與閨蜜品嚐啖啖蟹肉滋味🦀

約咗同樣忙到排滿日程表嘅閨蜜見面～當然要食好料❤️既然約咗喺尖沙咀行街街～就順道入美麗華商場用餐啦～大家不約而同想食海鮮🦀🦐見到呢間連平日都幾乎滿座嘅餐館係主打蟹料理～就馬上入座啦👯♀️被安排咗入座卡位～坐得好舒服可以邊食邊傾近況呢🤗🤗 . ✨避風塘肉蟹 $788 可自選辣度～我哋揀咗小辣🌶️肉蟹大大隻非常吸睛🤩🤩被滿滿香口炸蒜、辣椒乾、大葱圍繞住～令惹味指數大大提升！！店員仲好細心幫忙拆掉堅硬蟹殼～使我哋毫不費力就品嚐到啖啖肉嘅蟹鉗✌🏻✌🏻蟹肉極肥厚鮮味🦀尤其蟹蓋內嘅蟹膏特別滋味出眾！ . ✨喜記椒鹽富貴蝦 $488 望到巨大版嘅富貴蝦實在令人嘩一聲❗❗一啖咬落去～紮實鮮甜嘅蝦肉+甘甜濃厚嘅蝦膏～加上椒鹽香口製法～使人驚豔👏🏻👏🏻 . ✨豉椒炒蜆 $108 蜆肉肥美又飽滿～一啲沙都無👍🏻炒得夠鑊氣之餘～配上惹味嘅豉椒汁料～令人一隻接一隻放入口😋😋 . ✨金銀蛋浸時蔬 $98 鮮嫰翠綠嘅時令菠菜食落無渣😚配襯埋肉碎、金銀蛋等配料&上湯～十分好味道🫶🏻🫶🏻 . ✨招牌蟹油炒麵 $88 炒得油而不膩🤝🏻的確係好考功架！麵條夠乾身卻吸收均勻醬油及蟹油！值得一試🥰 . ✨茶芥 $10@位 ✨花生小食 $15@碟 ✨加一服務費 . 🌟喜記蟹將軍🌟 尖沙咀彌敦道118-130號美麗華商場2 期2樓268-270號舖 . #11月好去處2024 #美食指南