灣仔素食人情味小店😍

#每月27日會員日免費換貴賓室 #香港好去處 #香港美食 #美食推介 #週末好去處 #美食指南 #素食餐廳推介 #灣仔美食 #灣仔好去處 作為食肉獸，其實我一啲都唔抗拒食素，不過啲素食一定要呃到我條脷先得🤣今次想推介既素食餐廳位於灣仔既藍屋地下，而佢地主打中式素食。 餐廳門口有幾級樓梯，店內環境乾淨企理，座位都幾舒適闊落；唯一有啲美中不足既，可能就係店內既照明設備主要係射燈，所以會令店內氣溫稍為高少少，不過都唔太影響用餐體驗，而且店員都非常熱情有禮，各款餐點既價錢都合理😉 所有既主食加十蚊可以配飯/麵，而且仲有湯水附送。今次送既湯水飲落好似係雪梨合掌瓜湯，味道濃郁，帶點雪梨既清甜🤩 主食方面我地就試左清湯蘿蔔羊腩麵同椒鹽炸雞脾飯。前者既湯底有啲麻油味，蘿蔔非常清甜而且好稔，麵既口感有啲似粗版既上海麵，羊腩望落雖然唔係好似，但食落味道像真度高，簡直可以以假亂真。而椒鹽雞脾外皮金黃酥脆，表面灑左椒鹽作調味，十分香口惹味，咬落口感外脆內軟，真係值得一試。 天時暑熱，我地嗌左一支冰凍既竹蔗茅根水同招牌酸梅湯，兩款野飲都係自家製，味道都不比平時酒樓果啲差🤪 甜品方面，我地試左佢既麗姐三色糕同皇牌桂花薯蕷。前者食落好足料，味道唔太甜😋後者係用准山整成蓉再加上桂花蜜調味，食落唔太甜，冰冰涼涼咁，有啲似薯蓉，而且准山健脾開胃，真係非常養生，食完都唔會有罪惡感🤣 📍蓮子麗姐素食 灣仔石水渠街74號地舖 註冊成為trip.com會員，消費滿8張訂單就可以升級為鑽石級會員，預訂機票及酒店可獲取額外40%Trip Coins，預訂酒店可享高達8折，每年仲可以免費使用機場貴賓休息室2次。每次消費啲trip coins仲可以當錢洗，真係好抵架😍