【日本東京】潛水愛好者必到超壯觀鯊魚風暴

同每個人講我去日本潛水，大家都唔會估到我係去東京🤣今日就同大家分享東京超特別嘅潛水體驗。 千葉館山離東京市區大約需要2小時車程，今次特登為咗睇鯊魚風暴而去，幸運嘅話未落到最底已經可以見到鯊魚。落到去更加係嘆為觀止，可以近距離見到超過100條鯊魚，唔驚嘅話仲可以摸同抱佢哋🥹潛過咁多次水都未見過鯊魚，莫講話過百條鯊魚，真係好震撼，強烈建議大家要嚟親眼感受吓🦈 🤿潛店 潛店方面我揀咗香港人開嘅「沖潛」，員工都識講廣東話或者普通話，溝通絕對冇問題。我哋嘅潛導小明有趣幽默，亦都有豐富嘅潛水知識，仲會喺水底幫我哋影靚相， 🚃交通 我今次係東京駅八重洲南口搭高速巴士去館山站，一個鐘頭一班車，每班車都會有一個位係特價車票 (discount seat)，會比一般車票平¥250円，先到先得，所以建議去日本之前先到kousokubus官網買車票。 高速巴士每日一個鍾一班車，確認好時間後同潛店講，佢哋就會安排員工到館山站接你到住宿嘅地方，真係好方便！ ⚠️鯊魚堡水流較急，需要進階潛水牌(AOW)先可以參加，如果你已經有開放潛水牌，佢哋都有提供PADI AOW課程，可以順便考埋再去鯊魚堡 #8月好去處2024