2025 觀塘地區餐廳推薦 (於 5 月更新)

Weekend同家人去apm整電話 順便去呢間book mark咗好耐嘅餐廳食lunch 鴻圖道Flames 舖頭采光好好 環境舒適 裝修設計睇得出好有心思 位置都坐得舒服 聽聞呢間食手工Pizza好正 仲耍星期六日佢哋都有午市套餐 一於試吓佢哋嘅Pizza 夏威夷薄餅 個手工Pizza 非常軟熟 口感鬆軟 菠蘿係用新鮮菠蘿 加上大大塊巴馬火腿 蕃茄…食落鹹鹹地又酸酸地 馬加上拉絲嘅蘇里拉芝士 材料豐富 必食推介 平時食開嗰啲真係冇得比 葡式香辣燒春雞配香草黃薑蕃茄飯 雞肉好嫩滑 仲juicy爆汁 應該係慢煮 連雞胸都咁嫩滑 而且外皮香脆 仲成隻雞都好入味 配埋黃薑飯一個好豐富嘅午餐 燒春雞本身唔辣 係醬料有辣味 本身已經好好食 唔需要再點太多醬 燒烤醬燒丹麥豬梅頭配薯條 梅頭豬好軟腍腍 一啲都唔嚡口 搽咗醬再燒的確係惹味啲 黑松露蘑菇意粉 Truffle mushroom醬汁調得超好味 仲有啲蘑菇粒同埋洋蔥粒 增添咗成個意粉嘅口感 意粉軟度適中而且好Creamy 推介👍🏻 避風塘雞翼 味道唔算好辣 食落幾惹味 雞翼皮脆肉嫩 唔油膩 令人回味無窮 #香港美食 #搵食推介 #高質西餐廳 Flames（鴻圖道) 📍觀塘鴻圖道51號Two Sky Parc地下1號舖

今日喺附近工作，工作之後，去咗朋友介紹嘅工廠大廈試食台灣菜，以下係我食咗之後嘅感想，同大家分享一下。 紅燒牛肉麵 湯底非常之濃郁好味道，有少少胡椒味，牛展係厚切，厚切又夠淋又入味，好口感，仲有一啲配菜，真材實料，十分欣賞 牛三寶麵 牛筋牛腱牛肋條，牛筋炆得非常之淋，又腍口，入口即溶，滿滿嘅骨膠原，太好味，大滿足。 宜蘭花技丸 外脆內軟，又彈牙，裏面仲有真墨魚碎，真材實料，好新鮮再加埋佢嘅秘製鹽，鹹鹹甜甜咁，另一個味道。 蚵仔煎 蠔仔好肥美，脹卜卜，再加埋佢嗰個特別嘅醬汁，甜甜地，配搭得非常好，加埋雞蛋去煎，十分之有營養，味道豐富，有層次感，而且有口感有少少黏口嘅感覺。 熱荔枝紅茶 好香的荔技味，少少甜 桂圓薑母茶 好濃郁嘅薑味，好啱冬天飲，滋潤，又暖身 環境：整潔，衛生乾淨 服務 :有禮貌，細心體貼，我好滿意 交通：附近有地鐵站，樓下可以搭車上落都方便。 🍱餐廳: 日月堂(觀塘) 🏫地址: 觀塘興業街14號永興工業大廈4樓C2室

星期六走到觀塘睇建材，黎到呢間台式小店食下午茶。入面坐滿，門口已經排左幾個人，但相反，隔離食店就只有小貓一兩隻。 點了幾款食物和飲品，每樣賣相都好吸引，小食細細份，點多幾款黎試～ 珍珠奶茶 大大杯，叫了少甜少冰，味道夠濃，珍珠煙韌有咬口。 芋頭鮮奶 入面啲芋頭質地好幼滑細緻，同牛奶可以講係絕配。 蜜汁紫菜排骨飯 排骨炸得好香口，淋上了香甜蜜汁，加埋紫菜、椰菜、酸菜、香葱等，超級好送飯！ 拉絲芝士火腿蛋餅 一向都鍾意食蛋餅，呢個仲有滿滿的芝士拉絲，大愛呀～ 我不是章魚燒 口感較結實，唔會散修修，食到粒粒彈牙章魚。 炸鮮奶、芋泥二文字 因為比三文治薄一層，所以叫二文治。用餅乾夾著芋泥黎食原來真係幾好食！炸鮮奶十分香脆，食落有甜甜地有奶香。 呢間台式小店食物選擇豐富，價錢實惠大眾化，埋單原來下午茶只要follow佢地IG仲有9折，件事即時更抵～唔怪得之星期六都咁多人黎食，果然有原因。 壹.01 (觀塘) 觀塘駿業街56號中海日升中心2樓D號舖 #觀塘#toast #foodie #delicious #instafood #foodphoto #sunny#foodlover#instadaily #foodporn #photooftheday #like4like #tagforlike #holiday#drink#like4likes #bubblemilktea#珍珠奶茶#holiday #好き #フード #점심 #snack#赞 #식품 #아침식사#lightmeal#teatime#milktea#sweet

我最近到訪一間位於觀塘和洋餐廳，名為「壹.01」，餐廳除了提供多款特式台灣料理！主要賣蛋餅、特式小食、便當同台式特飲。 我們惠顧了以下菜式： 202蜜汁紫菜排骨飯 $62 排骨外酥內嫩，蜜汁醬汁甜而不膩，與紫菜的鮮香相得益彰。飯粒軟滑，吸收了肉汁的精華。 101芒果魯肉飯 $60 醬香四溢的魯肉搭配新鮮的芒果，形成了意想不到的絕妙組合。芒果的清甜平衡了肉類的油膩。 松露 - 我不是章魚燒 $26 花枝丸外皮酥脆，松露香氣讓人欲罷不能，配搭新穎。 花雕雞翼3隻 $30 花雕雞翼的味道濃郁，醃製得當，雞肉軟嫩多汁。花雕酒的香氣和微微的酒味提升了整體風味。 台北夜市小食拼盤（台灣腸、鹽酥雞及花枝丸） $45 鹽酥雞外酥內嫩，台灣腸的香氣四溢，花枝丸的口感彈牙。 金手作草莓大福 $18 粉紅色的草莓與白色的麻糬形成鮮明對比。咬下去時，清新的草莓汁與柔軟的麻糬交融，甜而不膩。 脆炸鮮奶卷拼古早芋泥拼三文治 $48 脆炸鮮奶卷外酥內滑，古早芋泥的香甜與三文治的清新形成完美對比。 📍壹.01 (觀塘)：觀塘駿業街56號中海日升中心2樓D號舖 #壹01 #觀塘美食 #台灣菜 #台式料理 #小店 #魯肉飯 #hkfoodie #香港餐廳推介 #聖誕好去處2024

呢餐潮州菜，夠晒地道風味！由頭盤到主食，樣樣都做得出色，最緊要係夠新鮮😍 首先金絲煎蠔餅，煎得金黃香脆，蠔仔又夠大隻，咬落去口感豐富，外脆內軟，蠔夠鮮味，完全唔會腥，調味又啱啱好🫰🏻 香茅乾煎大虎蝦有驚喜😋兩隻大虎蝦，個size真係好霸氣！蝦肉鮮甜爽口，乾煎嘅方法保留晒蝦嘅原汁原味，加上香茅嘅獨特香氣，好味🤤 之後潮式炸蟹棗，份量夠多。炸得金黃酥脆，滿滿蟹肉。韭菜鵝紅煲好惹味。 蠔仔粥熱辣辣，蠔仔鮮甜肥美，粥底綿滑，味道鮮美。

觀塘呢間主打台灣料理嘅餐廳最近又有新產品，價錢親民款式選擇多 ✅邪惡蛋之戀（芋泥肉鬆脆皮蛋餅） 如其名實在非常邪惡，芋泥份量係勁多，連埋肉鬆口感豐富滿足 ✅薑蔥排骨飯 排骨勁大塊，非常抵食，細食嘅話建議叫小飯，因為真係好多 ✅蘇子青瓜手撕雞 手撕雞好嫩滑，之前試過記得好好食，叫咗細細份食🤤 ✅花雕雞翼 平時嘅花雕雞翼多數凍食，佢地呢款係炸雞翼，同想像有唔同，花雕味濃 ✅芝士奶蓋全手作芋頭鮮奶 芋頭蓉每日新鮮製作，芋泥味好綿密，芝士奶蓋口味相當邪惡 ✅雙檸冬瓜茶 茉莉花茶做茶底，冬瓜茶用冬瓜磚炒，檸檬茶嘅香味加埋冬瓜茶非常夾 #香港美食 #台灣美食 #foodphotography #美食指南 #報名8月酒店試睡員 #南山酒店

觀塘BBQ Grilled and Baked係一間以平價西餐聞名既餐廳，每到午飯時間，都吸引唔少打工仔過黎食飯。 BBQ皇牌燒雞（$50）：這道燒雞帶有濃郁的香草味，肉質嫩滑多汁，配有燒烤醬和脆薯皇。雖然只有半隻，但份量十足。 冬陰公海鮮野菌意粉（$55）：估唔到冬陰公同意粉咁搭配，再加埋海鮮味道十分豐富。 每款套餐都係50-60蚊，仲附有蒜蓉包、餐湯和餐飲，絕對是抵食之選。如果大家平時有黎開觀塘，都推介黎試下。 ___________________________ 平時用trip coins可以係trip.com換景點門票，再加上有時候trip.com會有活動，有啲門票會有優惠，真係好抵架。 #美食指南 #foodphotography #西餐 #美食之旅 #觀塘美食 #每月27日會員日免費換貴賓室

季稻 (觀塘) 觀塘宜安街17號地舖 觀塘泰國菜🩷，小店食物質素好高，服務都好親切，性價比都好抵食 炸春卷 炸的外皮好酥脆，入口口感好好，入面既蝦都好彈牙，仲有酸辣醬可以沾黎食 生菜豬肉沙律 平時食泰菜必食既菜式之一，生菜豬肉包，豬肉勁惹味，用生菜包住食，勁滿足，肉汁勁juicy，生菜都好清爽 蝦醬肉碎炒飯 炒飯係偏濕潤，份量都好多下，入面配菜都幾多，口感豐富 泰式炒通菜 甜甜小辣咁，好好食 青檸梳打 熱辣辣飲杯青檸梳打，即刻降哂溫 泰式咖啡☕️ #美食指南 #美食之旅

. [觀塘美食推介🍽 ] Moo Moo 🍔 冬甩仔係Burger 愛好者🍔🤣中意周圍搜索邊度有好食既Burger 😋呢間人氣頗高既Burger 店係位於愛琴坊 有分店外同內，仲可以食food court內食👍🏼 除咗burger🍔外仲有熱狗🌭大家都可以黎試試👍🏼 #冬甩仔女_觀塘 #冬甩仔女_Burger 🍩冬甩仔👦🏻🍩食評👅 👦🏻熱帶之堡(8.5/10) $67 Burger 厚厚的🍔有主角手打牛肉漢堡🐮食落香口、重牛味🤤好juicy😍仲有菠蘿🍍蕃茄🍅煙肉🥓生菜🥬 口感十分豐富🥰配埋千島醬識落酸酸甜甜好開胃🤤食到爆汁😂仲有個包係自家製牛油麵包🥯好香口、軟熟 👦🏻柚子沙冰🍋🍧🥤(8/10) $35 熱辣辣嘆反飲杯沙冰🍧正🤣不過略甜左少少 🍩冬甩女👧🏻🍩食評👅 👧🏻脆脆雞堡(8.5/10) $65 店舖推介蜜糖芥末醬配配塊厚厚鬆脆炸雞😯食落卜卜聲 🍩冬甩仔女👦🏻👧🏻🍩食評👅 👦🏻👧🏻避風塘雞翼(8.5/10) $32 雞翼炸得外脆內嫩🤤食落好香口🥰佈滿避風塘風味 咸度適中 食到舔舔脷👻 🍩冬甩小資訊🍩 1️⃣收加一服務❌ 💲抵食:8.5/10 👅好味:8.5/10 🍩推薦:8.5/10 📍MOO MOO (觀塘) 觀塘巧明街94-96號鴻圖中心地下1A號舖 🕛1130-2200(Mon-Sat) 🕛1200-2200(Sun) #hkig #hkfood #hkfoodie #hkblogger #foodiehk #852food #fastfood #美食 #香港美食 #美食日記 #美食推薦 #美食分享 #食好西 #相機食先 #觀塘美食 #觀塘好去處 #觀塘餐廳 #牛頭角美食 #牛頭角好去處 #牛頭角餐廳 #炸雞漢堡 #牛肉漢堡 #沙冰 #冬甩仔女_美食 #冬甩仔女_推薦 #Moomooburger

𓇾 𓇾 𓇾 觀塘區內有一家口碑不錯的西餐廳 Le Monde，一直在口袋名單裏，最近終於有機會到訪。貴族藍配金色的歐式裝修，低調典雅。 𓆪 Grilled USA Prime Sirloin Steak $368 西冷牛扒是28日自家乾式熟成，肉質比較有彈性。我們點七成熟，肉汁鎖在牛扒內，加上紅酒燒汁帶出牛肉的鮮，每口都是滋味。 𓆪 Tiger Prawn Risotto $158 龍蝦汁意大利飯十分惹味，加上爽甜彈牙的大虎蝦，鮮味非常。 𓆪 Le Monte Rainbow $78 這裏其中一杯招牌Cocktail。Gin酒混合紅莓汁和橙汁，再澆上Blue Curacao，所以一杯有齊藍綠橙紅漸層，如彩虹色般搶眼。 𓆪 Flamingo $68 紅莓汁作底加入橙汁和薑汁汽水，顏色有如日落黃昏的漸層，漂亮又酸甜開胃，推薦給不嗜酒的朋友。 總括而言，食物是有質素的，而且座位寬敞，店內氛圍浪漫有情調，不失為約會餐廳的好選擇。 𓇾 𓇾 𓇾 📍觀塘巧明街94-96號鴻圖中心9樓A室 #美食指南 #foodphotography #觀塘美食

想滿足我個貪心嘅胃🤩決定去吃放題嘆飽飽！這次二訪觀塘極尚大瀛喜日本料理💗喜歡這裏環境舒適，空間感大，食物選擇豐富！ 大部分都係QR Code 落單，落單後上菜超快！刺身丶壽司丶串燒丶炸物丶一品料理⋯🫶🏻樣樣有，仲有haagen dazs雪糕任吃呢。 平日晚市放題首輪入坐（1700-1900）只需$258/位咋😝超抵！食太多，不能盡錄～我就特別推介下面這些喔～ 🟠 金磚慢煮紅酒鵝肝 以金色錫紙包著的凍鵝肝片💗入口即溶😋質地像慕絲般細滑，味道甘香～吃完即encore! 🟠刺身 有松葉蟹腳丶帶子丶三文魚丶北寄貝丶赤蝦丶赤貝丶甜蝦等等，旺角和觀塘店還有金槍魚腩任食💗厚切肥美！ 🟠燒乳鴿 熱辣辣剛燒好，皮香肉嫩，正！ 🟠金枕頭榴槤燒 榴槤控超開心啦！原件燒金枕頭☺️任吃～燒過後榴槤更香濃，入口綿滑。 🟠川燒珍寶鮮蠔燒 燒蠔都算大隻，蒜香味濃，十分惹味。 🟠法式香草燒羊架 屋企人心水💗每次必點～燒得靚，肉汁豐富。 🟠鹽燒牛舌 熱辣辣彈牙爽滑，燒得烚烚好。 🟠香草牛油煮蜆 來到已經聞到牛油香😋大蜆入口鮮味，又是encore之選。 🟠北海道牛乳燕窩燉蛋白 一碗挺大的！奶味香濃，質感濃郁細滑。 📍 極尚大瀛喜日本料理 地址：觀塘觀塘道414號1亞太中心5樓 ##美食指南 ##香港美食

🩵觀塘·Simp.lane🩵 愛貓人士嘅隱世聚腳點 有小店嘅三隻貓貓 作為動物有善餐廳🍴🐶🐱 仲可以帶埋自己隻貓主子嚟玩 ⁡ 店員有禮貌又友好 餐廳地方舒適😉 餐飲選擇多 意粉/飯/多國菜/糕點/小食 仲有提供低糖低碳生酮餐 而且價錢相宜😌 ⁡ 🌈低糖低碳生酮慢煮牛尾配椰菜花飯 慢煮牛尾表面均勻地裹着醬汁 牛尾慢火煮到好入味 散發住濃郁牛肉香味 口感軟硬剛剛好😋 生酮餐以椰菜花代替米飯 低碳低糖 味道清淡又健康啲👍🏻👍🏻🥰 ⁡ 🌈黑松露白汁雞肉意粉 估唔到整得咁好食😌 黑松露汁調教得剛剛好 濃郁豐富 加上奶油+芝士 口感更滑順 意粉口感滑嫩 嗦晒啲醬汁啖啖香😚😚😚 ⁡ 🌈香芒百香果牛乳刨冰 刨冰呈現出細膩白色冰屑 上面鋪咗香甜嘅芒果+百香果果醬 😋😋 芒果+百香果散發出濃郁果香味 酸甜清爽 上層有cream則是帶着淡淡奶香味 仲有配搭小丸子 煙煙韌韌又軟糯 中間仲夾雜咗消化餅乾碎幾有咬口 底層仲放咗粒粒椰果 非常足料🥰🥰 如果覺得唔夠甜仲可以再加煉奶 好貼心😉 ⁡ 🌈朱古力特飲 特飲散發出濃郁的巧克力香氣 上面灑咗巧克力粉 增添美感 加上牛奶滑順口感 味道非常豐富😊😛 ⁡ 🌈意式雪糕咖啡 與其說飲品 倒不如話係甜品更為適合🤪 將意式濃縮咖啡 澆於香草味嘅雪糕球上 Esspreso微苦含酸 Gelato綿密甘甜 一冷一熱非常過癮又充滿意式風情🤩🤩 ⁡ ☆~*~★~*~☆~*~★~*~ ☆~*~★~*~☆ #觀塘美食 #香港美食 搵食地點🥢： @simplanehk 📍Simp.lane (觀塘) 觀塘駿業里6號富利工業大廈11樓C號舖 ⁡ #美食推介 #hkfoodie #foodlife #香港好去處 #香港生活 #地道美食 #美食日記 #美食攝影 #西式料理 #生酮飲食 #生酮 #生酮香港 #低碳飲食 #低糖 #多國菜 #貓cafe #觀塘工廈 #foodphotography

#窩夫與蝦子餅 日前提早慶祝白色情人節，有藉口找一間有情調的 #西餐廳 吃晚飯。 光顧了觀塘 #裕民坊 的INN - I’m Not Nothing。 點了一個晚市二人套餐($638)。 前菜有兩款選擇，各點了一客，趁熱先吃 #牛油香煎蟹餅辣根蛋黃醬 ，咬開蟹餅可見絲絲蟹肉，伴碟的沙律菜很新鮮，酸酸的沙律汁十分開胃。 另一款前菜 #凱撒沙律配慢煮雞胸 亦很有水準，慢煮雞胸有六大片之多，肉質嫩滑，以鹽和黑椒調味，連平日不吃雞胸的蝦子餅也表示欣賞。 餐湯方面，二人都點了 #法式蟹肉龍蝦湯 ，香濃美味，濃稠度控制得剛剛好。 主菜一是 #香煎虎蝦扁意粉 ，顏色賣相很美，虎蝦爽口彈牙，醬汁充滿蒜香，不會太鹹。 主菜二是 #燒安格斯西冷牛扒8安士配阿根廷香草汁 ，安格斯西冷牛扒做到五成熟，牛肉味濃郁，油脂不多。 不要餐飲的話，可選一款 #法式班戟 ，有四種口味選擇，窩夫與蝦子餅點了 #香蕉榛子朱古力忌廉班戟 (原價$78)，班戟皮煎得夠薄身，帶點香脆。 #INN - I’m Not Nothing 地址： #觀塘 協和街33號裕民坊YM² 2樓205號舖 #窩夫與蝦子餅食在觀塘 #窩夫與蝦子餅食西餐 #觀塘美食 #香港美食 #香港探店 #wifeandhusband #blog #blogger #hkblogger #hkig #foodie #hkfoodie #hkfood #hkfoodblog #hkfoodblogger #kwuntong #imnotnothing #食在觀塘

呢間西餐 夜晚超旺場 想食一定要記得訂座 食左幾次都唔會厭🤭 🔸香燒粟米巴馬火腿蔬菜沙律 $128 呢個沙律有埋燒玉米，真係好正，粟米燒完之好香甜多汁，仲帶點焦香味。沙律菜好新鮮爽脆，加埋巴馬火腿口感更具層次。 🔸蟹肉巴馬臣芝士蕃茄忌廉汁通粉 $158 份量都幾多，長通粉口感好彈牙，每一條都掛哂汁。蟹肉嘅份量都好多，每一啖都食到，味道好鮮甜，配埋巴馬臣芝士蕃茄忌廉汁瑋齊食好夾。 🔸意式辣肉腸薄餅 $158 Pizza皮烘得好香脆，邊邊位係厚厚嘅酥脆皮，Pizza底就好軟腍。主要配料有辣肉腸、俄勒岡葉、蕃茄同埋馬蘇里拉芝士，焗完後芝士融化喺Pizza到，食落好惹味。 #CABLfoodreview_kt 📍Flames 觀塘鴻圖道51號Two Sky Parc地下1號舖 #hkfoodpic #foodstagram #foodiegram #hkfoodie #foodie #foodiepic #ktfood #kt #foodphoto #foodshare #foodiehk #flames #852food #吃貨人生 #食評分享 #餐廳 #食評 #觀塘美食 #美食日記 #相機食先 #觀塘食乜好 #香港景點