【2025 香港餐廳】Porterhouse旅遊指南 (於 6 月更新)

同朋友慶生揀咗食自助餐，不過唔係去酒店而係嚟咗呢間喺蘭桂坊嘅Porterhouse食佢哋個crab-tacular weekend brunch ($598@)。特點之一當然係蟹同其他海鮮大量供應，仲有烤肉專區、即煮意粉、熟食、凍肉、沙律、甜品等各式嘢食可以攞。 第一輪當然要先食海鮮，海鮮有專人幫手夾，只要講底想食咩就得，第一轉當然係all-in喇。店員一d都唔吝嗇，夾到成座山咁，重點嘅蟹方面就有麵包蟹、雪場蟹腳同愛爾蘭蟹，其他海鮮仲有生蠔、翡翠螺、海蝦、青口，真係非常豐富。麵包蟹我哋每人都encore咗兩次，入面d蟹膏多到漏哂出嚟，每一啖都係甘香鮮味超邪惡。想食蟹肉就可以點雪場蟹腳，蟹肉鮮嫩多汁。生蠔雖然比較細隻但味道一樣咁鮮甜。剩係食海鮮食返兩三轉已經回本。 其他嘢食都好高質，好似烤肉專區嘅燒和牛同羊架，肉質腍嫩肉味香濃，烤豬腩肉個外皮烘到脆卜卜。熱食又有蟹膏蒸蛋同炒蟹伊麵等等。最緊要係食佢哋個熱熔芝士薯條，廚師會將芝士輪熱熔，再將芝士刮落薯條上面，做到拉芝效果，滋味十足。另外亦都可以叫廚師炒碟意粉食添。冷盤方面芝士、火腿、沙律嘅款式都好多，仲有平時好少見嘅原塊蜂巢，非常有特色。 依家仲做緊買三送一，真係非常抵食。 。 。 。 Porterhouse - Seafood & Steak (中環) 中環蘭桂坊德己立街30-32號加州大廈7樓 。 。#香港美食指南 #甜品 #親子好去處 #香港好去處 #全球旅行 #中環 #中環美食 #香港打卡 #香港美食 #香港 #自助餐攻略 #自助餐 #自助餐推介 #海鮮 #任食

呢間中環西餐扒房，環境幾有情調，食嘢飲嘢都好適合。 一坐低就試咗個Oyster Sake shot，新鮮生蠔🦪配上清酒🍶，海水味同酒香好夾，令生蠔更鮮味。 Sticky Eggplant茄子🍆煮得軟腍入味，醬汁濃稠惹味，味道層次豐富。 Uni Toast嘅海膽份量十足，鮮甜甘香，仲有三文魚子，配上竹炭多士，yummy! Fried Squid炸魷魚🦑炸得金黃香脆，唔會太油膩，而且魷魚肉質彈牙，魷魚味好香。 主菜方面，我哋叫咗Striploin牛扒🥩。牛扒煎得啱啱好，外層焦香，內裡粉嫩多汁，肉味濃郁。 Elbow Pasta嘅口感煙韌彈牙，醬汁 creamy 濃郁，味道調教得恰到好處。配菜方面西蘭花仔燒得微微焦香，口感爽脆。 📍Porterhouse 中環蘭桂坊德己立街30-32號加州大廈24樓 #中環 #西餐廳 #有情調 #goodvibe #vibing #牛扒 #慶祝 #生日 #紀念日 #聚會 #dining #hkdining #hk

#端午節好去處 端午節假期，咁啱朋友生日，我哋去咗中環Porterhouse，佢由中環加州大廈7樓搬到上面嘅24樓，搬高左搬大左，個影色都靚左。依家餐廳新舖新裝修變得更加典雅舒適，而且逢星期五/六/日夜仲有魔術表演，有機會可以近距離同魔術師互動。 - Salmon Crude 三文魚好鮮味，配上mulberry同mayonnaise一齊食，食落酸酸地，好有風味好開胃。 - Shellfish Cappuccino 好特別嘅一道菜，將海鮮湯做到一杯Cappuccino甘，入面有龍蝦肉，食落好彈牙，而個湯好濃郁綿密，無論視覺定係味道都一流。 - Ribeye & Striploin 牛肉方面分別叫做Ribeye同Striploin，Ribeye油脂豐富香濃，食落軟腍。而Striploin牛味同樣濃郁，而且肉質厚實有咬口。Ribeye同Striploin兩款肉，一次過食到唔同嘅肉質、油脂同口感，真係雙重享受。 - Yuzu Cheese Cake Yuzu酸甜清爽，味道好Fresh好輕盈，配上綿密嘅cheese cake，兩個味道非常夾。 - Sour Plum Cocktail & Lilly Lychee n Fizz 品嚐左兩杯與別不同嘅Cocktail，第一杯Sour Plum Cocktail就好似酸梅湯咁，首先味道甘甘地酸酸地，然後慢慢Gin同Wriskey嘅味道又會返出黎，非常特別。而另一杯Lilly Lychee n Fizz就係一般荔枝味泡泡嘅Cocktail，甜甜地唔會好重酒味，而且PinkPink色，好有少女心。 - Porterhouse (中環) 中環蘭桂坊德己立街30-32號加州大廈24樓 - @Porterhouse_lkf #hkfood#hkfoodie#hkfoodbloggge#hkfoodblog#hkrestaurant#foodphotography#openricehk#foodpic#foodporn#picoftheday#instafood#topcitybiteshk#hkig#foodie#foodgasm食評#相機食先#食好西#吃貨#中環美食#seafood#西餐#扒房#brunch#PorterhouseSeafoodandSteak#蘭桂坊美食#加州大廈#香港探店

慶祝大日子，想好服務和有情調👅～記得去中環的 🥩 𝐏𝐨𝐫𝐭𝐞𝐫𝐡𝐨𝐮𝐬𝐞 - 𝐒𝐞𝐚𝐟𝐨𝐨𝐝 & 𝐒𝐭𝐞𝐚𝐤啦(⁎⁍̴̛ᴗ⁍̴̛⁎)/ 無論食物、服務、裝潢都好有質素，保證壽星和伴侶一定喜歡哦～ 率先呈上的餐包🍞，有白麵包、酸種麵包 和 香草芝士片🧀，款式頗多。 ☆ 𝐀𝐦𝐮𝐫 𝐂𝐚𝐯𝐢𝐚𝐫✨$𝟑𝟏𝟖 有牛油和堅果香的史氏魚子醬，鮮味不已。放上小班戟，配上不同配料，層次更豐富。 ☆ 𝐒𝐞𝐚𝐫𝐞𝐝 𝐒𝐜𝐚𝐥𝐥𝐨𝐩𝐬❤️$𝟐𝟔𝟖 香煎帶子超級好吃呀(≧▽≦)! 肉厚彈牙又鮮美，沒想到配有辣椒🌶️、黑豆和柚子，加少許辣油，勁惹味～ ☆ 𝐅𝐞𝐭𝐭𝐮𝐜𝐜𝐢𝐧𝐞 𝐰𝐢𝐭𝐡 𝐁𝐨𝐬𝐭𝐨𝐧 𝐋𝐨𝐛𝐬𝐭𝐞𝐫🦞$𝟑𝟗𝟖 大大隻波士頓龍蝦，肉質結實彈牙，意粉裏滿蕃茄醬，好香甜～ ☆ 𝐁𝐥𝐚𝐜𝐤𝐛𝐞𝐫𝐫𝐲 𝐅𝐫𝐚𝐧𝐠𝐢𝐩𝐚𝐧𝐞🧁 ☆ 𝐘𝐮𝐳𝐮 𝐂𝐡𝐞𝐞𝐬𝐞𝐜𝐚𝐤𝐞🍰 甜品有兩款，一款是焗的黑莓蛋糕，一款是柚子芝士蛋糕😏，個人比較推介黑莓哦～ • 🥩 𝐏𝐨𝐫𝐭𝐞𝐫𝐡𝐨𝐮𝐬𝐞 - 𝐒𝐞𝐚𝐟𝐨𝐨𝐝 & 𝐒𝐭𝐞𝐚𝐤 🗝️ #中環 蘭桂坊德己立街30-32號加州大廈7樓

餐廳：Porterhouse - Seafood & Steak (中環) 地址：中環蘭桂坊德己立街30-32號加州大廈7樓 蘭桂坊除咗喺中環飲酒嘅好地方，其實當中仲有唔少餐廳🍴。其中加州大廈7樓呢間開咗接近9年嘅海鮮扒房——Porterhouse - Seafood & Steak最近就推出唔少餐飲優惠🎉，希望喺疫情之後協助帶動返蘭桂坊昔日嘅人氣🤩 舒適寬敞嘅環境，配合柔和燈光同典雅設計✨，塑造咗一份既有情調又帶有啲浪漫嘅氣氛💕，加上平日晚上唔算太多人，最適合帶埋另一半過嚟慶祝紀念日，或者帶親朋好友過嚟慶生🎊 坐低叫完嘢食無耐就送上一盤餐包🥖，另外叫咗杯可愛嘅Latte同Cappuccino打開今餐序幕😌 ✝️澳洲哥芬灣生蠔 $308 一份有半打，雖然感覺有啲貴，但原來南澳嘅哥芬灣海水接近零污染，呢個先喺珍貴之處。蠔殼大約10-12cm長但蠔身就比較細小🦪，勝在蠔肉肥美飽滿，加上入口綿滑，裙邊爽脆，咸香、鮮甜、清新、絕無腥味👍 ✝️慢煮雞胸沙律 $188 驟眼睇雞胸份量好少，但原來鋪曬喺沙律底🥗，雞胸新鮮咬落一啲都唔嚡，另外仲有堆砌得靚靚嘅牛油果🥑、紅提子切片🍇、香口脆粒，配埋甜蜜嘅楓糖醬更加開胃🍯 ✝️紐西蘭400日谷飼純種和牛肉眼扒 $378 200g嘅肉眼扒雖然一開始望落賣相麻麻哋，但食完第一啖之後就好有驚喜😍。谷飼和牛第一刀切落已經非常柔軟，食落肉質肥美軟嫩，牛脂香仲特別濃厚出眾，肉汁鎖住喺牛扒中間💦，淋上紅酒汁更加滋味😋 ✝️烤牛骨髓配黑松露醬 $168 牛骨髓上面加咗黑松露醬、百里香、蒜、胡椒等香料，拎去烤焗逼出油份🔥，餐廳職員將牛骨髓用匙羹刮到烤香咗嘅香脆多士上面成為多士嘅精華醬汁，用手拎住嚟食，雖然有啲咸，但每啖都享受到牛骨髓嘅油香🤤 ✝️Sauvignon Blanc Juice $98 夏季推出嘅限量特飲，嚟自法國嘅有機無酒精葡萄汁🥂，極致嘅醇香，每啖都滲透出白葡萄嘅香甜同清新，濃縮絲滑嘅質感令人一試難忘，除咗帶嚟一股熱帶風情仲啱曬唔飲酒嘅人士☀️ 最值得贊喺呢度嘅服務(希望唔喺因為少人嘅關係)，就算我問好多問題好多request，店員都喺全程笑而無黑面，而且食麵包一隻碟，前菜一隻碟，主菜又另外一隻碟🍽️，餐具都會密密換同埋見到枱污糟咗少少都會幫手抹☺️