大久野島同兔仔瘋狂玩遊戲

大久野島統稱為兔仔島 因為個到有大約700隻兔仔通街走 以前大久野島係大戰時期係實驗毒氣嘅島黎 所以有人話島上面嘅兔仔係個時實驗遺留落黎嘅殘種 但咁聽落好似好恐怖咁 政府就話個時實驗嘅兔仔已經滅絕曬 所以有個說法係有幾個細路放生左幾隻兔係島到 個幾隻兔唔知有幾多隻係公係女啦 瘋狂扑野之下生到成個島700隻出黎（´-`） . 唔理係真定假啦 最想講係大久野島d兔真係好狼死 小弟未見過兔仔可以好似隻狗咁大隻 又未見過咁pure嘅兔仔會為左搶野食 互相好兇暴咁打交咬爛曬其他兔嘅耳仔 更加估唔到會狼死到一野跳起扯爆小弟袋糧 但當佢扯爆左袋糧之後 除左笑都唔知可以做咩 然後再望下隻兔好似唔關自己事個無辜樣 ummmmmm d兔仔都仲係咁cute嬲唔落