皇庭廣場美食之--串燒

#皇庭廣場 深圳真係好多嘢食啊，今次食嘅串燒係放喺自己張枱上面燒㗎，而且無煙無碳，又好玩又好食，服務仲好好添，全程會幫我哋睇住啲串燒，燒完隻雞翼仲可以叫靚仔哥哥幫我哋去骨，呢啲服務真係冇得頂🫶🏻 佢主打鮮切牛肉，用嘅係秦川牛，每日新鮮送達，3小時就到餐枱，係深圳首家用鮮切牛肉嘅串燒店👍🏻另外一定要食佢嘅牛舌，個味調得好好，燒一陣就食得。仲有好多唔同部位都好好味，例如牛板筋、牛胸口油、牛心管等等👍🏻 除咗牛肉，佢嘅羊肉都非常好味，用嘅係西旗羊，來自新疆大草原，燒到一半已經聞到香味。仲有佢嘅雞翼，有唔同味道，仲有豬肉都有好多款式，真係試唔晒😆 另外一定要試呢個火雲餅，聽個名都夠特別，佢可以直接食，又可以包住唔同嘅小菜食，更可以包住啲串燒食，點食都好味😋我哋叫咗一扎西柚汁，估唔到佢嘅一扎係咁大樽，建議四個人先好叫呀😅 食食吓發現有幾個人黐住塊退熱貼，覺得好奇怪，一問之下先知原來係餐廳提供嘅，驚大家覺得太熱，咁都俾佢諗到😂 咁特別的串燒，梗係要去試吓啦，喺香港食唔到㗎🥰 餐廳名: 草原拾刻·烤串(皇庭旗艦店) 地址: 福田街道福華路皇庭廣場G層西廣場 #深圳美食 #串燒 #羊肉串