2025 Cafe, Hyatt Regency Hong Kong, Tsim Sha Tsui餐廳推薦 (於 5 月更新)

上個月母親節我就同老婆大人去咗食自助餐慶祝！嚟到六月係時候到我威威佢搵返間一樣咁有份量嘅自助餐同我慶祝，我哋去食咗個充滿海水味嘅自助晚餐鬼死咁滿足呀。 呢間就係我哋都好鍾意嘅尖沙咀海悅酒店咖啡廳，自助餐即煮新鮮龍蝦肯定係呢度焦點，不過星期五嚟食足4個鐘嘅滋味蟹饌自助晚餐除咗龍蝦蟹都係主角，提吓大家記得免費加入凱悅天地會員，就可以好似我哋咁用65折優惠價$666/位(已連加一)就食得到原價要九百幾蚊㗎！ 去到餐廳第一時間見到嘅係甜品檔口！有即刻整嘅窩夫香噴噴好鬼吸引。 跟住就有六個味嘅大師雪糕，麵包布甸、木桶豆腐花、芒果糯米飯同埋好多款嘅蛋糕甜品，啱晒鍾意食甜品嘅朋友。 鍾意食鹹嘢嘅我即刻走去睇吓凍海鮮有乜嘢揀先！ 鋪晒喺雪面嘅有皇帝蟹腳、麵包蟹、凍蝦、青口、沙白蜆同埋海螺，海鮮睇落去好有光澤新鮮度唔錯。 擺喺海鮮隔離有兩樣中式嘅前菜！係花雕醉雞翼同埋陳醋雲耳。 沿住呢個位行前啲就係日本嘢！我哋呢日刺身有蝦、三文魚、帆立貝、象拔蚌、八爪魚、希靈魚同埋吞拿魚，仲有好多款壽司同日式小食可以揀。 但講到最吸引我梗係呢條油甘魚啦！七點零鐘師傅就會響鈴鈴叫大家出嚟排隊攞啱啱劏好嘅油甘魚刺身。 跟住西式嘅頭盤都有好多嘢揀！有雜菜沙律、羽衣甘藍、羅馬生菜、粟米、洋蔥、黑水欖、雞心豆、麵包粒、車厘茄、三文魚長通粉沙律同埋薯仔沙律，啱晒鍾意食沙律同前菜嘅老婆大人。 呢日嘅芝士拼盤有我最鍾意嘅Blue Cheese正呀喂！不過係老婆大人嘅死敵哈哈！唔緊要佢有Emmental Cheese同埋Brie Cheese可以食。 凍肉方面有莎樂美腸、風乾火腿同埋凍火腿，側邊擺咗好甜嘅哈密瓜夾埋一齊食就Perfect喇。 睇完凍冰冰嘅嘢食係時候睇吓有咩熱辣辣嘅好嘢先。 講到熱辣辣呢個香煎虎蝦一定要食，師傅即場喺鐵板上燒香新鮮嘅大虎蝦，香噴噴唔食真係對唔住自己囉。 如果鍾意食天婦羅呢度都有好多款揀番薯同埋軟殼蟹係我推介嘅。 我呢啲麻甩佬見到燒味就開心！呢度有齊燒鴨、叉燒同埋燒腩仔夠晒滿足，而且仲有好嫩滑嘅海南雞飯超正。 頭先嘅嘢都唔係好飽肚啫可以整碗即刻淥粉麵嘆吓！湯底有辣湯、豬骨湯同埋清湯有辣有唔辣，揀埋自己鍾意嘅粉麵同餸料夠晒自主。 何太靚湯我就唔啱不過呢度嘅燉湯花膠日月魚燉雞就好啱我心水。 呢個自助餐我最鍾意嘅就係有師傅即刻炒嘅小菜！你話喺自助餐食到有鑊氣嘅小炒幾難得呢，今次有瑤柱扒時蔬、上湯龍蝦鉗、豉油王大蝦、豉椒炒青口、辣酒煮海鮮、豬腳薑同埋清蒸沙巴龍躉，舒舒服服食到大排檔嘅滋味爽呀。 餐廳都幾貼心竟然有無麩質麵包而且仲有好多款口味可以揀。 印度菜都有好幾款好似印式炸蟹餅、印式羊肉飯、天多利烤雞、印式扁豆咖喱、印式牛油雞同埋蒜味印式烤餅，味道非常正宗同夠哂香辣鍾意食呢味嘢嘅朋友一定要試。 嚟呢度食自助餐十個着咗九個都係為咗即烚龍蝦而嚟！新鮮烚出嚟龍蝦即刻食真正到飛起。 今次星期五嘅蟹主題有老婆大人好鍾意食嘅意大利飯！呢個係即煮芝士蟹肉意大利粉飯，隔離就有我鍾意食嘅燒有骨肉眼，我哋兩個各自都有喜歡嘅西式嘢食正喎。 另外仲有燒菠蘿腸仔、白酒煮海鮮、香煎龍脷柳、日式茄子、燒羊髀、燒雜菜、番茄湯同埋炸薯條配黑松露醬，今次中、西式嘅嘢食都令我好有食慾呀。 睇完豐富嘅自助餐嘢食係時候到我哋開餐喇喂！ 同老婆大人夾手夾腳攞到一枱都係！食自助餐就係要咁樣先開心㗎嘛，凍海鮮唔使講最正一定係皇帝蟹腳濃郁嘅海水味好鬼正斗，不過估唔到青口都好出色咬落去非常多汁而且好鮮甜，刺身我就最推薦大家食帆立貝同埋三文魚。 跟住梗係第一時間嘆番隻即烚龍蝦先啦！龍蝦爆曬羔食落好甘香，龍蝦肉又爽又彈仲超級鮮味，食多幾轉其實已經回本仲要任食之餘又唔使排長龍真係好幸福。 香煎大虎蝦都係必食嘅嘢！蝦殼煎到好香口入面嘅蝦肉爽夾彈鮮味好夠，鍾意食蝦嘅朋友要食砌多幾轉，另外海南雞都整得勁嫩滑好好食。 呢個瑤柱扒西蘭花其貌不揚但係海味味非常濃郁！廚師一啲都唔孤寒鋪滿晒乾瑤柱令到西蘭花勁好食。 呢個花膠日月魚燉雞湯味道好清甜入面仲有大大隻花膠，老婆大人睇到心花怒放飲得非常開懷。 七點鬆啲聽到響鈴即刻出去排隊攞我最鍾意嘅即劏刺身魚！呢日嘅係油甘魚啱晒我口味，我同老婆大人兩個分別攞到三件，香軟充滿油分嘅油甘魚新鮮劏出嚟真係特別好食。 然後侍應中送上一人一件嘅燒皇帝蟹腳！燒過嘅皇帝蟹腳海水味更加濃啱晒鍾意重口味嘅人。 呢度嘅天婦羅炸得都幾唔錯㗎！我就特別鍾意軟殼蟹同埋番薯喇。 不得不提呢度嘅番茄湯超級好飲！濃到不得了嘅番茄味酸酸甜甜咁，好飲到搞到老婆大人隊咗兩碗哈哈。 而我梗係隊呢個燒有骨肉眼，睇吓佢嘅顏色幾粉嫩食落仲好柔軟牛味都幾出色，個肚有位的話真係要食多幾件。 呢個即煮芝士蟹肉意大利飯個口感仲有啲米骨，完全係老婆大人鍾意嘅味道同埋咬口，呢碗佢差唔多食晒咁滯哈哈。 鹹嘢食到飽飽甜品都唔可以食好多款！咁就揀咗幾樣同老婆大人一齊食，呢兩球雪糕都係酸酸地嘅味道幫手消吓滯。 呢度嘅木桶豆腐花一大桶飲任食好開心㗎！加啲黃糖落去風味十足如果可以再滑啲就更加好味。 有老婆大人最鍾意食嘅芒果糯米飯佢當然唔會放過啦！雖然好飽肚但係個椰汁整得幾好，連埋啲香甜芒果一齊食係好正嘅。 最後呢件伯爵茶忌廉蛋糕真係好鬼好食！濃濃嘅伯爵茶味加埋滑嘟嘟嘅忌廉，飽到一個點嘅我哋都將佢食晒。

相信熟悉我的朋友都知道我跟爸爸也很喜歡吃海鮮！好快就到父親節我當然識做預早跟車爸爸慶祝，過氣黑洞爛船也有三斤釘去吃自助餐就最合他心意了。 上星期五我們選到Hyatt Regency Hong Kong, Tsim Sha Tsui的Cafe咖啡廳，大嘆海鮮主題的豐富自助晚餐。 甫踏入自助餐區放滿耀眼的冰鎮海鮮！這天我們可以品嚐到皇帝蟹腳、麵包蟹、越南凍蝦、紐西蘭青口、沙白蜆及加拿大海螺，海鮮迷的我倆看見這個陣容超級開心。 放在冰鎮海鮮旁還有中式前菜，花雕醉雞翼、陳醋雲耳兩款也是我喜歡的美食。 轉過彎便是日式美食區！刺身櫃內有蝦、三文魚、帆立貝、象拔蚌、八爪魚、希靈魚及吞拿魚，另外還有多款壽司、卷物、日式豆腐及中華沙律等供選擇。 而在四小時的自助餐途中會有幸福時間！由師傅會即場劏這條油甘魚分給大家品嚐，大家聽到響鈴記得出去排隊取新鮮的油甘魚刺身喔。 我喜歡的沙律吧選擇亦有不少！包括有新鮮的沙律菜羽衣甘藍、羅馬生菜、粟米、洋蔥、黑水欖、雞心豆、麵包粒及車厘茄等等！大家可以發揮自己小宇宙拼出喜歡的沙律碟來作揭幕。 想偷懶的可以選擇現成沙律來品嚐！分別有三文魚長通粉沙律及薯仔沙律可供選擇而且質素相當不錯呢。 芝士也有三款選擇之多當中包括有爸爸最愛的Blue Cheese，另外兩款是Emmental Cheese及Brie Cheese也是我喜歡的味道。 Cold Cut則有三款選擇配襯新鮮哈密瓜享用最為匹配。 另一邊廂發現有非常貼心的Gluten Free麵包而且還有多款不同口味！例如甜奶油包、種子麵包、馬德蓮蛋糕及無麩質麵包。 印式美食這天有印式炸蟹餅、印式羊肉飯、天多利烤雞、印式扁豆咖喱、印式牛油雞及蒜味印式烤餅，愛吃香口濃味印度美食的朋友萬物錯過。 說到Cafe的重頭戲必定是即煮美國波士頓龍蝦了！除了新鮮原汁原味之外更有泰式辣醬和四川麻辣汁，絕對照顧到喜歡不同口味的客人。 來到西式美食區先有即煮的芝士蟹肉意大利粉飯，當然也少不了牛魔王必愛的燒有骨肉眼啦。 接下來有燒菠蘿腸仔、白酒煮海鮮、香煎龍脷柳、日式茄子、燒羊髀、燒雜菜，最後還有番茄湯及炸薯條配黑松露醬。 繼續行忽然看到火光熊熊原來師傅正在炮製香煎虎蝦！煮起來新鮮熱辣香噴噴的味道非常誘人。 接下來是燒味檔除了有燒鴨、叉燒及燒腩仔外還有嫩滑海南雞飯。 轉彎位則放滿了炸至金黃香脆的天婦羅，而當中的軟殼蟹天婦羅就最吸引我了。 繼續往前走是即淥粉麵檔位！分別有辣湯、豬骨湯及法式清湯三款湯底的選擇，再揀上自己喜歡的粉麵及配料便能得出一碗自己口味的粉麵。 是日燉湯我們得到好吸引的花膠日月魚燉雞湯。 行到最後是我最愛的即場小炒Corner！師傅會即席炒製各式香噴噴的中式小炒超吸引。 打頭陣有辣酒煮海鮮、清蒸沙巴龍躉、上湯龍蝦鉗、瑤柱扒時蔬、豉油王大蝦、豉椒炒青口及我最喜歡的豬腳薑。 終於來到甜品區先有小朋友必定喜愛的Candy Corner，但其實車爸爸也非常喜歡吃糖果呢。 切件蛋糕這天供應有黑森林蛋糕、伯爵茶忌廉蛋糕、紐約芝士蛋糕及紅絲絨蛋糕，款款都非常吸引真的要留肚品嚐。 另外有我超愛吃的芒果糯米飯及酥脆雲呢拿拿破崙。 說到甜品當然少不了雪糕那份兒！這天供應的是Häagen-Dazs雪糕還有六款口味之多，旁邊放上各式配料任意添加好開心喔。 另外還有豆腐花、麵包布甸、伯爵茶曲奇及蝴蝶酥及即製窩夫。 最後這個甜品凍櫃內則放上了芒果布甸、桂花杞子啫喱、茉莉奶凍、杏仁撻、生果撻、意大利芝士布甸、紅莓朱古力蛋糕及新鮮切件水果，相信甜牙齒必定會吃得非常快樂兼滿足。 行完一圈已經非常肚餓了！跟車爸爸分工合作取上各式美食一起開餐。 柔軟的Brie Cheese奶香十足不會太羶是我喜歡的芝士口味，而風味強烈的Blue Cheese就留待識嘆的車爸爸去享用。 我取上了一碟非常豐盛頭盤前菜！有這一碟可防止待會吃得過於兇狠。 接力品嚐刺身和壽司等日本美食！刺身質素不俗肥美三文魚和柔軟鮮甜帆立貝我最為推介的。 冰鎮海鮮中以皇帝蟹腳最為吸引，那濃郁的海水鮮味藏於梳梳的蟹肉中超好吃，另外爽甜越南凍蝦及鮮嫩紐西蘭青口也是必吃之物哦。 但說到這個自助餐的焦點肯定是即煮的龍蝦！新鮮龍蝦熱騰騰的上水再送到嘴邊，吃下肉質超級爽彈而且鮮味濃郁，加上柔軟橙紅蝦羔真的要吃多幾轉來滿足饞嘴。 然後這個香煎虎蝦亦是鮮味的來源，焦香大虎蝦配襯特色的牛油柚子豉油汁真的非常香口，而燒味方面極推介大家品嚐嫩滑的海南雞。 喜歡吃天婦羅的朋友別錯過軟殼蟹天婦羅，那脆漿炸得輕盈不油加上軟殼蟹的甘香非常可口。 晚上七時許看見師傅正在跟油甘魚交涉中便知道很快鈴聲會響起來！即時通知事爸爸到日式專區排隊領取他喜歡的限量即劏油甘魚刺身。 我們兩人共可以得到六件新鮮油甘魚刺身，愛吃的車爸爸表示非常新鮮吃得好滿足。 另外限定美食就是位上的燒皇帝蟹腳，吃過冰鎮還有熱辣辣的可以享用好幸福，而怕吃生冷食物的朋友也不需擔心吃不到靚蟹了。 這刻需要一碗熱辣辣的燉湯來暖胃！是日靚湯花膠日月魚燉雞湯內裏有一整塊花膠超級滋補。 繼續享用超足料的瑤柱扒西蘭花，滿滿鹹鮮的瑤柱伴著爽口的西蘭花，吃到即炒出來的味道真的非常吸引。 而我喜歡來Cafe吃自助餐最大的誘因除了龍蝦就是豬腳薑！這兒豬腳薑的醋煲得非常醇香甜度也恰好，老薑弄得非常入味加上柔潤的豬腳令我吃上兩碗才罷休。 另外西式美食亦不是省油燈挺有質素！那濃濃的番茄湯香氣非凡，加上開胃的酸度就令我喝上兩碗之多，而即煮的芝士蟹肉意大利飯口感也很合我心水，加上蟹肉和芝士的香氣叫我吃得非常滿意，如果還有胃納的話別忘記吃新鮮熱辣的炸薯條，沾上黑松露醬永遠也是那麼吸引。 車爸爸對於這粉嫩的燒有骨肉眼評價也非常不錯，而我就喜歡彈牙的印式炸蝦餅和天多利烤雞。 來到這刻肚仔表示已經非常滿足是甜胃出動的時候！先選上兩球雪糕來幫助消化我選的紅莓雪葩正好合乎條件。 豆腐花是車爸爸最愛的甜品！這兒一大桶任吃對他來說絕對是快樂的事情。 而我就特別喜歡吃泰式的芒果糯米飯！似鹹非甜的椰漿令糯米變得吸引，加上完熟香甜的芒果這甜品絕對能變成我的最愛。 平時吃自助餐我比較少選上蛋糕來享用！但這件伯爵茶忌廉蛋糕我非常推介給大家，軟滑的伯爵茶忌廉加上濃郁的佛手柑香氣的鬆軟蛋糕，這味道和質感也超乎我想像的美味。

元宵佳節當然送上甜蜜蜜的分享！集香甜士多啤梨、璀璨玫瑰及醉人香檳於一身的下合不過了。 尖沙咀凱悅酒店咖啡廳於二至三月推出了鮮莓香檳瑰麗下午茶！下午茶以三鹹五甜點加英式鬆餅組合而成，充斥甜蜜醉人的花果香氣很適合跟閨蜜或愛人一起去品嚐。 說到醉人除了點心內加入了香檳來炮製之外，也可以像我們另加$108享用Moët香檳兩杯，於風光明媚的下午來一場醉人的午後時光So Chill。 不嗜酒的朋友可以選擇玫瑰花茶或黑加侖子洛神花茶，前者芳香撲鼻後者則酸甜可口，配襯那超優雅的茶具真的非常高貴。 三款鹹點包括是杏仁玫瑰鱈場蟹蟹肉三文治、香檳肝醬奶凍及醃製鴨胸，精緻美味的組合全部都好合我口味呢。 先品嚐醃製鴨胸賣相的色可愛味道鮮嫩又Juicy，加上酸甜的紅莓香氣吃下非常清新可口。 杏仁玫瑰鱈場蟹蟹肉三文治擁有滿滿的蟹肉，配襯上木魚絲和紫菜很有日式風味。 最後這客香檳肝醬奶凍質感很細滑，肝醬味道很香濃配襯芝士脆片共品嚐特別吸引。 嬌小的玫瑰草莓鬆餅乾濕度恰好吃下外脆內濕潤，塗上自家製草莓果醬和Clotted Cream好味道喔。 甜品非常豐富總共有五款之多喔！包括有滑溜的紅寶石朱古力慕絲、酸甜可口的紅莓香檳巴伐露、醇香的朱古力紅莓閃電泡芙、口感特別的紅莓杏仁牛油蛋糕，還有我最喜歡的紅莓馬卡龍，又酸又甜的口味叫甜牙齒非常滿足啊。 #afternoontea

來到冬天真是特別多滋味的美食，就連我喜歡的午茶亦推出不少關於冬日滋味，我這個Afternoon Tea迷這天又跟好友去嘆下午茶喇！ 這次來到尖沙咀凱悅酒店優雅的Cafe咖啡廳，跟三位美女同渡過一個愜意的醉人下午。 酒店內已經佈滿了聖誕裝飾今年的聖誕氣氛確實濃厚了點點，希望大家也能夠在今年有一個快樂的聖誕節吧。 今次的主題是冬日滋味下午茶，用上了不少冬天及節日的食材來炮製，感覺非常暖心充滿濃濃的冬日情意。 下午茶除了有咖啡或茶可選外更可揀特色熱飲，當中包括有杏仁朱古力或熱蘋果特飲可以選擇。 熱蘋果特飲除了香甜的果味之外更注入了充滿聖誕的玉桂香氣，喜歡這香料的朋友不容錯過味道非常濃郁耶。 相信每位喜歡朱古力的朋友在冬天也很想喝杯熱騰騰的朱古力吧！這杯除了有濃郁朱古力味之外還加入了杏仁，令這杯杏仁朱古力香氣和味道更加引人入勝。 冬日滋味下午茶以三鹹、五甜點和英式鬆餅組合而成！甜點大多用上朱古力、香橙等富節日氣氛的食材來炮製好Classic。 下午茶套餐更會有個非常驚喜位就是送上一小杯Dark Rum！那濃濃的酒精絕是最佳暖身之物，而且用來配濃郁朱古力甜點真的非常匹配。 三款鹹點包括是肝醬三文治、牛肉批以及香煎吞拿魚配全粗麥麵包。 香煎吞拿魚配全粗麥麵包帶有點點刺激的微辣，加上香軟新鮮的吞拿魚非常惹味，喜歡濃郁味道的朋友肝醬三文治就必定會合您心意，最後還有酥脆的牛肉批聽聞味道也非常不錯呢。 吃過三款鹹點以後此刻要品嚐Scone喇！香橙蔓越莓鬆餅除了牛油味之外還帶上果香，塗上自家製的香橙果醬及Clotted Cream味道好匹配。 下午茶套餐總共有五款甜點非常豐富嗜甜的朋友必定大快樂！ 先品嚐這件杏仁曲奇配朱古力醬，口感香脆的杏仁曲奇配上朱古力醬可是經典的好味道。 聖安道焦糖泡芙內藏著香滑的伯爵茶忌廉，外層則用上香甜焦糖包裹著，吃下外脆內軟口感非常令人滿足。 這件香蕉拖肥擁有甜美香蕉和幼滑的冧酒慕絲，配上新鮮雲呢拿忌廉味道實在太銷魂了。 從來是朱古力迷的我對於這個64度朱古力吉士杯紅莓醬表示十分欣賞！甘醇的朱古力配襯酸香紅莓醬我可以肯定它們是最佳拍檔。 最後還有超可愛的香橙瑪德蓮蛋糕！脆卜卜的朱古力外層包裹著鬆軟的馬德蓮蛋糕口感特別豐富，加上香橙令味道變得更加有層次和好吃。 冬日滋味下午茶價錢為$538/兩位起，由即日至2024年1月31日、逢星期一至日下午3~5時於咖啡廳限量供應，記得去官網訂座可享有高達八折優惠喔。

以「Love Monochrome」2023 秋季彩妝系列為靈感🧡 包括南瓜芝士蛋糕、栗子山、蜂蜜抹茶泡芙、朱古力紅桑子胡桃撻、焦糖啤梨撻，以及紅酒無花果鬆餅配果醬及英式奶油； 鹹點則有橘子醃製吞拿魚及三文魚，以及巴馬火腿脆片粟米炒蛋黑松露軟包，特別推介南瓜芝士蛋糕，將芝士蛋糕融入南瓜造型，帶來濃郁香氣同細膩口感～ 每種茶點口味同造型都非常有特色～款款賣相精緻，用料十足，迷人嘅質感更令人一試難忘！ 最驚喜係惠顧下午茶仲送RMK潔膚底妝旅行套裝乙份，實行食住靚～建議大家都嚟尖沙咀凱悅酒店嘆個下午茶，喺勞碌嘅生活中獎勵自己吧！ 🥢Hyatt Regency Hong Kong #凱悅酒店 #下午茶 #afternoontea #hkfoodie #RMK #甜品 #Cafe #打卡 #打卡餐廳 #日本菜 #相機食先 #主題下午茶 #hkrestaurant #餐廳推介 #尖沙咀 #hkfoodie #hkfood #foodiehk #foodhk #hkfoodshare #hkfoodlover #耀眼秋色下午茶 #hkafternoontea #hkhightea #hightea #HyattRegency #Hyatt