Trip Moments 推薦

香港萬怡酒店親子staycation

入住日期：10-11/7 人數：一大兩細 房型：城景房free upgrade港景房 package：一晚房連lounge benefits加300蚊dining credit 價錢：965.26 （使用九折券優惠） 會籍：萬豪金卡 預訂途徑：Marriott Bonvoy apps 週日入住，但係都唔多人，唔使排隊，Marriott bonvoy member有專用櫃檯。間房不過不失，起碼都叫乾淨企理，同埋位置都算唔錯，幾光猛，睇海都幾靚。 訂呢間房主要都係為咗跑房同埋用咗張9折券佢。講起九折券，我show張九折券畀櫃檯睇，個哥哥都唔識，要問經理，然後經理就嚟同我講話呢張券唔係咁用，做唔到畀我，只能夠makeup啲乜乜乜offer畀我，blah blah blah講一大輪，我多次重申張券係我喺renaissance展覽嗰陣時職員畀我話可以用，而且職員提醒我到時check in畀前台睇，佢都依然堅持張券係唔用得，咁算啦用唔到咪由佢囉，我都冇改plan，費事煩。然後第二朝，佢有個姐姐打嚟同我講又話張券用得喇。🌚🌚🌚🌚 其實住呢間酒店都冇咩好做，主要都係食嘢，cocktail hour去咗lounge嗰度食嘢，佢堅持唔畀小朋友入，咁算啦我自己食。嘢食一般又唔算多，不過食幾件蛋糕、食個沙律、飲杯咖啡都算唔錯啦。不過佢有開好多支酒喺度畀人揀，呢點都算唔錯。比較特別嘅係佢有湯同埋有飯，仲係揚州炒飯，據聞lounge唔可以當飯食，但原來真係可以有飯㗎喎，咁點算呢🌚🌚🌚 lounge另一邊有個梳化位同埋電腦枱，可以借書睇同埋用電腦，電腦係imac。 早餐喺momo cafe食，包兩大兩細，咁由於我屋企其實住得好近，只係隔一條街，所以就有另一個屋企人嚟咗一齊食。嘢食都係一般般啦，得奄列同埋粉麵呢啲即做嘅比較好。比較特別嘅係佢嘅咖啡機竟然得齋啡，冇latte同cappuccino。🌚 食完早餐返上房就玩board game（自己帶嘅）,玩到唔知時間過埋三點先咋咋臨執嘢走。🤦🏻‍♀️🤦🏻‍♀️落樓去momo cafe落埋order買咗嘢食先去check out，佢可以入張單落房數先，然後可以照坐低堂食。叫咗一個意粉一個pizza，三百零幾蚊啱啱好用曬credit。個pizza做得好好，係碳烤嗰種好脆嘅餅底嚟，當下午茶食埋為呢個trip畫上完美句號。✌🏻 總評：一千蚊左右叫做包三餐，都算唔錯啦，要跑房嘅可以留意下呢個plan #高cp值飯店 #全家出遊 #冬遊記 #抵玩酒店