深圳2日遊行程推介

難得同家人夾到weekend一齊放假，黎個快閃兩日一夜深圳遊❤️ 早一晚book定中航城1-4pm唱k (呢個時段最抵～) 12:00左右入左 大榕樹下 食個靚lunch, 好味多款😋 唱足3個鐘後 就坐左2個地鐵站 去酒店check in啦！！！ 酒店雖然無想像中咁新淨但係都住得好舒服 地點又方便！行5分鐘就到卓悅INTOWN購物中心!! Dinner就係呢個商場 亂入左一間叫 湘頌既湘菜館 原來係米芝連推介餐廳… 痴線呢個價位食到咁高質既中菜真係勁抵… 樣樣野都好好味我地已經諗好下次要約多d人再黎一齊食 食完周圍行下，原來夜晚既深圳好靚😳 同日頭完全係兩個唔同面貌 我地都覺得好有旅遊感啊🥰 行到10pm左右就返酒店休息喇～沖個熱水涼好舒服 我地無開冷氣，氣溫都岩岩好 起身後覺得精神狀態真係好過係香港好多…🥲呢度真係好舒服 執好野後 我地又去左卓悅INTOWN😆今次食超人氣日本餐廳:: 山禾田 次次見親呢間餐廳既唔同分店都勁排長龍 今次12:00noon黎到 就可以直入～～早起的鳥兒有蟲吃 !! 食物超多款，好吸引！MVP真係個梳乎厘啊好高質!! 但個鵝肝多士少失望.. 麻麻地 另外推仲紫蘇包蝦，外貌ig-able之餘仲好好味！ 食埋個lunch，行返去皇庭買下象山、盒馬，就返香港喇…🥺 期待下次既出走旅程 ! 🏠住宿推薦 1.秋果S酒店（深圳會展中心聯合廣場店）