王子牛腩牛雜粉麵專家📍尖沙咀

呢日同姑姐去左尖沙咀食飯～ 行過見到幾光猛都幾多人就入去試下 我叫左碗崩沙牛腩河$65 崩沙腩厚身兼份量十足🤩 牛味濃炆得幾腍 河粉幼身滑捋捋 加埋靈魂辣椒油👍絕 牛三寶河$65 有牛腩、牛筋、牛肚 最啱選擇困難既寶寶們 牛筋口感軟糯好黏口～滿滿骨膠原 牛肚都唔錯幾腍 飲品： 梗係要試絲襪奶茶啦～ 茶香奶滑～確係唔錯，奶茶迷唔好錯過 姑姐話飲鹹檸七至係爽 汽水搭配咩食物都夾，加埋鹹檸滋潤下喉嚨 小食： 🐷王炸豬扒（大）$40 呢個真心驚喜，炸完一d都唔乾，仲keep到肉汁，味道都唔錯，食到要叫多份番去第日做餸。 炸雲吞$38 呢款係粉麵鋪比較少見，雲吞一夾就知有幾脆，好香口餡亦十分飽滿，蘸埋醬汁好正。 蠔油菜心$24 綠油油既菜心，都幾嫰無渣。 枱面見到有活動，like fb page就有迷你辣椒油送，鍾意食辣既大家唔好錯過啦！店員都非常有禮貌，會再幫襯。