大喜屋有榴槤放題😍咁正

最近先知大喜屋有榴槤放題😍咁正，梗係要帶媽咪出動！其實平日嚟講真係好抵食，平時返工食個lunch都一、二百蚊，呢度平日價都係約$300，有時間真係可以慢慢嘆！ 銅鑼灣分店地方都大，自助區冷熱食品、飲品、甜品都有，喺座位order完，喺出邊攞一轉，等候時間都慳返。呢度必叫我地最愛嘅刺身，甜蝦、大赤蝦、馬刀貝、油甘魚、三文魚、帶子、拖羅任點任食，至愛大赤蝦，入口鮮甜啖啖肉。馬刀貝爽口又清甜。熟食嘅花膠大大件，口感超軟滑。另外特別一提有得食燒乳鴿添，上到枱仲熱辣辣，有鹹香架！ 重頭戲燒榴槤，由新鮮原件榴槤燒成，燒到外熱內冷，有微微焦糖香，滑到好似食緊雪糕，啖啖肉甜絲絲，榴槤控真係要encore。 極尚大喜屋 (銅鑼灣廣場一期) 銅鑼灣軒尼詩道489號銅鑼灣廣場一期9樓 人均消費$300