🎨 【 顏色心理學 x 扎染工作坊】 🎨

「素某so'N」唔止係一間素食館，亦係一個身心靈放鬆嘅地方～ 室內嘅環境氛圍已經俾人一種好平靜嘅感覺，更設有6個心靈療癒工作坊，旨在幫助都市人探索自我、釋放情緒、提升溝通技巧～ 我都係一個唔懂得去釋放負能量嘅人。。 所以呢日參加咗佢哋嘅<色彩療癒 —扎染工作坊> ，試吓用顏色去了解自己，從而學習如何平靜内在。 一開始會做meditation - 導師首先會帶領去我地冥想，感受能量釋放前後顏色嘅改變、了解屬於自己嘅顏色。過程中除咗可以從顏色去了解自己，我亦覺得心境好平靜。。 然後就開始紮染，然後導師就會從每位參加者嘅製成品去解讀 i.e.紅色就等於炎症，可以喺身心方面，例如壓力。 原來扎染嘅顏色都可以反映出個人內在抑壓嘅係乜嘢，甚至可以知道身體邊部份有問題。 每人會做兩件製成品我嘅第一件製成品用上比較鮮艷嘅顏色，但其實我好唔鍾意。就等於好多時要迎合大家或者要表現出比較開心嘅一面。都第二份作品我終於用返自己鍾意嘅深沉顏色，我個人即刻覺得舒服好多。呢樣我諗自己會解讀為，平時我應該注重多啲自己嘅感受。 工作坊會包一款飲品，佢哋嘅飲品都好特別，亦都好符合主題： ***嫩芽***（幽雅花香） ***展開***（清爽果香） ***揚眉***（煙燻木香） ***安逸***（回甘香厚） 口味從嫩芽由淡漸濃，就好似細味人生咁。 我自己就好鍾意安逸茶系中嘅《 六堡黑茶 - 檳榔、薄荷、水沈 》，係一杯latte，但佢茶味甘香醇厚，飲落好舒服，有驚喜～ 另外仲試咗佢哋創新嘅甜品，例如《 夏：青瓜湯圓 $78 》～ 青瓜湯圓口感好似珍珠咁煙煙韌韌，有啖啖清新嘅青瓜味，好特別～ 仲有《 椰香琥珀雪燕 $88 》 用上椰子、紅棗、桃膠 及雪燕，冬天滋潤養生之選～ <色彩療癒 —扎染工作坊> 會員價$342；非會員價$380 *包一杯飲品* 有興趣嘅可以了解吓 @so.n_lifestyle 📍素某so'N #素某 #工作坊 #扎染 #扎染工作坊 香港灣仔謝斐道272號杜智臺地下9-10號)