瑞士人氣必食軍火庫餐廳

🍽️ Zeughauskeller 📍 Bahnhofstrasse 28A, 8001 Zürich, Switzerland - 終於終於嚟到瑞士啦！今次嚟到蘇黎世食一間遊客必食嘅軍火庫餐廳❤️❤️裝修真係好有特色啊，有好多唔同類型嘅武器，例如槍、矛、盔甲等等，好似返咗中世紀咁呀 💫47 Kalbsgeschnetzelte(CHF36.5) 白葡萄酒加奶油醬原來咁好味㗎 ！而且牛肉同蘑菇嘅份量都好多🤩🤩🤩雖然個牛肉煮得有少少老，但係依然好好味🤭🤭🤭我哋仲揀咗個瑞士當地嘅特色side dish~~Rösti😍😍佢係用有口感嘅原條薯仔絲整成嘅薯餅，外脆內軟！同呢個燉牛肉非常非常夾呀！食晒成個都唔會覺得膩🤩🤩 💫 42 Whole pork shank（CHF33) 豬腳仔（定係豬手呢？其實我唔識分🤣）表面香脆，而且有香濃嘅肉汁，但完全唔會死鹹👍🏻👍🏻👍🏻入邊非常之嫩滑！而佢隔離嘅伴碟薯仔，酸得來好開胃，成味菜非常吸引！忍唔住食完一啖又一啖😍😍😍 💫Rivella Red(CHF5) 員工介紹呢一隻飲品係瑞士嘅國民可口可樂！佢咁大力推薦，冇理由唔試吓㗎🤣🤣🤣飲落冇可樂咁甜，有淡淡嘅酸味，感覺好似係Apple cider咁😍😍黎瑞士嘅朋友一定要試吓啊！ 💫House beer 員工介紹呢個係當地新鮮釀製嘅啤酒，老公（冇錯呀，早排已經變咗做老公啦🤭🤭）話好香小麥味，容易入口，有德國啤酒嘅感覺👍🏻👍🏻👍🏻 - 🌟餐廳嘅裝飾滿分呀！而且方便唔識睇當地語言嘅遊客，除咗有英文Menu之外，仲會有數字方便遊客選擇👍🏻👍🏻 🌟另外要大贊員工非常友善！而且風趣幽默😍😍不過由於餐廳太受歡迎，所以用餐嘅時間比較急 推薦指數：4/5 抵食指數：4/5 值得去指數：5/5 #foodloverin852 #852 #foodie #hongkong #zurich #蘇黎世#瑞士 #瑞士美食 #瑞士必食 #瑞士餐廳 #瑞士好去處 #軍火庫餐廳