《港版龍珠卷》

最近忙著裝修，連旅行都去唔到，唯有食餐好啲慰勞自己。黎到灣仔的彩羽壽司家，彌補返上次東京的遺憾，食個港版龍珠卷和刨冰。二人點了$880的樁。 套餐有前菜兩款：黑梅貝和高糖番茄，兩者都好新鮮。 然後係日式蒸蛋。有大大粒蜆肉，食落有柚子香，多了份清新。 刺身四4款 真鯛鮮中帶爽，上面有話梅肉，食落酸酸地。 大分縣真蠔配酸汁，鮮甜爽滑而裙邊帶脆。 煙燻火炙鰹魚，師傅會用噴槍噴啲煙韌波波出黎，為了增加戲劇效果，師傅專登噴多幾次給我們錄影。魚肉帶煙燻香，鰹魚夠新鮮。 秋刀魚卷，是當造之物，夾上紫蘇葉、醃蘿蔔，不單肥美，而且帶點小清新。 接著和牛壽喜燒和串燒5串緊隨而上。 串燒有豬腩肉、雞翼、大虎蝦、秋葵、冬菇，還有車厘茄作伴碟。腩肉肥美甘香、雞翼肥美帶脆，虎肉爽口彈牙。 壽喜燒汁唔會死甜，加上和牛入口即溶，配埋其他蔬菜、粉絲等，熱辣辣又暖胃。食完一輪刺身，來點熱食，肚皮更舒服。 壽司環節 升級了鮟鱇魚乾泡芙，泡芙甜甜地夾上肥美creamy的魚肝醬，又咸又甜但出奇地好味！ 火炙大拖羅，食落帶焦香，油脂滿溢。 貝柱卷，細細粒貝柱，食落好有口感。 海膽卷，鮮甜肥美。 來到此行重點就係加錢的彩羽太卷。上次在東京食唔到，今次專登黎呢度食佢彌補返。 師傅將醬油漬蛋黃、青瓜、拖羅、赤身及海膽小心翼翼逐一鋪齊好，配搭鮮艷奪目！大大件真係要一啖食，先最滿足，真係好好味！！！！肥美、豐腴、滑溜、鮮甜，各種口感在口腔內徘徊，令人享受其中。 然後迎來熱辣辣的魚湯，飲得出有點山椒粉，所以鮮甜之中帶點微麻。 雪花刨冰 揀了紅酒提子和皺紋蜜瓜2款味，師傅即席刨冰，見到都開心！軟滑綿密的冰，有酒香有提子香有蜜瓜香，冰凍的香甜為今晚作結。😋 #hkfood #cheers#winelover#steak#sashimi#japan#seafood#tuna#hk #japanese#hongkong #oishii香港 #手機食先 #sushi#吃貨 #wanchai#灣仔美食#cheers#香港美食 #oyster#omakase#buffet#dessert#dinner