排隊食蝴蝶麵包圈

有返咁上下年紀先知Auntie Anne's係重臨香港😂，新店開業竟然要排隊先有得食。新鮮出爐麵包圈有多款口味，其中原味(Original)及肉桂糖(Cinnamon Sugar)走牛油就係純素(Vegan)友善，其餘大部分都適合蛋奶素食。 這天平日中午十二點左右來到，店剛開門不久，人龍未係好長，大概等15分鐘就買到。 這個Pretzels我由細食到大，轍出香港之後只能去澳門、台灣、泰國和韓國食，現在終於可以再在香港吃到。Menu跟以前有點不同，我食開的口味都健在啦，亦加了一些新項目。 可以在玻璃窗望到店員焗Pretzels，單都算去得快，即叫即焗新鮮熱辣。 Sour Cream & Onion HK$28 Pretzels其實鹹甜都好食，我就最鍾意呢個酸忌廉洋蔥，急不及待到咬左兩啖先記得影相。熱辣辣香噴噴好正㗎，酸忌廉粉都落得好重手，我覺得好似鹹過以前好多。 Almond HK$28 想食甜口味又唔想太甜，我首選呢個杏仁味，上面黐滿杏仁粒粒，少少甜唔會太超過，配咖啡都唔錯㗎。 #foodphotography#美食指南#trip#美食之旅#like