維港海景下的八十里

相約朋友交收點東西，倒不如一齊食餐飯，反正已有好幾個月沒見面。 禮貌上問問對方想吃什麼，得到的回覆是中菜，地點由我選擇。筆者第一時間想起了八十里。 這裡是映水芙蓉的舊址，無敵維港景是最大賣點。當年的映水芙蓉食物水準其實唔差，希望八十里可以保持到，甚至超越佢。 先來些喝的，朋友的Cocktail會帶出冒煙效果，我要左杯菠蘿折骨木花茶取代酒精，畢竟我一向不是酒人。 對方來之前做了功課，指明想吃龍蝦湯泡飯。可選波龍，或者西澳/南澳龍蝦來製作，食懷好嘢既朋友當然看上質素最佳的西澳龍蝦。 一斤重的西澳龍蝦，幾多肉的，而且師傅控制的火侯到位，肉質嫩口了彈牙，白米飯加上脆米的雙重口感亦從來討好，只是個龍蝦湯，個人覺得可以濃郁一點。出品唔係差既，不過以前的農壐，依家既32 公館都比佢更為出色。 另外點了隻茶燻鴿，餐牌的照片是木盒內有一堆稻草盛起的乳鴿，某程度是為打卡才點的。現實是以一玻璃瓶蓋著碟子的送上。雖然都有煙韌的視覺效果，吃起來鴿肉嫩滑，茶燻味濃，但理想與現實往往就是一張相片之間的差距。 小籠包雖然收口位大左啲，但味道正常，湯汁充盈，交到功課。 吃至此時，我已飽左九成，所以只點一份甜品分享。楊枝甘露是新派玩法，加入了奶凍，賣相精緻，但味道認真麻麻，最弊係唔夠凍，結果吃剩了。 餐廳資料: 八十里 尖沙咀廣東道3-27號海港城海運大廈2樓OTE201號舖 #foodphotography#美食指南