮，無論係搭配醬汁定係單吃，可以大快朵頤地盡情享用。 🔹龍蝦 無限量供應新鮮蒸龍蝦，提供清蒸及蒜蓉蒸兩種口味，保留活龍蝦鮮美彈牙口感。 🔹中式熱葷 有香港人最愛嘅燒味，例如豉油雞、蜜汁叉燒、燒鵝等，配以XO海鮮炆伊麵同椰汁香芋雞煲，令人食指大動。 🔹海帶蒸海鮮 細膩口感充分展現新鮮食材嘅美味，加上傳統烹飪技術，有驚喜。 🔹西式美食 提供烤雞、燒牛肋骨、香煎鴨胸等選擇，樣樣都香氣四溢。 🔹日式熱食 日式熱食當然唔可以少～有炸吉列和牛、天婦羅同和牛壽喜燒，必試炸吉列和牛，外皮薄脆酥香，色澤粉嫩，保留和牛鮮嫩肉汁，油花分佈均勻，肉味濃郁。 🔹甜品 甜品區亦係另一個亮點，提供六款口味Gelato、各式各樣蛋糕，如黑芝麻榛果蛋糕、北海道芝士蛋糕、柚子士多啤梨蛋糕、百利甜酒提拉米蘇、烏龍茶士多啤梨卷、焙茶蛋糕及焦糖餅乾布朗尼等，仲有低調高手嘅雞蛋仔同夾餅，無限享用，真係甜品控福音！ 🔹飲品 可選Fruit Punch、Grapefruit Lime & Lemon Tea、Orange Juice等，每一款都香甜可口，清新又解渴。 cafe TOO ✨ 📍香港金鐘金鐘道88號太古廣場港島香格里拉7樓

一個自助晚餐可以無限吃盡日本空運鮮魚刺身、和牛壽喜燒及三文魚籽，還有超級勁多中、西、日美食，對於貪吃的我來說真的非常吸引。 這夜來到港島香格里拉酒店 café TOO，品嚐我超喜歡的東瀛風味之旅。 甫踏進餐廳便是刺身區！今期是東瀛主題這區當然會特別豐富。 首先有每日不同新鮮空運原條鮮魚，這夜我們能夠品嚐到的是鯛魚和深海池魚。 接力還有新鮮現切藍鰭金槍、辣吞拿魚、鮟鱇魚肝、油甘魚、三文魚及鯛魚刺身等。 轉角是日式前菜中華沙律、八爪魚及各式壽司卷物，當中的和牛壽司絕對是必吃之物。 這個自助餐重點之重肯定是三文魚籽自由！餐廳還貼心地配搭了迷你魚生丼飯，讓大家可以暢快地自製爆丼過足癮。 日式熱食則有芝士玉子燒、北寄貝沙律玉子燒、鰹魚玉子燒、吉列炸蝦餅、唐揚雞塊及鰻魚茶碗蒸。 西式頭盤有煙三文魚、凍火腿、沙樂美腸及風乾火腿，芝士則有三款選擇包括St.Maure、Comte AOP及Camembert。 冰鎮海鮮是大家最關心的一環！這夜能夠品嚐到花蟹、沙白、海蝦、半殼青口、麵包蟹、海螺及瀨尿蝦。 麵包Corner擺放了多款特色麵包！當中有牛油麵包、迷你法式長棍麵包、勞根包、意大利香草芝士麵包及蒜蓉法式麵包，麵包控必定開心到飛起。 現成沙律質素亦都相不錯！包括有蟹肉沙律、烤蝦小米沙律、魷魚青口沙律、乳酪、釀葡萄葉、鷹嘴豆泥、凱撒沙律、新鮮沙律菜及各式醬汁。 自助餐會有無限量供應新鮮蒸龍蝦，而且還有清蒸及蒜蓉蒸兩款口味選擇，愛吃龍蝦的朋友可以大快朵頤了。 往前走是一系列的中式熱葷！當中有XO海鮮炆伊麵、椰汁香芋雞煲、蝦餃、燒賣、咖喱魚、板栗海參煲及清補涼。 西式美食亦是非常豐富目不暇給！打頭陣有燒雞、烤牛肋骨、烤雜菜、忌廉甘筍湯、意大利雲吞、烤羊架、燒椰菜及香煎鴨胸。 緊接著還有香港人喜歡吃的燒味！包括有豉油雞、蜜汁叉燒及燒鵝。 中式美食還有三鮮炒芥蘭、清酒煮蜆、粟米豆腐海皇羹、雞油花雕焗海鱸及避風塘龍蝦鉗等。 日式的熱食也肯定能令大家吃個痛快！看見師傅正切開剛炸起的吉列和牛，粉嫩誘人的色澤令人垂涎三尺。 旁邊還有天婦羅、蟹粥、海帶蒸海鮮及超吸引的和牛壽喜燒。 最後串燒區有蒲燒本地白鱔、免治雞肉串、烤雞串、雞腎、鯖魚及雞翼。 豐富鹹食經已介紹完畢現在到慰藉甜迷的時候了！ 先來色彩繽紛的生果碟然後有六款口味的Gelato，包括有雲呢拿、牛奶朱古力、鐵觀音、焙茶、泰式奶茶及冧酒提子口味。 接力還有海量的甜點陣相信每位都肯定會找到自己喜歡的心水甜品。 當中有抹茶黑芝麻蛋糕、黑芝麻榛果蛋糕、北海道芝士蛋糕、柚子士多啤梨蛋糕、百利甜酒提拉米蘇、烏龍茶士多啤梨卷、芒果大幅、草莓大福、朱古力撻、抹茶戚風蛋糕、焙茶咖啡泡芙、白朱古力紅果蛋糕、抹茶麻糬撻、馬卡龍、朱古力鳥結糖、焙茶蛋糕及焦糖餅乾布朗尼。 還有我最喜歡的低調高手雞蛋仔和夾餅！不用排隊便可以無限任吃實在太幸福了。 這兒的自助餐其中一個亮點飲品真的非常有誠意！當中有Fruit Punch、Grapefruit Lime & Lemon Tea、Orange Juice及Bubble Tea，每款都沖泡得香甜可口好喝非常。 這個東瀛風味之旅的美食可以用海量嚟形容！先跟好友嘆番杯白酒好讓胃口打開。 從來未試過食自助餐第一時間扢熱葷！皆因串燒美食中竟然有我至愛的本地白鱔肉質非常彈牙口感美絕，蒲燒汁甜而不膩恰到好處絕對沒有搶走白鱔的鮮香太讚了吧。 被白鱔震撼的味蕾回過神來享用清新的前菜！新鮮的車厘茄香脆酸甜尤其是像青提的那款酸香可口，配襯鮮甜蟹肉沙律我覺得簡直是Perfect Match。 緊接著當然要品嚐我最喜歡的冰鎮海鮮！滿滿蟹膏的麵包蟹絕對是我的首選，花蟹、海蝦、瀨尿蝦及貝類也鮮味十足，海鮮迷的我表示非常心滿意足。 刺身款款也非常新鮮油甘魚尤其吸引，如果大家喜歡吃鮟鱇魚肝那不要錯過甘香邪惡又美味。 此刻要品嚐重頭戲三文魚籽自由！日式刺身區內放有一大碗三文魚籽，可配襯吞拿魚蓉或三文魚迷你丼飯，可以任性地將三文魚籽放在丼飯上慢慢品嚐。 橙紅耀眼的三文魚籽在口中演奏交響樂，入口即破魚油滲出點點甜香，最重要是完全沒有腥味吃得非常快慰。 來到七時許便會聽見鈴聲響起此刻熱辣辣的燉湯要出爐了。 這盅粟米腰果栗子赤小豆馬蹄燉瘦肉湯香甜美味，非常適合吃完頭盤前菜後來暖胃。 同時間也是即劏鮮魚刺身出場的時候！肥美的藍鰭吞拿魚有齊赤身、中拖及大拖羅，魚油豐盛味道鮮甜實在美味，另外鯛魚及深海池魚亦非池中物記得要取來好好品嚐啊。 此刻來半隻新鮮蒸蒜蓉龍蝦享受一番！龍蝦肉質很爽彈以少許蒜蓉調味鮮香味濃，胃納強勁的朋友真的要多吃幾轉喔。 牛魔王絕對不能錯過和牛壽喜燒！雪花分明的飛驒和牛口感嫩滑油香滿溢，配襯甜甜的壽喜燒汁吃出正宗日式風味壽喜燒。 喜歡吃羊的朋友也別錯過這粉嫩的羊架！好友吃完大讚高質好味道呢。 而我就極度推介大家要試燒雞！皮香肉嫩又Juicy的燒雞於自助餐來說水準超高，大大粒蝦餃亦是我的心水推介。 最後來一碗綿滑的蟹粥將鹹食環節完美落幕。 此刻來到超激動的甜品時間！兩大碟甜品由好友取來跟大家一起分享，當中朱古力鳥結糖及朱古力撻是我的心水推介。 當然低調高手雞蛋仔是絕對不能錯過之物！蛋香滿滿的雞蛋仔熱辣辣放入口真的非常滋味。 意大利雪糕有六款口味當中我最愛是焙茶，雪糕口感香滑味道甘甜真的不錯吃。 東瀛風味之旅自助晚餐收費為星期一至四$828/位，星期五至日、公衆假期及前夕$888/位，12位或以上可享8折優惠，香格里拉會會員星期一至日成人75折會員同行小童半價優惠，由即日起至5月10日供應。

呢日我哋一大班朋友走咗去食自助餐！今次去港島香格里拉酒店嘅cafe TOO食，主題係蟹啱晒我老婆大人食呀。 究竟有咩好嘢食呢？等我同大家介紹一下啦，首先一定要介紹嘅係大閘蟹，食呢個自助餐嘅客人會有一隻四兩重嘅大閘蟹，呢一晚全部都係蟹女都幾好膏係肥妹嚟㗎。 跟住焦點嘅蟹嘢食就有蒜子胡椒肉蟹、銅盆糯米蒸花蟹、蟹粥、蟹肉扒時蔬同埋咖喱炒蟹。 另外仲有好多海鮮！好似有雞油花雕焗鱸魚、油鹽水大蜆粉絲、鹽焗海螺、清蒸海螺、大頭蝦、蟹粉炒粉皮同埋蟹肉魚肚羹。 飽肚嘢就有整嘅蟹肉伊麵同埋喇沙，即叫即整熱辣辣唔錯㗎。 呢度最正嘅係有出名嘅一樂燒鵝任食。 西式嘅熱菜入面有比較特色嘅燒鵝清湯意大利雲吞，跟住仲有烤牛柳同埋烤雞都係我鍾意食嘅。 中式就有蝦餃燒賣、豉油雞、蜜汁叉燒，仲有紅燒肉同埋麻婆豆腐。 同埋仍然有任食嘅清蒸波士頓龍蝦係回本位嚟。 冷盤區有松葉蟹、藍鰭吞拿魚、多款新鮮嘅刺身、仲有大量凍海鮮凍肉同埋沙律。 自助飲品區有珍珠奶茶、橙汁同埋特飲，全部可以無限量任飲勁開心。 甜品豐富到不得了！除咗幾十款精緻嘅甜品任食，另外仲有Häagen-Dazs雪糕同埋低調高手嘅雞蛋仔同格仔餅。 鍾意食海鮮嘅朋友真係唔好錯過，保證可以令你食得開心同埋滿足。

十月份，正是蟹的季節，短短頭半個月，筆者已經吃了六餐以蟹為主角的晚餐，包括是次要介紹的自助餐。 都係果句，Cafe Too的食物款式實在太多，單係蟹既菜式都有排講，仲有幾樣與本地知名食府合作既項目，所以慵懶既我，只會講重點。 凍海鮮除左翡翠螺、青口、凍蝦、蜆及瀨尿蝦等等，當然會貫徹蟹既主題，特別推薦三點蟹，肉質鮮甜。 松葉蟹的蟹羔及蟹肉沙律，鮮甜清爽，可以拿多一點，愈食愈開胃的。 大閘蟹是每人一隻，用上的都是公蟹，爆羔肉甜，屬優質靚貨。如果你只追求要任食大閘蟹食到飽，不顧質素既話，呢度唔岩你。 熱食都有唔少蟹既蹤影，譬如是鮮拆蟹粉炒粉皮，同埋惹味的泰式咖喱炒蟹，甚至是蟹粥等。 不過，我最喜歡既熱食，要數到胡椒炒蟹，香氣陣陣不在話下，用上的是斯里蘭卡肉蟹，啖啖肉，尤其是蟹鉗，無得彈。 糯米蒸花蟹都唔輸蝕，糯米飯軟熟不硬，又吸入花蟹既精華，再飽都要吃幾口。 平時食自助餐，多半會略過粉麵檔，今次唔同，因為呢度有蟹肉蟹粉伊麵，澎湃的蟹粉用來撈麵，我可以成碗清晒。 為貫徹主題，就連茶碗蒸都加入了蟹鉗，又點會唔滿足呢！ 店方都好貼心，食完大閘蟹，糖水就煲了薑茶湯圓來俾大家驅匿寒。 然而，五星級酒店的自助餐，當然就不單止有蟹食，講幾樣我覺得不可錯過的東西。燒鵝是其一，因為是與米芝蓮名店一樂燒鵝合作。除左鵝肉之外，欣賞佢仲會供應埋鵝頸，甚至鵝頭，見朋友拿起鵝頸慢慢齒，配上美酒，認真識嘆。 蒸龍蝦都是要排隊的美食，可揀清蒸或者蒜茸蒸，肉嫩不粗嚡，大可兩者都要半隻來品嚐。 甜食方面，蛋撻是跟泰昌合作，用上其配方，但我覺得佢比泰昌更勝一籌。 低調高手既雞蛋仔街知巷聞，往往排到天荒地老都食唔到，係呢度就可以輕易取到，我覺得雞蛋仔和夾餅都是不能錯過，加球雪糕來配夾餅更加一絕。 除此以外，一系列的蛋糕，馬卡龍，甚至中式的老婆餅均頗有水準，只恨自己胃納太細，無法將之一一消滅。 餐廳資料: Cafe Too 金鐘中區法院道太古廣場7樓 #香港好去處

呢個星期日就係母親節諗到同你阿媽食咩未呀！我就醒喇一早同老婆大人去食自助餐慶祝咗，仲要係佢最鍾意嘅海鮮主題自助餐開心到佢癲呀。 今次食自助餐嘅地方就喺港島香格里拉嘅cafe Too，原來我係第一次嚟食自助餐入面勁多嘢食好鬼開心呢。 經過靚靚嘅花叢第一眼見到就係呢舊咁正嘅藍鰭吞拿魚！呢晚有得任食真係正好夢幻呀。 除咗刺身仲有呢一個撈咗味嘅吞拿魚粒，勁好咬口件一啲酸味都冇呢個吞拿魚真係好靚好新鮮。 除咗吞拿魚之外仲有好多唔同種類嘅刺身，每樣食一件都已經好鬼滿足啦。 跟住仲有日式前菜、壽司、玉子燒、章魚小丸子同埋串燒，一定能夠滿足鍾意食日本嘢嘅朋友。 冰鎮海鮮區都好澎湃有醉鮑魚、魷魚青口沙律、烤蝦小米沙律、大蜆、瀨尿蝦、海蝦、花蟹、麵包蟹、蟹腳同埋海螺。 轉過彎呢度有麵包、芝士、沙律菜鍾意健康嘅朋友就啱晒啦。 自助餐入面有任飲就最受歡！迎呢度仲要有自己調製嘅果汁三款都好好飲而且唔會好甜，如果鍾意飲肥仔水仲有三款唔同口味嘅珍珠特飲，唔好話小朋友連我都覺得好開心呀。 講到開心甜品區又係睇見都引死人！有勁多款唔同口味嘅細件甜品任揀。 呢度仲可以食到低調高手大街小食嘅雞蛋仔同埋格仔餅，老婆大人見到即刻雙眼發光。 最後仲有火焰雪山同埋六款口味嘅Häagen-Dazs雪糕，相信呢個陣容甜品迷應該都唔會有投訴喇啩。 睇完啲甜品係時候去睇吓有咩熱嘢食！首先必吃推介一定係呢個清蒸龍蝦，睇住師傅喺魚缸撈出嚟劏好攞去蒸新鮮到不得了，食得幾隻龍蝦都已經回咗一半本啦。 跟住仲有好多中式嘅嘢食！好似有沙拉骨、黃金茄子、點心、燒味、滷水仲有清補涼湯，啱晒啲鍾意食中菜嘅朋友。 不過都唔夠呢個一樂燒鵝吸引大家都知呢間燒鵝都唔平，另外仲有個鵝油炒飯好鬼死邪惡，呢度就食到佢哋嘅出品仲係任食都咪話唔爽。 西式嘢食就有烤羊腿、烤牛肋骨、煎魚、燉肉、意大利雲吞同埋南瓜湯，選擇唔係好多始終呢個自助餐都係本地嘢做主題。 粉麵檔就供應泰國船麵！除咗船麵湯底之外仲有清湯同埋喇沙湯底，自己鍾意食咩餸要咩麵配咩湯底自己揀。 呢個位入面有兩大個魚入放咗龍蝦同埋大頭蝦，師傅撈啲蝦出嚟白灼然後放去蒸籠度，呢個新鮮嘅食法真係好鬼死吸引。 跟住仲有好多海鮮嘅菜式！好似竹笙瑤柱海鮮豆腐羹、辣酒煮花螺、蝦乾小炒王、豉椒炒蜆、蝦子鴨掌海參、金銀蒜蒸龍躉、椒鹽鮮魷、椒鹽鮑魚仔、蜆蚧鯪魚球同埋避風塘炒龍蝦鉗。 行多兩步又有驚喜呢度放滿咗各式各樣嘅海鮮，而最特別嘅肯定係呢個茅台炒醉蝦！師傅即刻放新鮮蝦落鐵板然後落茅台，跟住就會熊熊大火呢個時候記住預備定手機呀。 最後呢個位仲有烤雞、烤魷魚同埋烤大蝦，呢個自助餐咁嘅陣容鍾意食海鮮嘅朋友真係會流口水。 係時候埋位開餐喇喂！我同老婆大人夾手夾腳出去攞啲嘢返嚟一齊食。 自助餐6:30開始但係去到7:15記得出去攞藍鰭吞拿魚嘅大拖羅！超級肥美嘅大拖羅真係好油潤勁好味呀。 其他刺身都好唔錯我就最鍾意油甘魚同埋阿根廷赤蝦。 至於凍海鮮梗係要食紅花蟹啦勁鮮甜，本地嘅瀨尿蝦雖然細細隻但其實都好鬼甜。 呢碟前菜入面嘅醉鮑魚好鬼煙靭帶少少酒香幾好食，壽司質素都好唔錯有位嘅話真係要試吓。 講到最精彩一定係新鮮嘅蒸龍蝦！除咗清蒸仲有蒜蓉味兩款都各有各好味，細食咗嘅我呢晚淨係食咗三隻龍蝦咋！ 茅台炒醉蝦啲酒味好香而且蝦肉好彈牙一定要食呢個呀，另外白灼大頭蝦勁多蝦膏都好鬼正㗎。 老婆大人鍾意食點心梗係要攞返啲俾佢嘆吓啦！蝦餃同燒賣都係高質嘅出品唔錯唔錯。 我就仲開心因為呢度一樂燒鵝係任食！除咗任攞燒鵝髀之外仲有我最鍾意嘅鵝頸，即刻嗌咗杯白酒要嚟送鵝頸爽爆呀。 呢一個小炒王我特別要介紹俾大家，入面除咗有唔少海鮮之外最正嘅係好香甜嘅韭菜花，我同老婆大人食咗勁多。 食到半路中途有個侍應推住架車仔出嚟！原來係送呢個川貝燉雪梨燉湯俾我哋，燉湯熱辣辣又足料幾好飲喎。 食過蒸嘅海鮮呢個烤嘅都好出色！魷魚煙韌彈牙唔會好韌好鮮香，而大蝦燒過之後嗰朕香味好出色又係唔同食法。 芝士區入面有呢個我最鍾意食嘅蒜蓉芝士，老婆大人見到即刻攞俾我嘆真係抵錫。 呢度嘅烤牛肋骨做得好出色夠晒粉嫩而且好有肉香味，如果係牛魔王就千祈唔好錯過呀。 最後整返碗船麵暖吓胃不過老婆大人呢日喉嚨痛所以我嗌咗清湯！鍾意食惹味嘅佢扁晒咀唯有加返啲炸蒜等佢食得開心啲啦。 其實已經飽到一個點！但係老婆大人超好特登出去等攞咗兩底雞蛋仔返嚟，一底原味一底鹹蛋黃新鮮熱辣加埋老婆大人攞嘅點會唔好食吖。 朋友就攞咗格仔餅我真係食唔落不過睇落好都鬼吸引咁。 見到呢件橙花白豆卷蛋感覺好鬆軟忍唔住攞咗嚟食！都要讚吓自己好眼光食落真係好鬆軟好有豆味，食埋呢件蛋糕仔已經飽到傻咗，希望呢個母親節嘅自助餐老婆大人食得開心又滿足啦。

海鮮狂迷揮手區！有冇朋友同我一樣超喜歡吃海鮮，如果您也是海鮮迷就必定要看下去了。 這夜一行十人相約到Island Shangri-La Hong Kong的cafe TOO，嘆以本地海鮮為主題的自助晚餐過足癮。 甫踏進cafe TOO便是很多人也喜歡的刺身區！看見師傅正在處理色澤艷麗又肥美藍鰭吞拿魚我已經流口水了！ 其他刺身有甜蝦、北寄貝、象拔蚌、阿根廷赤蝦、希靈魚、三文魚及油甘魚，魚生愛好者必定會非常開心。 接力還有日式前菜味付螺肉及香菇蓮藕，當然少不了多款壽司的那份兒。 愛吃玉子燒的朋友也不要錯過共有三款口味可選，另外還有章魚小丸子及各樣香口的日式串燒。 來到這夜的重頭戲冰鎮海鮮區選擇非常多眼花撩亂心裏暗喜耶。 先有三款海鮮頭盤包括有鮑魚、魷魚青口沙律及烤蝦小米沙律。 緊接著當然是我最期待的凍海鮮！鮮蜆、瀨尿蝦、海蝦、花蟹、麵包蟹、蟹腳及海螺每樣也非常新鮮可以大飽口福了。 轉個角是麵包、頭盤及沙律區！供應了多款新鮮麵包、各式芝士、凍肉及新鮮沙律菜和醬汁。 自助餐更有我喜歡的任飲區供應多款特色飲品！六款飲品包括了熱帶果汁、蘋果青檸檸檬茶、排毒香茅水及三款口味的珍珠特飲，口味非常獨特而且好好飲絕對不是一般自助餐供應的普通飲品。 來到熱葷區亦非常吸引打頭陣是新鮮熱辣的蒸龍蝦！而且還有清蒸及蒜蓉兩款口味選擇。 緊接著有沙拉骨、黃金茄子、蝦餃、燒賣、饅頭、清補涼、叉燒、油雞、滷水蛋及豆腐等中式熱菜。 至於西式美食當然少不了烤羊腿、烤牛肋骨、南瓜湯、煎魚配紅花汁、愛爾蘭燉肉及燉菜等菜式。 來這兒吃自助餐還可以試到坊間不少名店的招牌菜！例如一樂燒鵝的招牌燒鵝和鵝油炒飯，可以任取任吃不用排隊真的好正。 然後來到即煮區就有泰國船麵，三款湯底可選加上大量配料及蔬菜可以自組一碗特色船麵。 接力有竹笙瑤柱海鮮豆腐羹、辣酒煮螺、蝦乾小炒王、豉椒炒蜆、蝦子鴨掌海參、金銀蒜蒸龍躉、椒鹽鮮魷、椒鹽鮑魚仔、蜆蚧鯪魚球及避風塘炒龍蝦。 這兒有兩個活魚池看見師傅撈起了大頭蝦和龍蝦，原來是用來炮製原汁原味的蒸海鮮，蒸籠內有大頭蝦、花螺還有果皮蒸魚全部都非常吸引誘惑到不得了。 隔鄰這個海鮮檔則放滿了各式各樣的新鮮海產。 最吸引我必定是師傅現場即製的茅台炒醉蝦！新鮮大蝦於熱騰騰的鐵板上被香氣撲鼻的茅台烹煮火光四起非常好打卡。 最後還有烤雞、烤魷魚、烤大蝦及烤鮮魚等美食，蒸、炒、煮、炸、烤法也盡出我的海鮮胃也不禁大聲叫好。 鹹食介紹完輪到甜品區喇！琳瑯滿目的甜品盡現於眼前甜迷朋友看得心心眼呢。 細細件的甜品賣相非常精緻有不同口味及款式的，相信大家一定能夠找到自己喜歡的甜品。 說到最吸引我肯定是低調高手大街小食的雞蛋仔和夾餅！這夜可以品嚐到原味及鹹蛋黃味的雞蛋仔，因為我去過筲箕灣多次也未能如願吃到所以超開心及非常期待。 最後還有六款口味的Häagen-Dazs雪糕可任吃，有咖啡、比利時朱古力、冧酒提子、焦糖脆餅、士多啤梨及雲呢拿可選，我更見到旁邊有火焰雪山呢正喔。 餐廳的Buffet Line真的超級超級長！行完一轉之後肚仔已經打鼓了即刻開餐先。 大家記住7:15pm要出去刺身區因為這時會推出藍鰭吞拿魚的大拖羅，大家看到那粉紅雪白相間的油花嗎！大拖羅吃下魚油非常豐腴香滑叉無筋超好吃。 除了大拖羅之外其他刺身質素也非常不錯！角切的吞拿魚赤身用了墨西哥Feel的調味，口感味道也非常有新鮮感，另外阿根廷赤蝦肉亦軟糯鮮甜記得要吃哦。 凍海鮮方面蜆肉非常乾淨又鮮甜，瀨尿蝦和蟹肉亦是我的Favourite之選，蟹腳啖啖肉充滿海水的味道全部也令我吃得很開心。 頭盤中最喜歡爽口彈牙的醉鮑魚，鯖魚和鰻魚壽司質素也非常不俗，喜歡吃蛋的朋友玉子燒亦是不能錯過的項目。 到中段時間會有服務員推出燉湯送給在座客人，這夜我們得到川貝燉雪梨湯味道非常香甜，吃完頭盤刺身這些凍食喝一口熱湯非常暖胃舒服。 熱食第一時間取了蒸龍蝦來品嚐！火候恰好的清蒸龍蝦肉質很爽口而且非常鮮甜，喜歡惹味的可以選擇蒜蓉蒸龍蝦。 這碟就是我取的茅台炒醉蝦！那茅台王子非常香濃喜歡酒味的我十分欣賞這爽彈的炒醉蝦。 另外清蒸的游水大頭蝦非常原汁原味！大頭蝦的蝦頭內充斥邪惡蝦羔非常甘香可口。 喜歡吃蝦餃的我對於這兒出品非常滿意！澄皮爽口不黏牙內裏餡料非常豐盛，爽口彈牙的大蝦亦鮮味十足我吃了兩隻才夠喉呢。 熱食當中選了惹味的豉椒炒蜆還有我喜歡的油雞味道真心不錯，另外最推介的是蝦籽海參鴨掌，海參爽滑鴨掌軟腍配襯味道剛好的醬汁非常吸引，大家記得要吃小炒王內的嫩綠韭菜花香甜惹味會吃不停口。 喜歡吃牛肉的朋友萬物錯過烤牛肋骨，看到那粉嫩的肉色便知質素非常不俗車爸爸滿欣賞呢。 愛吃船麵的我邀請車爸爸給我取一碗回來！當天他知道我喉嚨痛細心地取了一碗清湯給我(嬲)！雖然是為我好但我還是喜歡吃惹味的，最後加了點炸蒜和炸豬皮才覺得好味好多了。 鹹胃表示已經非常滿足是時候開動甜胃迎接豐富甜點！首先是限定美食火焰雪山聽到響鈴聲大家便去到甜品區乖乖地排隊，等待點火儀式過後大家便可以取火焰雪山回去品嚐。 我沒有吃火焰雪山因為我要留位給雞蛋仔！熱辣辣新鮮出爐的雞蛋仔真的非常美味，尤其是鹹蛋黃口味更加令我心動。 其他甜品我已經吃不下了還是交給朋友好好品嚐吧。 如果有位的話大家記得要留肚吃件泰昌蛋撻啊。